Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

Թե ինչպես է հայ-ադրբեջանական սահմանին ոչնչացված վրաց քաղաքացին հայտնվել Ադրբեջանի զինուժում

Արխիվ 12-16

ԹԵ ԻՆՉՊԵՍ Է ՀԱՅ-ԱԴՐԲԵՋԱՆԱԿԱՆ ՍԱՀՄԱՆԻՆ ՈՉՆՉԱՑՎԱԾ ՎՐԱՑ ՔԱՂԱՔԱՑԻՆ ՀԱՅՏՆՎԵԼ ԱԴՐԲԵՋԱՆԻ ԶԻՆՈՒԺՈՒՄ

 

Թեպետ մեր ԱԳՆ-ն` ի դեմս փոխնախարար Շավարշ Քոչարյանի, խոստացել էր ուսումնասիրել ադրբեջանական լրատվամիջոցներում առկա այն տեղեկատվությունը, որ Վրաստանի Բոլնիսի շրջանի Զոլ-Գյուվեջ գյուղում հողին է հանձնվել սեպտեմբերի 25-ին հայ-ադրբեջանական սահմանին ոչնչացված ադրբեջանական բանակի պայմանագրային զինծառայող 23-ամյա Էլշան Վագիֆօղլի Մամեդովը, սակայն ավելի շուտ եղավ վրացական արձագանքը:

Վրաստանի հարցերով փորձագետ Ջոնի Մելիքյանի օգնությամբ «Իրավունքին» հաջողվեց պարզել, որ այս հարցին անդրադարձել է Վրաստանի պաշտպանության նախարարի խորհրդական ԳԻՈՐԳԻ ՏԱՎԴԳԻՐԻՁԵՆ, ով հաստատել է տեղեկությունն ու մասնավորապես նշել, որ խնդիրը կապված է զուտ ադրբեջանական օրենսդրության հետ. «Մեզ մոտ ամեն ինչ պարզ է. եթե կա տեղեկատվություն այն մասին, որ այդ անձը` Վրաստանի քաղաքացին, վարձկան է կամ մտել է անօրինական զինված ինչ-որ կազմավորման մեջ, ապա պետք է պատժվի` համաձայն Վրաստանի օրենքի: Բայց եթե նա չունի ակտիվ պարտավորություններ Վրաստանի զինված ուժերի առաջ կամ որոշակի պայմանագրային սահմանափակումներ, ուրեմն` նա կանգնած չէ մեզ մոտ զինվորական հաշվառման: Հետեւաբար, վրացական օրենսդրության համաձայն, նա օրենք չի խախտում, քանի որ ունի իրավունք ծառայելու` աշխարհի որ երկրի բանակում ցանկանա»: Ապա պարոն Տավդգիրիձեն շեշտել է. «Իսկ թե ինչպես է ադրբեջանական կողմը դիտարկում այն, որ իր զինված ուժերում կան այլ երկրի քաղաքացիներ, սա արդեն իրենց խնդիրն է: Այստեղ պետք չէ փնտրել քաղաքական ֆոն, քանի որ Վրաստանում ծնված մարդը, ով այստեղ որոշակի գույք ունի, կարող է ստանալ Ադրբեջանի քաղաքացիություն: Այլ խնդիր է, եթե մենք խոսեինք զինված խմբի մասին (այն էլ` մեր երկրում ստեղծված), որի անդամները լինեին Վրաստանի քաղաքացիներ, սակայն ազգությամբ ադրբեջանցիներ, որոնք, ենթադրենք, կկռվեին Ղարաբաղում: Բնականաբար, այս դեպքում կարելի էր համարել, որ սա քրեական հանցագործություն է»:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ