Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

Բաղանիսի գյուղապետն արձագանքել է Ք. Պեպելյանի կոչին. «ՍԱՀՄԱՆՆ ԱՄՈՒՐ Է, ԵԹԵ ԹԻԿՈՒՔԸ ԳՈՐԾՈՒՄ Է»

Արխիվ 12-16

Բաղանիսի գյուղապետն արձագանքել է Ք. Պեպելյանի կոչին.

«ՍԱՀՄԱՆՆ ԱՄՈՒՐ Է, ԵԹԵ ԹԻԿՈՒՔԸ ԳՈՐԾՈՒՄ Է»

 

Ինչպես արդեն նշել է «Իրավունքը», երգչուհի ՔՐԻՍՏԻՆԵ ՊԵՊԵԼՅԱՆՆ անդրադառնալով սոցցանցերում չարչրկված թեմային, թե պետք է չեղյալ հայտարարվի «Էրեբունի-Երեւան» տոնակատարությունն ու դրա համար նախատեսված բյուջեն ուղղվի սահմանամերձ համայնքների ու դրանց բնակիչների կարիքները հոգալուն` հայտարարել էր, որ տոնակատարություններից գոյացած իր ողջ հոնորարը կկրկնապատկի (իր միջոցներով) եւ կփոխանցի Բաղանիսի գյուղապետարան՝ ինչ-որ չափով փարատելու մեր սահմանամերձ գյուղի բնակիչների հոգսերը: Ապա ընդգծել. «Կոչ եմ անում բոլոր գործընկերներիս նմանօրինակ նախաձեռնությամբ հանդես գալ. Դուք այսպես ե՛ւ չեք «վիրավորի» ձեր մայրաքաղաքին, ե՛ւ ինչ-որ չափով կօգնեք մեր սահմանամերձ բնակիչներին»:

Երգչուհու կոչին արձագանքել է Բաղանիս համայնքի ղեկավար ՆԱՐԵԿ ՍԱՀԱԿՅԱՆԸ. «Այսօր առավոտյան համացանցից տեղեկացա ու հաճելիորեն զարմացա, որ մեր էստրադային երգչուհի Քրիստինե Պեպելյանը «Էրեբունի-Երեւան» տոնակատարության իր հասանելիք հոնարարը կկրկնապատկի սեփական միջոցներից եւ կնվիրի սահմանամերձ Բաղանիսին:
Հարգելի Քրիստինե, իմ, ավագանու եւ ողջ համայնքի բնակիչների անունից հայտնում ենք մեր խորին շնորհակալությունը նման գեղեցիկ ու հաճելի վերաբերմունքի համար եւ սիրով Ձեզ սպասում ենք մեր համայնքում: Թող Ձեր այս քայլը օրինակ ծառայի մյուսներին…Սահմանն ամուր է, եթե թիկուքը գործում է»:

Գյուղապետի շնորհակալական խոսքին պատասխանելով` Ք. Պեպելյանն իր ֆեյսբուքյան էջում ընդգծել է. «Պարոն Սահակյան, Դուք իրավացի եք, սահմանը ամուր է, եթե թիկուքը գործում է: Միգուցե չարժեր եւս մեկ անգամ անդրադառնալ այս թեմային, բայց Ձեր գրառումը այնքան հուզեց ինձ, որ չկարողացա անտարբեր լինել:
Կլինեմ հնարավորինս հակիրճ. նախ թույլ տվեք Ձեզ վստահեցնել, որ իմ կոլեգաները՝ հայ երաժիշտներից յուրաքանչյուրը, միշտ պատրաստակամ են օգնելու ոչ միայն Ձեր համայնքին, այլեւ սահմանամերձ յուրաքանչյուր համայնքի: 
Ինչպես նաեւ շնորհակալ եմ ջերմ խոսքերի համար ու վստահեցնում եմ, որ առաջին իսկ հնարավորության դեպքում ներկա կգտնվեմ ձեր համայնքում եւ սիրով կերգեմ մեր հայրենակիցների համար։ Շնորհակալ եմ»:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ