Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԱՐԱ ՊԱՊՅԱՆ. «ԱԴՐԲԵՋԱՆԸ ՍԿՍԵԼ Է ՀԱԿԱԴՐՎԵԼ ԱՐԵՎՄՈՒՏՔԻՆ»

Արխիվ 12-16

ԱՐԱ ՊԱՊՅԱՆ. «ԱԴՐԲԵՋԱՆԸ ՍԿՍԵԼ  Է ՀԱԿԱԴՐՎԵԼ ԱՐԵՎՄՈՒՏՔԻՆ»

 

Հայաստանի և Ադրբեջանի նախագահների հանդիպումներից առաջ թշնամու կողմից սահմանային լարվածություն է հրահրվում։ Քաղաքագետ, «Մոդուս Վիվենդի» կենտրոնի ղեկավար, դեսպան Արա Պապյանն «Իրավունքի»   հետ զրույցում ասաց, որ   հույսեր չի կապում այդ հանդիպման հետ: « Բայց այս հանդիպումը  նախորդներից տարբերվում է այնքանով, որ Ադրբեջանը սկսել է հակադրվել Արեւմուտքին եւ   թեքվել դեպի Ռուսաստան:  Իսկ Ռուսաստանի եւ Ադրբեջանի շահերը, որպես մեկուսացող երկրների, համընկնում են: Եթե ռուսական շահի տեսանկյունից նայենք,  Հայաստանն այլեւս որեւէ կարեւորություն չի ներկայացնում ՌԴ-ի համար: Ռուսաստանը կանի ամեն ինչ, որ իր գրպանում ունենա նաեւ Ադրբեջանին: Նա կարող է Բաքվին առաջարկել Արցախը»,- կարծում է Պապյանը:

Եթե որոշ վերլուծաբաններ, ինչպիսին է նախկին դեսպան Արման Նավասարդյանը, պնդում է, որ ՌԴ-ն Արցախը չի նվիրի իր Բաքվին, որ հիմա 1921 թ-ի իրավիճակ չէ, Արա Պապյանը հակառակն է փաստում` հիմա հենց  այդ իրավիճակն է:

Դեսպանի խոսքով, սակայն,  հանրության մի հատվածը դեմ կլինի Արցախը Բաքվին հանձնելուն, երկրորդ` հայկական բանակը  հեշտորեն չի զիջի Արցախը: Երրորդ` ԱՄՆ-ն  շատ լավ հասկանում է, որ եթե Արցախը տրվի Բաքվին,  Հայաստանին էլ «մարսեն», ապա Հարավային Կովկասում նրա խաղալը շատ կդժվարանա: Ի վերջո, ԱՄՆ-ի խաղը միայն Վրաստանով չի սահմանափակվում: «Եթե Իրան-ԱՄՆ հարաբերությունները լավանան, ապա Իրան-հայաստան-Վրաստան կապն Արեւմուտքի համար գուցե կարեւորվի»,-եզրափակեց  քաղաքագետը:


ՍՈՆԱ ԴԱՎԹՅԱՆ

 

 

Հավանեցի՞ր հոդվածը, կիսվիր ընկերներիդ հետ