Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՀՀԿ-ԱԿԱՆԸ` ՀՀՇ-Ի ԲՌՆՈՒԹՅՈՒՆՆԵՐԻ ՄԱՍԻՆ. «ԸՆՏԱՆԻՔԻՍ ԱՆԴԱՄՆԵՐԻՆ ՈՒ ԸՆԿԵՐՆԵՐԻՍ ԿԱԼԱՆԱՎՈՐԵՑԻՆ»

Արխիվ 12-16

ՀՀԿ-ԱԿԱՆԸ` ՀՀՇ-Ի ԲՌՆՈՒԹՅՈՒՆՆԵՐԻ ՄԱՍԻՆ.

«ԸՆՏԱՆԻՔԻՍ ԱՆԴԱՄՆԵՐԻՆ ՈՒ ԸՆԿԵՐՆԵՐԻՍ

ԿԱԼԱՆԱՎՈՐԵՑԻՆ»

 

«Ազգային Միաբանություն» կուսակցության նախագահ,  պատգամավոր Արտաշես Գեղամյանն այսօր անդրադարձավ ՀԱԿ խմբակցության ղեկավար Լեւոն Զուրաբյանի այն հայտարարությանը, թե ներկայիս ՀՀԿ-ի շատ գործիչներ ՀՀՇ-ի այլանդակությունների ու կեղծիքների օրոք հաղթել են մի շարք ընտրատարածքներում: «Եթե կեղծիքներ են եղել, ինչպես եք դուք հաղթել»,- հայտարարեց Լեւոյ Զուրաբյանը:

Քանի որ ՀԱԿ խմբակցության ղեկավարը նաեւ հնչեցրել էր Արտաշես Գեղամյանի ու Վահրամ Բաղդասարյանի անունները, վերջիններս հակադարձեցին. «Շնորհակալություն պրն Զուրաբյանին համեստիս հիշեց: Բայց ես ջախջախիչ հաղթանակ տարա Դավթաշենում ընդդեմ Արամաշոտ Պապայանի որդու: Եվ  ՀՀՇ-ի այն դրույթը, թե պոլի փետ լինի, միայն ՀՀՇ լինի, Դավթաշենում դա չանցավ, ջախջախվեց»:

ՀՀԿ խմբակցության ղեկավար Վահրամ Բաղդասարյանն էլ հիշեցրեց Լեւոն Զուրաբյանին, որ ՀՀՇ-ի տարիներին իր ընտանիքի անդամներին, իր բոլոր ընկերներին կալանավորել են, սակայն ինքը հաղթել է ընտրություններում: ՀՀԿ խմբակցության ղեկավարը նաեւ հիշեց, որ ՀՀՇ-ն հեռուստացույցի ու սառնարանի կտրոններ էր բաժանում իրենց ղեկավարման տարիներին:

Անդրադառնալով իշխանության հասցեին հնչող ընդդիմադիրների քննադատությանը, ժողովրդին իրենց շուրջը մոբիլիզացնելու կոչեր անողներիին` Վահրամ Բաղդասարյանն ասաց. «Ովքեր են խոսում մոբիլիզացումից: Դուք ձեզ չեք կարողանում մոբիլիզացնել: Խոսում են մարդիկ, որոնք այս պետության համար ոչինչ չեն արել` բացի իրենց գործընկերներին քննադատելուց, կուսակցություններ քանդելուց: Միայն Վրաստանում միտինգներ են անում: Հաջորդ միտինգները, հավանաբար, Ադրբեջանում եւ Թուրքիայում կլինեն (նկատի ունի «Ժառանգություն» խմբակցության պատգամավոր Զարուհի Փոստանջյանին, ով վերջերս ակցիա էր անցկացրել Վրաստանում եւ իշխանության հասցեին հնչեցրել վիրավորական արտահայտություններ»-խմբ.)»:

Ի դեպ, ՀԱԿ խմբակցության ղեկավար Լեւոն Զուրաբյանն իր ելույթւ ժամանակ ցիտես Սերվանտեսին, ով ժամանակին ասել է, որ պատմության կեղծարարներին կախում են: ՀՀԿ մեկ այլ պատգամավոր Հովհաննես Սահակյանն էլ հակադարձեց. «Եթե կախելու լինենք, իրենց պիտի կախենք երկրի ընթացքը շեղելու համար»:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ