Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

"ՍԽԱԼ Է ԵՐԲ 0,001 ՏՈԿՈՍԸ ՔԱՐՈԶՈՒՄ Է 99,9 ՏՈԿՈՍԻՆ" ՀԱՅԿ ԲԱԲՈՒԽԱՆՅԱՆ

Արխիվ 12-16

"ՍԽԱԼ Է ԵՐԲ 0,001 ՏՈԿՈՍԸ ՔԱՐՈԶՈՒՄ Է 99,9 ՏՈԿՈՍԻՆ" ՀԱՅԿ ԲԱԲՈՒԽԱՆՅԱՆ

 

Ազգային ժողովում 2014 թվականի իր հաշվետվությունն էր ներկայացնում ՀՌԱՀ նախագահ Գագիկ Բունիաթյանը: Նախորդ տարվա գործունեության հետ կապված ԱԺ պատգամավոր Հայկ Բաբուխանյանը մի քանի հարցեր ուղեց նրան: Մինչ այդ նշեց, որ հանձնաժողովը դրական աշխատանք է կատարել հաշվետու տարվա մեջ՝ գրեթե բոլոր ուղություններով: Պատգամավորի առաջին հարցը վերաբերում էր Հայաստանի եւ ԼՂՀ-ի համապատասխան հանձնաժողովների միջեւ ձեւավորված աշխատանքի ընթացքին եւ դրա հետագա շարունակությանը: Հաջորդ հարցը ուղված էր մասնավոր հեռուստաընկերություններին, որտեղ պատգամավորը փաստեց. <կա այսպիսի երեւույթ, ենթադրենք բացել եմ հեռուստաընկերություն, իմ սեփականն է եւ սկսում եմ ինքս ինձ գովալ, իսկ հակառակորդներին հեռուստաքիլերությամբ ոչնչացնում եմ: Այսինքն, չկա բազմակարծություն: Մոտնեում են ընտրությունները, առաջիկայում հանրաքվե կա, պետք է պայքարել այս երեւույթի դեմ: Եթե Հանրային հեռուստաընկերությունը բալանսավորված է, կա բազմակարծություն, ապա մասնավորում, որոնք օգտվում են հանրային ռեսուրսներից, պետք է խնդիրը լուծել, հատկապես որ սպասվում են քաղաքական գործընթացներ>:

Մյուս հարցը դա  հեռուստաեթերներում լեզվի անաղարտության թեման էր, որտեղ, ըստ պատգամավորի կրկին կան թերություններ. <Եթերով գովազդվում է մի պաղպաղակ, որի անունը չեմ ցանկանում տալ, ժարգոնով ու փողոցի լեզվով է ներկայացված, որը տեսնելուն պես թեքում եմ ալիքը>:

Իս վերջին հարցը ՍԻՄ նախագահի հեռուստաեթերով երբեմն սպրտվող աղանդավորության թեմաներն են. <սխալ է, որ 0,001 տոկոսը սկսում է քարոզել 99,9 տոկոսին եւ օգտագործում է հեռուստատեսության հնարավորությունները>:

Իր պատասխան խոսքում Բունիաթյանը ներկայացրեց ԼՂՀ-ի հետ համատեղ աշխատանքը: Այնուհետ նշեց, որ մասնավոր հեռուստաընկերություններում պետք է շտկվի վիճակը, բազմակարծությունը պետք է տեղ գտնի:

Լեզվի անաղարտության եւ կոնկրետ պաղպաղակի գովազի հետ կապված Բունիաթյանը միանգամից ընկալեց, որ խոսքը գնում է Գրանտ Քենդի պաղպաղակի խայտառակ գովազդի մասին, որտեղ մրգերը գողական, փողոցային բառերով են խոսում իրար հետ եւ ասաց, որ անպայման քայլեր կանեն այդ ուղղությամբ:

4-րդ հարցի վերաբերյալ ՀՌԱՀ նախագահը նշեց, որ համամիտ է պատգամավորի այն մտահոգությանը, որ 0,001 տոկոսը չպետք է քարոզի 99,9 տոկոսին, սակայն. <մեր խնդիրը բազմակարծություն ապահովելն է, եթե դա օրենքի սահմաններում է: Կրոնական կազմակերպությունները գրանցված են եւ իրավունք ունեն քարոզելու, այդ թվում եթերում եւ չեմ գտնում, որ ինչ որ խնդիր ունենք>,- ասաց Բունիաթյանը եւ դիմելով պարոն Բաբուխանյանի հավելեց, որ եթե կա մտահոգություն կարող են հարցը ավելի մանրամասն քննարկել:

Արձագանքելով պատասխաններին պատգամավորը ասաց, որ ինչ վերաբերում է քարոզներին, ապա եթե  մի աղանդ դրսից ստանալով գումար ունի դրա հնարավորությունը անհավասար պայմաններում է գտնվում մյուսների նկատմամբ, ովքեր դրսից գումարներ չեն ստանում: Դրա համար պետք է հաշվի առնել հասարության սկզբունքը, ինչպես նաեւ մեր հասարկության ճնշող մեծամասնության կրոնական զգացմունքներն ու իրավունքները,  եւ  պետք չէ պարտադրել ինչ որ օտար գաղափարախոսություն կամ կրոն քարոզել նրանց. <Մեզ մոտ ազատ է խղճի ազատությունը, բայց պետք չէ բռնանալ մյուսի խղճի ազատության վրա հեռուստատեսության միջոցով: Իսկ վճելի գովազդային տեքստերի հետ կապված գուցե կան վիճելիները, բայց կան, որ անվիճելի են, քանի որ լեզվի պահպանությունը օրենքի պահանջ է>:

 


ԱՐՄԵՆՈՒՀԻ ՀԱԿՈԲՅԱՆ

 

Հավանեցի՞ր հոդվածը, կիսվիր ընկերներիդ հետ