Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՓՈԽՆԱԽԱՐԱՐՆ «ԱՐՋԻ ԾԱՌԱՅՈՒԹՅՈՒՆ Է» ՄԱՏՈՒՑՈՒՄ ԳԵՏԱՓԻ ԳՅՈՒՂԱՊԵՏԻՆ

Արխիվ 12-16

ՓՈԽՆԱԽԱՐԱՐՆ «ԱՐՋԻ ԾԱՌԱՅՈՒԹՅՈՒՆ Է»

ՄԱՏՈՒՑՈՒՄ  ԳԵՏԱՓԻ ԳՅՈՒՂԱՊԵՏԻՆ

 

Հավանաբար, դեկտեմբերի վեցին,  նոր Սահմանադրությունը կդրվի հանրաքվեի: Մինչ այդ իշխանական գրեթե բոլոր շրջանակները ջանում են  բոլոր հնարավոր միջոցներով դրական  ներկայացնել նոր Սահմանադրությունը:  ժողովուրդը «այո» ասի նոր սահմանադրությանը, ինչպես դա կանդրադառնա  համայնքների զարգացման վրա, ինչ կփոխի  գյուղացիների կյանքում: Այս եւ այլ հարցերի  մասին «Իրավունքը» զրուցեց ՀՀ տարածքային կառավարման և արտակարգ իրավիճակների նախարարի առաջին տեղակալ Վաչե Տերտերյանի հետ:


- Պրն Տերտերյան, նոր սահմանադրությունը, եթե ընդունվի հանրության կողմից, համայնքների զարգացման վրա դա ինչպե՞ս կանդրադառնա:

- Բարդ հարց է: Երկրի  կառավարման արդյունավետությունից կախված է ամեն ինչ:  Սահմանադրական բարեփոխումները  կավելացնեն մեր զարգացման տեմպերը:


- Իսկ գործող սահմանադրության շրջանակներում  գյուղապետերը չե՞ն կարոդ արդյունավետ աշխատել:

- Նոր սահմանադրության շրջանակներում մեծ ռեզերվ ունենք ավելի արդյունավետ կառավարում իրականացնել տեղական ինքնակառավարման մակարդակում:  Կառավարման այս համակարգում էլ գյուղապետ Տերտերյանը կարող է աշխատել վատ, իսկ մի այլ գյուղապետ` ավելի էֆֆեկտիվ: Բայց սահմանադրական բարեփոխումներն ավելի մեծ ամբիցիա, ավելի մեծ  հնարավորություն  պետք է ձեւավորեն:


- Իրականությանը համապատասխանո՞ւմ են այն լուրերը, թե  իշխանությունը հրահանգել է  մարզպետներին ու գյուղապետերին մինչ հանրաքվեն  քաղաքացիներին տրամադրել «այո»-ի:

-Բացարձակապես նման բան չկա: Բարեփոխումներն են, պետք է անցկացվեն, հանրաքվեն էլ պետք է անցնի ըստ ընթացակարգի:


- Իսկ եթե ժողովուրդը  ասի «ոչ»  նոր սահմանադրությանը, ինչպես կընկալվի այն իշխանության կողմից:

- Կընկալվի որպես «ոչ»:


- Մտավախություն չունե՞ք, որ  սահմանադրական բարեփոխումների դեմ ձեւավորված «Ոչ»-ի ճակատը  կտապալեն  սահմանադրական բարեփոխումները:

- Եթե օրենքով   թույլատրված շրջանակում է ամեն ինչ… քվեարկության արդյունքը  ցույց կտա:

- Ո՞ւնի  ռեսուրս  «Ոչ»-ի ճակատը  տապալելու գործընթացը:

- Իմ տպավորությամբ` ոչ: Տապալելու խնդիր չկա, այլ համոզել, որ նրանք դեմ քվեարկեն նոր սահմանադրությանը կամ չքվեարկեն:

- Պրն Տերտերյան, գյուղապետերի մի մասը դեռ շարունակում է դժգոհել   համայնքների խոշորացման ծրագրից: Դժգոհում են այն գյուղապետերը, որոնք, ըստ իրենց, կարողանում են  արդյունավետ տնօրինել  ֆինանսական միջոցները:Դուք հաշվի առնում ենք այդ դժգոհյությունները:

- Իհարկե, բայց ձեր տպավորություններն այնքան էլ  իրականությանը չեն համապատասխանում: Ձեր ասած գյուղապետերը, որոնք քիչ թե շատ կարողանում են  էֆֆեկտիվ աշխատել, դեմ չեն   համայնքների խոշորացմանը:  Իսկ այն գյուղապետերը, որոնք դժգոհ են, փորձում  ենք համոզել նրանց հակառակը:


- Գետափի գյուղապետն օրինակ, ասում է, որ իր գյուղը շուտով Եվրոպա է դառնալու, ինչո՞ւ ինքը պետք է միանա այլ գյուղերի:

- Ինքը  էդքան վստա՞հ է, որ իր գյուղը Եվրոպա է դառնալու:


- Ասում է` շուտով դառնալո՞ւ է:

- Գետափի գյուղապետն այս խնդրում մի ձայն ունի: Մնացած դեպքերում ինքը չափազանցնում է: Իհարկե, լավ է, որ Գետափի գյուղապետը նման ամբիցիա ունի եւ ասեմ, որ  համայնքը կազմակերպվածներից է: Խոշորացման դեպքում  համայնքի`Եվրոպա դառնալու  շանսը մեծանում է: Համայնքների խոշորացման մասին խոսելիս մենք  փաստարկը լավ կամ վատ գյուղը չէ, այլ խոշոր կառավարման համակարգն  ավելի արդյունավետ է: Կարծես թե արջի ծառայություն եմ մատուցում իմ ընկերոջը (նկատի ունի  Գետափի գյուղապետին-խմբ.), բայց գնացեք  Գետափ եւ բոլորին հարցրեք` դուք Եվրոպա՞ եք, համամի՞տ եք գյուղապետի կարծիքին:


ՍՈՆԱ ԴԱՎԹՅԱՆ


 

Հավանեցի՞ր հոդվածը, կիսվիր ընկերներիդ հետ