Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

«Դահլիճում բոլոր տեղերը զբաղված են, Արա Աբրահամյանը որտե՞ղ է տեղավորվելու, չգիտեմ»

Արխիվ 12-16

«ԴԱՀԼԻՃՈՒՄ ԲՈԼՈՐ ՏԵՂԵՐԸ ԶԲԱՂՎԱԾ ԵՆ, ԱՐԱ ԱԲՐԱՀԱՄՅԱՆԸ ՈՐՏԵ՞Ղ Է ՏԵՂԱՎՈՐՎԵԼՈՒ, ՉԳԻՏԵՄ»

 

Ռուսաստանի հայերի միության նախագահ Արա Աբրահամյանի հայտարարությունն առ այն, որ պատրաստվում է մտնել հայաստանյան քաղաքական դաշտ, մինչ այսօր լրատվամիջոցների թիվ մեկ քննարկման թեման է դարձել: Իսկ թե որպես քաղաքական գործիչ` ի՞նչ վարկանիշ ձեռք բերեց Արա Աբրահամյանը` սկսած իր «ինտելեկտուալ» ասուլիսից մինչեւ իր դստեր պիկանտ լուսանկարների տարածվելը համացանցում, «Իրավունքը» հետաքրքրվեց «Սոցիոմետր» անկախ սոցիոլոգիական կենտրոնի տնօրեն, սոցիոլոգ ԱՀԱՐՈՆ ԱԴԻԲԵԿՅԱՆԻՑ.


–Սա լուրջ հետազոտման խնդիր է, բայց այդ առումով հետազոտություն չի արվել: Օրինակ, եթե սոցհարցումներ արվեին, թե ում եք տեսնում հաջորդ նախագահ, գուցե նրա ազգանունն ասեին եւ այլն: Այնպես որ, այդ հարցին չեմ կարող պատասխանել, բայց բոլոր դեպքերում, նա մեր քաղաքական դաշտում միշտ եղել է: Չմոռանանք, որ Արա Աբրահամյանի քաղաքական նախորդ, բայց անհաջող փորձը եղել է Ռամկավարներին աջակցելը, որպեսզի իրենք մտնեն խորհրդարան: Սա նրա երկրորդ փորձն է, տեսնենք` ինչ կստացվի, եթե նա իրոք մտադիր է ակտիվ դերակատարություն ունենալ Հայաստանում, ու պատվեր կա այն մասին, որ նա փորձի համակցել ռուսական եւ հայկական շահերը: Բայց խնդիրն այն է, որ նրա հենարանը թույլ է, տեղում հենարան չունի եւ չունի այն մարդկանց խումբը, որոնց կարող է իր հետեւից տանել կամ ինքը գնալ նրանց հետեւից: Դահլիճում` պարտերում, օթյակում, ամֆիթատրոնում բոլոր տեղերը զբաղված են, Արա Աբրահամյանը որտե՞ղ է տեղավորվելու, չգիտեմ: Եթե նոր կուսակցություն ստեղծի, ժամանակ է պետք, որ կարողանա թափ առնել: Իսկ մենք գիտենք նոր կուսակցության ստեղծելու փորձերն ինչպես են ավարտվել, երբ դրսից եկել են ու փորձել են ինչ-որ խաղեր խաղալ: Բոլորը եղավ ապարդյուն, որովհետեւ տեղում արմատ չունեին: Հետեւաբար, եթե Արա Աբրահամյանն ուզում է գալ Հայաստան կայուն վիճակում, պետք է տարիներ առաջ դրա հիմքերը դներ:
– Իսկ հնարավոր տարբերակները հաշվի առնելով` քաղաքական գործիչներից ովքե՞ր կարող են հավակնել դառնալու ՀՀ չորրորդ նախագահը:
– Հիմա իրավիճակն այնպիսին է, որ մեզ պետք է ավելի հմուտ վարորդ, որ կարողանա այս միջազգային հարաբերությունների եռուզեռում, երբ Ռուսաստանի նկատմամբ պատժամիջոցներ կան, եւ այն դառնում է վտարանդի երկիր, կարողանանք մեր կապերը պահել ե՛ւ Եվրոպայի, ե՛ւ ԱՄՆ-ի, ե՛ւ Ռուսաստանի հետ: Դրա համար մեզ պետք է ճկուն մտածողություն ունեցող քաղաքական դեմք, ինչպիսին Սերժ Սարգսյանն է: Բայց նրանից հետո չեմ տեսնում որեւէ դեմք, որն ունակ լինի կամ համապատասխան լինի լուծել այս խնդիրները:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ