Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

«ԴԱՆԱԿԸ ՊԱՀԵՑ ԿՈԿՈՐԴԻՍ ՈՒ ՊԱՀԱՆՋԵՑ ՄՈՏԻՍ ԵՂԱԾ ԳՈՒՄԱՐԸ»

Արխիվ 12-16

«ԴԱՆԱԿԸ ՊԱՀԵՑ ԿՈԿՈՐԴԻՍ ՈՒ ՊԱՀԱՆՋԵՑ ՄՈՏԻՍ ԵՂԱԾ ԳՈՒՄԱՐԸ»

 

Նախօրեին Արշակունյաց 16 հասցեում գտնվող փաստաբանական գրասենյակի մոտ ավազակային հարձակման է ենթարկվել Փաստաբանների պալատի փաստաբան ԳԵՂԱՄ ՀԱԿՈԲՅԱՆԸ, ով, հիշեցնենք, վերջերս պաշտպանում էր Աժ նախկին պատգամավոր Գոհար Ենոքյանի շահերը: Թե ով եւ ինչ նպատակով էր հարձակվել փաստաբանի վրա՝ փորձեցինք պարզել պարոն Հակոբյանից, ով մեզ հետ զրույցում ասաց.

-Սովորական հարձակում էր, կոնկրետ անձի դեմ միտված չէր: Չեմ էլ ճանաչել տվյալ անձնավորությանը, ոչ էլ ինքն է ինձ ճանաչել: Զուտ գումար հափշտակելու նպատակով հարձակում էր:
- Ո՞ր ժամին է եղել:
- Ցերեկը, ժամը երեքի կողմերը` իմ փաստաբանական գրասենյակի բակում: Դուրս եկա գրասենյակից, քայլելով գնացի դեպի մեքենան, եւ հենց այդտեղ հարձակվեց վրաս: Դեպքից հետո միայն պարզեցի, որ նա բավականին վտանգավոր անձնավորություն է, նախկինում երեք անգամ դատված է եւ նոր է դուրս եկել ազատազրկման վայրից: Առհասարակ՝ նրա պահվածքը տվյալ հարձակման ժամանակ ռեալ վտանգ էր ներկայացնում: Չլինեի ես` կլիներ մեկ ուրիշը, եւ նա պատրաստ էր վնաս տալու: Ուղղակի այդ դեպքն ինձ հետ պատահեց, բայց նա հանրության համար վտանգ ներկայացնող անձնավորությունն է: Պարզեցի նաեւ, որ բնակվում է գրասենյակիս հարակից տարածքում: Սակայն նա չէր ճանաչում ինձ, ոչ էլ գիտեր, որ ես փաստաբան եմ, դրանում համոզված եմ:
- Գումար հափշտակե՞լ է Ձեզանից:
- Ոչ, չկարողացավ, քանի որ երբ դանակը պահեց կոկորդիս, ես համոզեցի նրան, որ դանակը հեռու տանի, եւ ես նրան կտամ իր պահանջած գումարը: Նա այդ պահին կարծես այսպես ասած՝ թուլացավ, հետ տարավ դանակը: Ես էլ օգտագործելով պահը՝ կարողացա իրավիճակը փոխել:
- Որքա՞ն գումար էր պահանջում:
- Չի նշել գումարի չափը, դանակը պահեց կոկորդիս ու պահանջեց մոտիս եղած գումարը:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ