Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

«ՆԿԱՐԱՀԱՆՈՒՄՆԵՐԻ ԺԱՄԱՆԱԿ ԾՆՈՂՆԵՐԻ ՀԵՏ ԱՎԵԼԻ ՇԱՏ ԲԱՐԴՈՒԹՅՈՒՆՆԵՐ ԵՆ ԼԻՆՈՒՄ, ՔԱՆ` ԵՐԵԽԱՆԵՐԻ»

Արխիվ 12-16

«ՆԿԱՐԱՀԱՆՈՒՄՆԵՐԻ ԺԱՄԱՆԱԿ ԾՆՈՂՆԵՐԻ ՀԵՏ ԱՎԵԼԻ ՇԱՏ ԲԱՐԴՈՒԹՅՈՒՆՆԵՐ ԵՆ ԼԻՆՈՒՄ, ՔԱՆ` ԵՐԵԽԱՆԵՐԻ»

 

Օրերս «Մոսկվա» կինոթատրոնում հայ հանդիսատեսը հնարավորություն ունեցավ մեկ տոմսով դիտելու` «Հավես չկա» եւ «Թափթփված Թագուհին» երկու նոր մանկապատանեկան կինոկատակերգությունները: Հեքիաթ ֆիլմերն ունեն դաստիարակչական ուղղվածություն: «Թափթփված Թագուհին» անչափ փնթի մի աղջկա մասին է, ով իր ընկերուհիների շնորհիվ վերափոխվում է` դառնալով կոկիկ աղջիկ: Իսկ «Հավես չկա» ֆիլմն էլ պատմում է ալարկոտ տղաների մասին, որոնք ամեն կերպ փորձելով սիրաշահել աղջկա վստահությունը`  վերափոխվում են:

Ֆիլմերի բեմադրող ռեժիսոր ՆԱՐԻՆԵ ՄՆԱՑԱԿԱՆՅԱՆՆ «Իրավունքին» տեղեկացրեց, որ ընդհանրապես երեխաների հանդեպ եղած սերն է իրեն դրդել հեքիաթ ֆիլմեր նկարահանել. «Քանի-որ շատ եմ սիրում երեխաներին, այդ պատճառով ստեղծեցի մանկապատանեկան ֆիլմեր: Պաշտպանեցի հեղինակային իրավունքներս եւ սկսեցի աշխատել: Հեքիաթ ֆիլմերն անվանում ենք մանկապատանեկան, քանզի մեր մոլորակի ապագան հենց երեխաներն են: Աշխարհում որեւէ դրական փոփոխություն կատարելու համար պետք է ամեն ինչ սկսել հենց երեխաներից»:
Ֆիլմերի սյուժեներն ունեն հիմնական նպատակ, սկզբունքներ, որոնք հեքիաթ ֆիլմի հիմքն են, իսկ կինոնախագիծը ներկայացնում է ֆիլմեր` ստեղծված հատուկ երեխաների ճիշտ դաստիարակության եւ մեր մոլորակի բարի ապագայի համար. «Սա Ճիշտ եւ օգտակար ժամանց է բոլոր տարիքի երեխաների համար: Այս անգամ հեքիաթ ֆիլմը ներկայացնում է մարդկային երկու թերություն: Ալարկոտ կամ թափթփված բնավորությունն ուղղելը այնքան էլ հեշտ բան չէ, բայց մեր հերոսներին հաջողվում է դա անել: Մեր նպատակն է` հանդիսատեսին ի ցույց դնել իրական կյանքում մարդկանց գործած սխալները եւ մատնանշելով դրանց բացասական հետեւանքները` փորձել հեռու պահել բոլորին վարքագծի նմանօրինակ դրսեւորումներից: Եթե մեզնից յուրաքանչյուրը նման մի քայլ անի, աշխարհում խաղաղություն կտիրի: Դա է հեքիաթ ֆիլմի երազանքը: Այդ իսկ պատճառով որոշել ենք այսուհետ մեր ֆիլմերը մատուցել անգլերեն թարգմանությամբ, որպեսզի մեր բարի նպատակը հնարավորինս հեռու հորիզոններ լուսավորի»,- ասաց ռեժիսորն ու մանրամասնեց, թե ինչ սկզբունքով են ընտրվում ֆիլմերում նկարահանվող երեխաները. «Ծնողները մոտենում են ինձ, խնդրում, որ իրենց երեխաներին ներգրավենք ֆիլմերում: Ես ընտրում եմ ավելի շնորհալիներին` գլխավոր դերերի համար, իսկ ովքեր էլ մի փոքր զիջում են` առայժմ  էպիզոտիկ դերերում են հանդես գալիս, եթե աճն իրենց մոտ արագ լինի, ապա նրանք էլ կանցնեն գլխավոր դերերի»:
Ռեժիսորը չնայած հակիրճ, բայց խոսեց նաեւ նկարահանումների ժամանակ ծագած բարդությունների մասին. «Նկարահանումների ժամանակ ծնողների հետ ավելի շատ բարդություններ են լինում, քան երեխաների, որովհետեւ երեխաները շատ պարզ մարդիկ են»:

ՀՌԻՓՍԻՄԵ ՄԻՆԱՍՅԱՆ

Հավանեցի՞ր հոդվածը, կիսվիր ընկերներիդ հետ