Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՆՈՐԱՊՍԱԿՆԵՐԸ ՈՐՊԵՍ ՀԱՐՍԱՆԵԿԱՆ ՆՎԵՐ ՇՈՏԼԱՆԴԻԱՅՈՒՄ ՀՈՂԱԿՏՈՐ ԵՆ ՍՏԱՑԵԼ (ֆոտոշարք+տեսանյութ)

Արխիվ 12-16

ՆՈՐԱՊՍԱԿՆԵՐԸ ՈՐՊԵՍ  ՀԱՐՍԱՆԵԿԱՆ ՆՎԵՐ ՇՈՏԼԱՆԴԻԱՅՈՒՄ ՀՈՂԱԿՏՈՐ ԵՆ ՍՏԱՑԵԼ

(ֆոտոշարք+տեսանյութ)


Երգահան, լուսանկարիչ, դիզայներ ԿԱՐԵՆ ԳՐԻԳՈՐՅԱՆՆ ու նկարչուհի ԱՐԵՎԻԿ ԳՐԻԳՈՐՅԱՆՆ այլեւս ամուսիններ են: Մշտապես իր օրիգինալությամբ աչքի ընկնող երգահանն այս հարցում էլ տարբերվեց` պսակադրության արարողության կրոնական հատվածը կայացավ  Լոնդոնի Սուրբ Սարգիս հայկական եկեղեցում: Նորապսակների համար կարեւոր օրը, նրանց կողքին են եղել մոտ ընկերներն ու համակուրսեցիները, իսկ երեւանյան ընկերների ու մտերիմների հետ իրենց ուրախությունը կկիսեն արդեն հոկտեմբերի 25-ին:

Ինչպես «Իրավունքին» փոխանցեց նորափեսան. «Հոկտեմբերի 25-ին կլինի ամուսնական արարողությունների վերջին ամփոփիչ եւ ամենակարեւոր հատվածը»: Նորապսակների լոնդոնյան կնաքահայրը լոնդոնաբնակ երգեհոնահար ԱՐԹՈՒՐ ԲՈԲԻԿՅԱՆՆ է, իսկ արդեն երեւանյանը` սիրիահայ հայտնի լուսանկարիչ, լրագրող, հասարակական գործիչ ՔԱՌԼՈՍ ԽՈՍԵ ԲՈՒՐԴՋՅԱՆԸ:

Մինչ Հայրենիք վերադարձը զույգերը դեռեւս շարունակում են ամուսնական նվերներ ստանալ, «Իրավունքի» ունեցած տեղեկություններով զույգն այսօր ստացել է բրիտանական տիտղոսներ` Լորդ Կարեն Գրիգորյան եւ լեդի Արեւիկ Գրիգորյան: Նվերներից ուշագրավը` Կարենի ընկեր Ֆարիդի կողմից ստացած հողակտորն է` Շոտլանդիայում:

Ի դեպ, զույգերը օրիգինալ ոճը պահպանել էին նաեւ հագուստների հարցում, ինչպես նշեց նորափեսան. «Հարսանեկան ոճը վաղուց էր որոշված: Արեւիկի հարսանեկան զգեստի հեղինակը Դիանա Շատվերյանն է, իսկ իմ ոճը` ավստրիական ավանդական հագուստ է, որը գնել էի իմ վերջին Վիեննա այցելության ժամանակ»,- եզրափակեց Կարենը:


«Իրավունքը» շնորհավորելով նորապսակներին` մաղթում է նրանց հարատեւ երջանկություն եւ անավարտ հեքիաթային կյանք:

 

ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ