Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԳՐԱԴԱՐԱՆԱՎԱՐՆ ԻՐ ՏՈՆԸ ՆՇԵՑ ԿՐԿԻՆ ՑԱԾՐ ԱՇԽԱՏԱՎԱՐՁՈՎ

Արխիվ 12-16

ԳՐԱԴԱՐԱՆԱՎԱՐՆ ԻՐ ՏՈՆԸ ՆՇԵՑ ԿՐԿԻՆ ՑԱԾՐ ԱՇԽԱՏԱՎԱՐՁՈՎ

 

Հայաստանում հոկտեմբերի 7-ը նշվում է որպես գրադարանավարների օր:  Հատկապես վերջին տարիներին տոնը ստացել է մեծ հնչեղություն, քանի որ հենց այդ օրը համայնքներում եւ մայրաքաղաքում պարգեւատրվում են այն գրադարանավարները, որոնք մեծ ներդրում են ունեցել գրադարանային գործի զարգացման համար: Կրթության հարցում նրանք մանկավարժին հավասար աշխատանք են կատարում: Նույնիսկ 90-ական թվականներին, երբ հայաստանյան գրադարանները չունեին տարրական պայմաններ եւ ջեռուցում, գրադարանավարները չտրտնջացին եւ սպասարկեցին հազարավոր ընթերցողների: Այսօր էլ նրանք նվիրյալների նման կատարում են իրենց աշխատանքը, չնայած ստանում են չնչին աշխատավարձ:
Անդրադառնալով օրվան` «Իրավունքը» զրուցեց որոշ գրադարանների տնօրենների հետ, պարզելու, թե այսօր ինչ խնդիր ունեն գրադարանները եւ գրադարանավարը:



«ԹԵ՛ ՀԱՆՐԱՅԻՆ ԳՐԱԴԱՐԱՆՈՒՄ, ԹԵ՛ ՀԱՄԱՅՆՔՆԵՐՈՒՄ ՏԽՈՒՐ ՎԻՃԱԿ Է»

Հայաստանի Ազգային գրադարանի տնօրեն ՏԻԳՐԱՆ ԶԱՐԳԱՐՅԱՆ.
-Այսօր գրադարանավարների միակ խնդիրն այն է, որ նրանք ստանում են շատ ցածր աշխատավարձ: Այս առումով թե՛ հանրային գրադարանում, թե՛ համայնքներում տխուր վիճակ է: Ունենք բազմաթիվ գյուղական գրադարաններ, որոնք դժբախտաբար փակ են, քանի որ դրանց համայնքներում ուշադրություն չեն դարձնում, իսկ  երեխաներն ու երիտասարդները կարդալու կարիք ունեն: Բացի այդ, կան գրադարաններ, որոնք միայն թղթի վրա են, իրականում գոյություն չունեն, սա կրկին մեծ խնդիր է: Ինչ վերաբերում է գրադարանների համալրմանը, ապա գործընթացը լավ է կատարվում` տպագրվում են բազմաթիվ գրքեր եւ անվճար հատկացվում գրադարաններին: Մենք այդ նպատակով այցեր ենք կատարում մարզեր եւ տեղի գրադարաններին հատկացնում գրքեր, այդ թվում նաեւ պետպատվերով տպագրված: Այժմ գրքահավաք ենք անցկացնում, որպեսզի աջակցենք սահմանամերձ զորամասերին եւ գրադարաններին: Շատ մարդիկ կան, որ ցանկանում են իրենց գրքերը նվիրաբերել գրադարաններին:

 

 

«ՄԵԾԱԳՈՒՅՆ ԽՆԴԻՐԸ ՇԱՐՈՒՆԱԿՈՒՄ Է ՄՆԱԼ ԳՐԱԴԱՐԱՆԱՎԱՐԻ ՑԱԾՐ ԱՇԽԱՏԱՎԱՐՁԸ»

Ավետիք Իսահակյանի անվան կենտրոնական գրադարանի տնօրեն ՀԱՍՄԻԿ ԿԱՐԱՊԵՏՅԱՆ.
-Մեծագույն խնդիրը շարունակում է մնալ գրադարանավարի ցածր աշխատավարձը: Խնդիր է նաեւ գրադարանների ավտոմատացման աշխատանքները, որովհետեւ ժամանակը պահանջում է, որպեսզի գրադարաններն աշխատեն բոլորովին նոր ծրագրերով: Իհարկե, Իսահակյանի անվան գրադարանը էլեկտրոնային է եւ թվայնացման համակարգով համալրված է: Հայաստանի գրադարանների մեծ մասի համար դեռեւս կան վերանորոգման եւ ֆոնդերի լիարժեք համալրման խնդիրներ: Այնուամենայնիվ, որոշ գրադարաններ բավականին լավ վիճակում են, օրինակ` Իսահակյան գրադարանի բոլոր մասնաճյուղերը կապիտալ վերանորոգվել են եւ ապահովվել ջեռուցման համակարգով:

 

 

 

 

«ՏԱՐԲԵՐ ԳՐԱԴԱՐԱՆՆԵՐ ՈՒՆԵՆ ՏԱՐԲԵՐ ԽՆԴԻՐՆԵՐ»

Խնկո Ապոր անվան ազգային մանկական գրադարանի փոխտնօրեն ՄԱԴԼԵՆԱ ՀՈՎՍԵՓՅԱՆ.
-Ունենք համայնքային եւ սահմանամերձ շատ գրադարաններ, որոնք չունեն պայմաններ, մեծ խնդիր է դրանց պայմանների բարելավումը, գրքերի համալրումը եւ պահպանումը: Տարբեր գրադարաններ ունեն տարբեր խնդիրներ, իսկ ամենամեծ խնդիրը շարունակում է մնալ գրադարանավարի ցածր աշխատավարձը:

 

 

 

 

Ներկայացրեց ԶՎԱՐԹ ԽԱՉԱՏՐՅԱՆԸ

Հավանեցի՞ր հոդվածը, կիսվիր ընկերներիդ հետ