Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

«ՑԱՎՈՔ ՍՐՏԻ, ԱՐՑԱԽՅԱՆ ՀԻՄՆԱԽՆԴՐԻ ԼՈՒԾՈՒՄԸ ԳՏՆԵԼԸ ՁԳՁԳՎԵՑ»

Արխիվ 12-16

«ՑԱՎՈՔ ՍՐՏԻ, ԱՐՑԱԽՅԱՆ ՀԻՄՆԱԽՆԴՐԻ ԼՈՒԾՈՒՄԸ ԳՏՆԵԼԸ ՁԳՁԳՎԵՑ»

 

ՀՀ ԱԺ նախագահ Գալուստ Սահակյանը երեկ խորհրդարանում ընդունեց պաշտոնական այցով Հայաստան ժամանած ՌԴ Դաշնային ժողովի Դաշնության խորհրդի նախագահ Վալենտինա Մատվիենկոյի գլխավորած պատվիրակությանը: ՀՀ օրենսդիր եւ գործադիր մարմինների հետ ռուս գործընկերների հանդիպումը, թեպետ փակ էր լրագրողների համար, բայց պարզվում է` բավական թեժ է եղել: Այս մասին հանդիպումից հետո տիկին Վ. ՄԱՏՎԻԵՆԿՈՆ ասաց հետեւյալը. «Մեր երկխոսությունը եղավ սուր, աշխույժ, բայց շատ հետաքրքիր եւ բարիդրացիական մթնոլորտում: Հենց այդպես պետք է շփվեն ընկերները` բաց, չթաքցնելով խնդիրները եւ միասին մտածելով ապագայի մասին: Շնորհակալ եմ, որ Հայաստանի Հանրապետության ընդդիմության ներկայացուցիչները ընդգծեցին, որ իրենք ելույթ են ունենում հայ-ռուսական հարաբերությունների խորացման եւ ընդլայնման տեսանկյունից` ե՛ւ տնտեսական, ե՛ւ հումանիտար առումով»:

Ի դեպ, «Իրավունքն» առիթ ունեցավ ՌԴ Դաշնային ժողովի Դաշնության խորհրդի նախագահից հետաքրքրվել նաեւ Արցախյան հիմնախնդրի լուծման շուրջ իր մտորումների մասին.

– Արցախյան հիմնախնդիրը դարձավ ամենաձգձգվող խնդիրը (մոտ 30 տարի) հետխորհրդային երկրների տարածքում: Եվ, իհարկե, այն ոչ մի կողմին որեւէ դրական բան չի տալիս` ոչ հումանիտար, ո՛չ սոցիալական, եւ ո՛չ էլ տնտեսական առումով: Բացի այդ, այն ավելորդ լարվածություն է ստեղծում Անդրկովկասում: Ռուսաստանի դիրքորոշումն այս հարցում բոլորին է հայտնի: Ռուսաստանը պատրաստ է Մինսկի խմբի շրջանակներում իր բոլոր ուժերը ներդնել, որպեսզի գտնվի հիմնախնդրի լուծումը: Սակայն, ցավոք սրտի, Արցախյան հիմնախնդրի լուծումը գտնելը ձգձգվեց: Բայց մենք վստահ ենք, որ այս կոնֆլիկտը կլուծվի միայն խաղաղ ճանապարհով, միայն դիվանագիտական միջոցներով, եւ ոչ մի ուժի կիրառմամբ այս հարցը լուծում չունի: Մենք հետագայում էլ կշարունակենք մեր ուժերը ներդնել հարցի խաղաղ լուծման համար, որը բխում է ե՛ւ Հայաստանի ու Ադրբեջանի շահերից, ե՛ւ ողջ տարածաշրջանի:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ