Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԱԳՆ-Ն ՍՏԻՊՈՒՄ Է ԵՐԵՔ ՕՐՈՒՄ ՅՈՒՐԱՑՆԵԼ ՖՐԱՆՍԵՐԵՆԸ, ԻՍԿ 7 ՐՈՊԵՈՒՄ` Շ.ԱԶՆԱՎՈՒՐԻ ՀԱՄԵՐԳԸ

Արխիվ 12-16

ԱԳՆ-Ն ՍՏԻՊՈՒՄ Է ԵՐԵՔ ՕՐՈՒՄ ՅՈՒՐԱՑՆԵԼ ՖՐԱՆՍԵՐԵՆԸ, ԻՍԿ 7 ՐՈՊԵՈՒՄ` Շ.ԱԶՆԱՎՈՒՐԻ ՀԱՄԵՐԳԸ

 

Այն, որ ՀՀ պետական լեզուն հայերենն է, մի հայտարարությամբ գրողի ծոցն ուղարկեց Արտաքին գործերի նախարարությունը: Երեկ նախարարության տարածած հաղորդագրության համաձայն` հոկտեմբերի 10-ին Կարեն Դեմիրճյանի անվան մարզահամերգային համալիրում տեղի կունենա Շառլ Ազնավուրի համերգը: Եվ տեխնիկական մանրամասները նշելով` պարզվում է, որ լրատվամիջոցները պետք է հավատարմագրվեն բացառապես ֆրանսերենով: Իսկ ինչն առավել զավեշտալի է, համերգի լուսաբանումը թույլատրվելու է միայն առաջին 7 րոպեների ընթացքում, որից հետո լրատվամիջոցների ներկայացուցիչները պետք է լքեն դահլիճը: Այո, լրագրողները պետք է աշխատեն ճիշտ նրբերշիկի պես` 7 րոպե եւ վերջ:

Ի դեպ, ամեն ինչ արվել է ոչ միայն նրա համար, որ աշխարհահռչակ շանսոնյեի համերգը չլուսաբանվի, այլ նաեւ հոկտեմբերի 10-ից 11-ը Երեւանում կայանալիք Ֆրանկոֆոնիայի միջազգային կազմակերպության արտգործնախարարների համաժողովի 31-րդ նստաշրջանը, քանի որ այստեղ եւս խիստ անհրաժեշտ է ֆրանսերենի իմացությունը: Ուշագրավ է նաեւ ԱԳՆ խոսնակ ՏԻԳՐԱՆ ԲԱԼԱՅԱՆԻ մեկնաբանությունն «Իրավունքին», ի պատասխան այն հարցի, թե ինչո՞ւ է հավատարմագրումն իրականացվում ֆրանսերենով.

- Սա ֆրանկոֆոնիայի միջոցառում է, եւ համերգը այդ շրջանակներում է տեղի ունենում: Ֆրանկոֆոնիայի միջազգային կազմակերպությունն է հավատարմագրումն իրականացնում:

- Այսինքն` կազմակերպչական հարցերով ԱԳՆ-ն չի՞ զբաղվում:

- Ես այդպիսի բան չասացի, սա ֆրանկոֆոնիայի միջոցառում է, եւ հավատարմագրումն իրականացնում է ֆրանկոֆոնիայի կողմից:

Այնուամենայնիվ, անհասկանալի է նման արդարացումը, բավական է հիշեցնել, որ բոլորովին վերջերս Երեւանում կայացած Եվրոպական բարձրագույն կրթական տարածքի (ԵԲԿՏ) Նախարարական գագաթաժողովի եւ Բոլոնիայի քաղաքական չորրորդ ֆորումի ժամանակ ԿԳ նախարարությունը չստիպեց լրագրողներին անգլերենով հավատարմագրվել ու որեւէ ավելորդ խնդիր չստեղծեց: Ի վերջո, առաջին անգամ չէ, որ միջազգային կազմակերպության համաժողով է անցկացվում Հայաստանում: Ուստի` կարելի էր մեղքը միջազգային կազմակերպության վրա գցելու փոխարեն, դյուրացնել սեփական երկրի լրագրողների մասնակցության հարցը: Հավելենք նաեւ, որ երեկվա դրությամբ, անգամ վերոգրյալ հավատարմագրման էլեկտրոնային հղումը անհասանելի էր:

Այնպես որ, մնում է «օղեվուաղ» ասել ԱԳՆ-ին, ում կարծիքով` երեք օրում հայրենի լրագրողները պիտի ֆրանսերեն սովորեին, ապա «մեղսի» ասել` նման վերաբերմունքի համար:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ