Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԵՌԱՏՈՆ` ԴԱՎԹԱՇԵՆ ՎԱՐՉԱԿԱՆ ՇՐՋԱՆՈՒՄ

Արխիվ 12-16

ԵՌԱՏՈՆ` ԴԱՎԹԱՇԵՆ ՎԱՐՉԱԿԱՆ ՇՐՋԱՆՈՒՄ



Այսօր Դավթաշեն վարչական շրջանում իսկական տոնական տրամադրություն էր: Տեղի ունենացավ միարժամանակ երեք իրարից տարբեր, բայց միեւնույն ժամանակ մեկը մյուսից կարեւոր, հետաքրքիր միջոցառումներ: Երևանի քաղաքապետ Տարոն Մարգարյանը,ԵԿՄ նախագահ Մանվել Գրիգորյանը,Դավթաշեն վարչական շրջանի ղեկավար Ռուսլան Բաղդասարյանը համատեղ բացեցին Հայրենական մեծ պատերազմի և Արցախյան ազատամարտի զոհերին նվիրված հուշակոթող: Հուշարձանը նվիրված է Դավթաշենի այն հերոսներին, որոնք իրենց կյանքը չեն խնայել հանուն հայրենիքի: Նրանց սխրանքն անմահ է, որով մի քանի սերունդ է դաստիարակվել: Մինչ այդ իր օրհնությունը տվեց դավթաշենի սրբոց նահատակաց եկեղեցու հոգեւոր սպասվոր Տեր Խորեն

քահանա  Մարուքյանը: Հուշակոթողը բացելուց հետո գեներալ Մանվել Գրիգորյանը հանձնեց, Դավթաշեն վարչական շրջանի ԵԿՄ անդամներին հետմահու, պետական կարգավիճակ ստացած վկայականներ` զոհվածների ընտանիքի հարազատներին, որից հետո իր խոսքն ուղեց ներկաներին.

<Հուշարձանը դա պատմություն է եւ դրանով ոչ միայն հիշատակում ենք զոհվածներին ու հատկապես Դավթաշենի տաղաներին, ովքեր

1989 թվականի շարժման առաջին օրվանից զինվորագրվել են եւ կարողացել են իրենց ճիշտ դրսեւորել: Ամեն հայ պարտավոր է հոգով մասնակից լինել նման միջոցառմանը: Պատմության մեջ առաջին անգամ է տեղի ունենում, որ պետությունը զոհվածներին վկայականով ճանաչում է որպես կամավորականներ եւ այս երկրի անկախությունը ձեռք բերողներ: Այս հուշարձանը չի քարանալու, այլ նրանք վերեւից միշտ մեզ նայելու են եւ մեզ ուղություն են տալու, որ ճիշտ ապրենք>:

Հաջորդ առիթը վերաբերում էր Դավթաշեն վարչական շրջանի 76-րդ ամյակին: Այն հիմնադրվել է 1938 թվականին, որտեղ գաղթել եւ ապրել են Ապարանի շրջանի տարբեր գյուղերից: Երբ 1939 թվականին Հայաստանում մեծ շուքով տոնվել է Սասունցի Դավիթի էպոսի հազար ամյակը, Դավիթ անունով առաջին գյուղը վերանվանվեց Դավթաշենի: Այս առիթով միջոցառմանը ներկա Երեւանի քաղաքապետ Տարոն Մարգարյանը իր խոսքն ուղեց ներկաներին ասելով.

<Մենք մի հուշարձան բացեցինք, որը մեզ համար պատիվ է: Չնայած այստեղ կար հուշարձան նվիրված մեծ հայրենականի զոհերին, սակայն նրան հարակից բացվեց արրցախյան պատերազմի մի հուշարձան` քաջարի զոհված տղաների համար: Ես խոնարհվում եմ այդ տղաների շիրիմի, նրանց ծնողների առջեւ: Շնորհավորում եմ դավթաշենցիներին այս տոների կապակցությամբ>:

Քաղաքապետն իր խոսքում առանձնացրեց նաեւ, որ այս կարեւոր միջոցառմանը ներկա է Ֆրանսիայի Անտոն քաղաքի քաղաքապետը, որը եկել է շատ կարեւոր առաքելությամբ.

<Դեռ մի քանի ամիս առաջ Ֆրանսիայում ստորագրվեց մի հուշագիր Դավիթաշեն եւ Անտոն քաղաքների միջեւ համագործակցության վերաբերյալ: Իսկ այսօր հուշագրի մյուս կողմը, ըստ պայմանավորվածության, պետք է ստորագրվի հենց Դավթաշեն վարչական շրջանի այս սուրբ վայրում, որտեղ կառուցվել է հուշակոթող>:

Քաղաքապետի խոսքի ավարտից հետո Երևանի Դավթաշեն վարչական շրջանի եւ Ֆրանսիայի Անտոնի քաղաքների միջեւ, ի դեմս քաղաքապետ Ժան-Իվ Սենանի, ստորագրվեց քույրացման հուշագիր, որով մեկնարկ տրվեց Դավթաշենի եւ Անտոնիի բարեկամության։ Խոսքով հանդես եկավ վարչական շրջանի ղեկավար Ռուսլան Բաղդասարյանը, շնորհավորեց եւ շնորհակալություն հայտնեց ներկաներին այս կարեւոր ու պատմական օրվա կապակցությամբ: Շնորհավորանքներին ու բարեմաղթանքներին  հաջորդեց բարեկամության ծառատունկը: 

Պաշտոնական մասից հետո կազմակերպվել էր խնջույք՝ դավթաշենյան ավանդույթներով: Ներկաներին բարձր ու մարտական տրամադրություն հաղորդեցին իրենց երգով ՀՀ վաստակավոր արտիստներ Լեյլա Սարիբեկյանն ու Արսեն Գրիգորյանը, Մրո: Իսկ վերջում մատուցվեց նաեւ մատաղ:

 

 

 


 

 

 

 

 

 

 

 

 

 

 

 

 

 

 

 

 


 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Լուսանկարները` Գագիկ Շամշյանի

 

ԱՐՄԵՆՈՒՀԻ ՀԱԿՈԲՅԱՆ

 


 

 

 

Հավանեցի՞ր հոդվածը, կիսվիր ընկերներիդ հետ