Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

«ՍԻՍԻԱՆՑԻՆԵՐՆ ԱՀԱԲԵԿՎԱԾ ԵՆ». ԱՎԱԳԱՆՈՒ ԱՆԴԱՄԻ ԵՎ ՎԱՐՉԱՊԵՏԻ ՀԱՆԴԻՊՈՒՄԸ ԴԵՌ ՉԻ ԵՂԵԼ

Արխիվ 12-16

«ՍԻՍԻԱՆՑԻՆԵՐՆ ԱՀԱԲԵԿՎԱԾ ԵՆ». ԱՎԱԳԱՆՈՒ

ԱՆԴԱՄԻ ԵՎ  ՎԱՐՉԱՊԵՏԻ ՀԱՆԴԻՊՈՒՄԸ ԴԵՌ ՉԻ ԵՂԵԼ


 

«Իրավունքը» սեպտեմբերին գրել էր, որ Սիսիանի ավագանու անդամ Սրբուհի Գրիգորյանը, հավանաբար, Հովիկ Աբրահամյանի հետ կհանդիպի սեպտեմբերի վերջին:

Հիշեցնենք`Սրբուհի Գրրգորյանը   նամակ է գրել ՀՀ վարչապետ Հովիկ Աբրահամյանին և տեղեկացրել, որ Սիսիան քաղաքին տրամադրվող գումարները չեն ծառայում իրենց նպատակին այն պարզ պատճառով, որ դրանք  համաչափ չեն բաշխվում:

 

«Իրավունքը» Սրբուհի Գրիգորյանի հետ զրույցից պարզեց, որ  վարչապետի հետ հանդիպումը դեռ չի եղել: «Առայժմ պատասխան չունեմ: Սպասում եմ, թե երբ է նշանակվելու հանդիպման  օրը»,- ասաց ավագանու անդամը:

Այս մեկ ամսվա ընթացքում, սակայն, ավագանու անդամի բարձրացրած հարցերից ոչ մեկին լուծում չի տրվել պատկան մարմինների կողմից:

Ի դեպ,  Սրբուհի Գրիգորյանը մեզ տեղեկացրեց, որ Գորիս քաղաքին միայն այս տարի գրեթե 100 մլն դրամ ավելի է տրվել, քան Սիսիանին: Նախորդ տարիներին էլ տարբերություններ եղել են «հօգուտ Գորիսի», բայց ոչ այդ չափի:

Ավագանու անդամն անհրաժեշտություն չի համարում մինչ վարչապետին հանդիպելը  Սյունիքի մարզպետ Սուրեն Խաչատրյանին հանդիպել` քննարկելու եւ լուծումներ գտնելու  իր կողմից բարձրացված հարցերի վերաբերյալ:  «Դե եթե վարչապետին պետք է հանդիպեմ, կարիք կա՞ նորից հանդիպել մարզպետին: Այն հրատապ ծրագրերը, որոնք ես նշել եմ, օրինակ, ֆիզկուլտուրնիկների չորրորդ կարգի վթարային եւ ամրացման ոչ ենթակա շենքը, Սիսիանի քաղաքապետարանը որպես հրատապ ծրագիր ուղարկել էր  մարզպետարան, որն էլ իր հերթին պետք է այն կառավարություն ուղարկեր: Սակայն ծրագիրը կառավարություն չի հասել, ավելին` այն  հանվել է հրատապների շարքից»,- ասաց  ավագանու անդամը:

Ինչո՞ւ ավագանու անդամի այդ հայտարարությունն այդքան մեծ աղմուկ հանեց: Ի վերջո,  Սիսիան քաղաքի խնդիրների մասին հաճախ է խոսվում: «Միգուցե ավագանու ինստիտուտի կայացման խնդիր կա կամ  մինչեւ հիմա ավագանու ոչ մի անդամ նման  նամակով հանդես չէր եկել, չէր ըմբոստացել (եթե իհարկե սա ըմբոստություն կարելի է համարել) մարզպետարանի դեմ»,- կարծում  է Սիսիանի ավագանու անդամը:

Սյունիքի մարզպետ Սուրեն Խաչատրյանի հետ չհանդիպելու պատճառներից մեկն էլ, ըստ Սրբուհի Գրիգորյանի, այն է, որ  կառավարությանն ուղղված իր առաջին նամակն  հասցեագրվել էր մարզպետարան: Մարզպետի հանձնարարությամբ  հանձնաժողով էր ստեղծվել` ուսումնասիրելու խնդիրը Սիսիանի տարածաշրջանի մասին: «Սակայն խոսքը ոչ թե Սիսիանի տարածաշրջանի, այլ Սիսիան  քաղաքին էր վերաբերում: Ավելի կոնկրետ` վթարային վիճակում գտնվող ֆիզկուլտուրնիկների վեց բնակելի շենքերի բնակիչներին: Իմ հայտարարությունից մեկ-երկու շաբաթ հետո երկրաշարժ եղավ Սիսիանում, եւ հիմա այդ բնակիչներն ավելի ահաբեկված են ապրում»,- եզրափակեց  տիկին Գրիգորյանը:

 


ՍՈՆԱ ԴԱՎԹՅԱՆ


 

 

Հավանեցի՞ր հոդվածը, կիսվիր ընկերներիդ հետ