Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՓՈԽՈՍՏԻԿԱՆԱՊԵՏԻ ՍՊԱՆՈՒԹՅԱՆ ԳՈՐԾՈՎ ՀԱՐՑԱՔՆՆՎԵԼ ԵՆ ՆԵՐԿԱ ԵՎ ՆԱԽԿԻՆ ՊԱՇՏՈՆՅԱՆԵՐ

Արխիվ 12-16

ՓՈԽՈՍՏԻԿԱՆԱՊԵՏԻ ՍՊԱՆՈՒԹՅԱՆ ԳՈՐԾՈՎ ՀԱՐՑԱՔՆՆՎԵԼ ԵՆ ՆԵՐԿԱ ԵՎ ՆԱԽԿԻՆ ՊԱՇՏՈՆՅԱՆԵՐ

 

Վեց տարի առաջ դեռեւս չբացահայտված հանգամանքներում սպանված ՀՀ փոխոստիկանապետ Գեւորգ Մհերյանի գործով նոր զարգացումներ կան: Այս մասին մեզ հետ զրույցում ասաց Գեւորգ Մհերյանի հայրը` ՊԵՏՐՈՍ ՄՀԵՐՅԱՆԸ՝ հավելելով.

-Դեռ սպասում եմ զարգացումների ընթացքին, նորություններին: Շատ բաներ են բացահայտվել, շատ մարդիկ են հարցաքննվել: Բայց դեռ ոչինչ խոսել չեմ ուզում. ասել են` սպասեմ, չխանգարեմ նախաքննությանը: Ես վստահ եմ, որ այս կառույցը հաստատ կբացահայտի որդուս սպանողին: Իմ կարեւոր պահանջը բացահայտումն է, որովհետեւ կան այնպիսի չարաշահումներ, որ ոչ մի իրավաբան չի կարող հերքել: Այն տեսաերիզում, որը ես տարածել էի, առկա են նյութեր, որոնք սպանության մասով երկու տարբերակ են առաջ քաշում. կա՛մ պատվիրատուները տեսաերիզում առկա պաշտոնատար անձինք են, կա՛մ ինչ-որ բանի դիմաց փորձել են գործը կոծկել: 3-րդ տարբերակ գոյություն չունի: Համենայնդեպս, իմ կարծիքով` աշխատում են եւ պետք է, որ լավ աշխատեն:
- Իսկ կարո՞ղ եք ասել, թե ովքեր են հարցաքննվել:
- Իմ տեղեկություններով՝ մի շարք նախկին եւ ներկա բարձրաստիճան պաշտոնյաներ, որոնց թվում է նաեւ Շիրակի մարզի նախկին ոստիկանապետ Կարեն Բաբակեխյանը:
Նշենք, որ վերջերս Գեւորգ Մհերյանի գործով ԱԱԾ-ի մի շարք պաշտոնյաների դեմ քրեական գործ է հարուցվել: Փոխոստիկանապետի հոր խոսքով, սակայն, գործը հարուցվել է լիազորությունները չարաշահելու առթիվ, սակայն դեռեւս ձերբակալվածներ չկան:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ