Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

«ՆԱԻՐԻՏ» ԳՈՐԾԱՐԱՆԻ ԱՇԽԱՏԱԿԻՑՆԵՐԸ ԴԻՄԵԼՈՒ ԵՆ ՍԵՐԺ ՍԱՐԳՍՅԱՆԻՆ

Արխիվ 12-16

«ՆԱԻՐԻՏ» ԳՈՐԾԱՐԱՆԻ ԱՇԽԱՏԱԿԻՑՆԵՐԸ ԴԻՄԵԼՈՒ ԵՆ

ՍԵՐԺ ՍԱՐԳՍՅԱՆԻՆ

 


«Նաիրիտ» գործարանի արհմիության  ղեկավար Հրաչ Թադեւոսյանն այսօր լրագրողների հետ զրույցում ասաց, որ փնտրվում է ներդրող «Նաիրիտ» գործարանի համար: «Երեք-չորս ծրագիր կա  գործարանի վերագործարկման համար, որոնք իրատեսական են: Ներդրողը, սակայն, աուդիտ կանի, որից հետո միայն քայլեր կանի»,- ասաց  պրն Թադեւոսյանը:

 


Հրաչ Թադեւոսյանի խոսքով, «Նաիրիտ»-ը Հայաստանի բրենդն է, բարդ կառուցվածքով գործարան, որի հետ պետք է զգույշ լինել: «Քաղաքական կամք ու որոշում է պետք գործարանն աշխատեցնելու համար: Հայաստանում չունե՞նք օլիգարխներ, որոնք կարող են ներդրումներ անել: Ունենք, սակայն մեր օլիգարխները ցանկանում են ներդրում անել ու անմիջապես շահույթ ստանալ: Մինչդեռ «Նաիրիտ» գործարանը չի կարող միանգամից այդ շահույթն ապահովել»,- ասաց  բանախոսը:


Գործարանի նախկին աշխատակից Զորակ Հովհաննիսյանն էլ հիշեցրեց` մոտ 50 աշխատակից դատական վճռով մինչ կուտակված  աշխատավարձի պարտքի մարումը  պահանջել են  նաեւ տույժ-տուգանքները: Սակայն, թե՛ Զորակ Հովհաննիսյանի, թե՛ գործարանի մամլո նախկին խոսնակ Անուշ Հարությունյանը պնդում են` իրենց ստիպել են կամ հրաժարվել տույժ-տուգանքներից, ապա ստանալ աշխատավարձ, իսկ եթե  աշխատակիցը չի հրաժարվում` չի ստանում նաեւ աշխատավարձ: «Հինգ աշխատակից հրաժարվել է ստորագրել  պայմանագիրն ու ոչ մի կոպեկ չի ստացել: Մնացած 45-ը, որոնք դատարանի վճռով իրավունք ունեին ստանալ  աշխատավարձի  ուշացման  տույժերը,  ստիպված ստորագրել են այդ պայմանագրերը: Այդ գումարը մոտ երեք  մլրդ  դրամ է»,- ասաց տիկին Հարությունյանը:


«Նաիրիտ»-ի աշխատակիցները դիմելու են Սերժ Սարգսյանին` պահանջելով վերականգնել խախտված իրավունքները, այսինքն`չեղյալ համարել ստրկացուցիչ պայմանագրերը: «Իրականում մեզ պետք չեն  այդ տույժ-տուգանքները, բայց հետագայում «Նաիրիտ» 2-ը, որի  հիման վրա ստացել ենք  մեր կուտակված աշխատավարձը, կարող է մեր փոխարեն ստանալ մեր տուգանքները: Իսկ մենք չենք ցանկանում մեր իրավունքները զիջել մեկ ուրիշին»,-ասաց  մամլո նախկին խոսնակը:

 


ՍՈՆԱ ԴԱՎԹՅԱՆ


 

 

Հավանեցի՞ր հոդվածը, կիսվիր ընկերներիդ հետ