Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՊԱԹԵՏԻԿ «ՀԵՐՈՍՆԵՐԸ» ՄԻ ՆՈՐ ԹԵՄԱ ԵՆ ԳՏԵԼ

Արխիվ 12-16

ՊԱԹԵՏԻԿ «ՀԵՐՈՍՆԵՐԸ» ՄԻ ՆՈՐ ԹԵՄԱ ԵՆ ԳՏԵԼ

 

Վերջին մի քանի օրերին հանրապետության սահմաններում ստեղծված լարված իրավիճակից հետո մեր համաքաղաքացիների մի մասը պահանջում է Երեւանի քաղաքապետարանից չեղյալ համարել այս տարվա Էրեբունի-Երեւան տոնակատարության միջոցառումները եւ գումարներն ուղղել սահմանամերձ գյուղերին: Ավելին` ֆեյսբուքյան նախաձեռնությանը միացել է արդեն 3000-ից ավելի մարդ: Այս օրերին իրեն «հարգող» յուրաքանչյուր քաղաքացի, իհարկե` Արմենչիկի վաստակավոր արտիստ դառնալու թեմայից հետո, իրեն իրավունք վերապահեց խոսել այս թեմայի շուրջ, նույնիսկ` բաց նամակներ հղեցին Երեւանի քաղաքապետին: Այնուամենայնիվ, հաղորդավարուհի ԶԱՌԱ ԱՐԱՄՅԱՆԸ թեմային այլ լուծում տալով` նույնպես բաց նամակ գրեց Երեւանի քաղաքապետին.

«Խնդրում եմ ձեզ, սահմանային գյուղերի հարցով մտահոգված բոլոր սահմանային գյուղերի բնակիչներին, ով գրանցված էր այդ գյուղերում, բայց այժմ բնակվում է Երեւանում, Էրեբունի-Երեւան տոնակատարության բյուջեի հաշվին, վերադարձնել իրենց հայրենի բնակավայրերը, տեղում իրենց մտահոգությունը ապացուցելու համար: Սահմանային գյուղերում չգրանցված, բայց սահմանային գյուղերի ճակատագրով, Էրեբունի-Երեւան տոնակատարությանն ընդառաջ միշտ մտահոգվողներին, նույնպես տոնակատարության բյուջեի հաշվին վերաբնակեցնել սահմանային գյուղերում` իրենց ապահովելով համապատասխան կացարանով եւ շարժական գույքով»:
Բայցեւայնպես, Երեւանի քաղաքապետարանի պատասխանը չուշացավ` Էրեբունի-Երեւան տոնակատարության միջոցառումները չեղյալ չեն համարվի: Իհարկե, բավական նուրբ է թեման, բայց զգացմունքների ոլորտից դուրս գալով` նախ պետք է ռեալ դատենք` արդյո՞ք ամենամյա երեւանյան տոնը չնշելով, կլուծենք սահմանային որեւէ գյուղի խնդիր: Ինչեւէ, սա արդեն ցույց կտա ժամանակը, բայց որ այս հարցի շուրջ դեռ շատ պաթետիկ «հերոսներ» ի հայտ կգան, որոնք տարբեր ամբիոններից կփորձեն առավել հայրենասեր երեւալ, միանշանակ է:

Կույտը մշակեց ԼԻԼԻԹ ԵՂԻԱԶԱՐՅԱՆԸ

Հավանեցի՞ր հոդվածը, կիսվիր ընկերներիդ հետ