Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՀՂԻՈՒԹՅԱՆ ԸՆԹԱՑՔՈՒՄ ԿԻՆԸ ԱՎԵԼՈՐԴ ՔԱՇ Է ԿՈՒՏԱԿՈՒՄ

Արխիվ 12-16

ՀՂԻՈՒԹՅԱՆ ԸՆԹԱՑՔՈՒՄ ԿԻՆԸ ԱՎԵԼՈՐԴ ՔԱՇ Է ԿՈՒՏԱԿՈՒՄ


- Ինչպե՞ս ազատվել ավելորդ քաշից: Կարող է այն ազդել կաթնարտադրության վրա:

Հարցին պատասխանել է ՀՀ ԱՆ Ֆիզիկական բժշկության եւ կուրորտաբանության ԳՀԻ սննդաբան, գաստրոէնտերոլոգ  
ՎԱՐԴԱՆՈՒՇ ՊԵՏՐՈՍՅԱՆԸ.

-Որպես կանոն, հղիության ընթացքում կինը ավելորդ քաշ է կուտակում, որը հետո որոշ կանանց մոտ վերականգնվում է շուտ, որոշ կանանց մոտ ավելի դանդաղ կամ հակառակը` ավելանում է:
Սա անհատական է` կախված կնոջ օրգանիզմի առանձնահատկությունից, շարժունությունից, նյութափոխանակությունից եւ սննդի ընտրությունից: Կարեւորը երեխային չվնասելն է: Ամենաճիշտ եւ ապահով տարբերակը քաշի աստիճանաբար իջեցումն է: Պլանավորեք վերականգնել ձեր քաշը երեխայի ծննդյան օրվանից սկսած` մեկ տարվա ընթացքում, որից առաջին 2 ամիսը պետք չէ նախաձեռնել լուրջ դիետաներ` դա կարող է ազդել կաթնարտադրության վրա: Ճիշտ սննդի եւ ֆիզիկական վարժությունների միջոցով կարելի է աստիճանաբար հասնել նախատեսված արդյունքի:
Հարցը փոխվում է, եթե ճարպակալում է սկսվել: Այս դեպքում նիհարելու գործընթացը սկսվում է ավելի վաղ` մանկական բժշկի եւ սննդաբանի համագործակցությամբ:
Կերակրման ընթացքում մայրը հաճախ է քաղց զգում, որը շատ բնական պահանջ է օրգանիզմի կողմից: Եթե օրգանիզմը չի ստանում իր պահանջած սնունդը, այն կարող է վերցնել արդեն կուտակած պահուստից, որը հաճախակի բնույթ կրելով` կարող է բերել մի շարք հիվանդությունների: Այնպես որ, սննդի անհրաժեշտ չափաբաժին չընդունելու դեպքում վնասում եք ինքներդ ձեր առողջությանը: Երեւի լսել եք այս արտահայտությունը` «Երեխան վերցնում է այն ամենը, ինչ իրեն անհրաժեշտ է», բայց պետք չէ մոռանալ, որ ձեր օգտագործած սննդից է կախված ոչ միայն ձեր առողջությունը, այլ նաեւ կաթի քանակն ու որակը: Անպայման պետք է հաշվի առնել, թե քանի ժամը մեկ եք կերակրում, որքան երկար եք կերակրում եւ այլն:
Եթե անցնենք թվերին, կերակրող մորը անհրաժեշտ է 500 կալորիայով ավելին, քան` չկերակրող մայրերին, եւ 200-ով ավել, քան օգտագործվում էր հղիության ընթացքում, դա կազմում է մոտավորապես 2500 կալորիայի չափով: Իրականում լավ կլինի որպես ինդիկատոր հետեւեք ձեր քաղցին, այլ` ոչ թե հաշվեք կալորիաները:
Եթե ձեզ համար մեկ է ձեր առողջությունը, գոնե մտածեք ձեր բալիկի մասին, եւ մտածեք, որ ձեր առողջությունը նվեր է նրա համար:
ՎԼԱԴ ՄՈՒՐԱԴՅԱՆ

Հավանեցի՞ր հոդվածը, կիսվիր ընկերներիդ հետ