Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

Հայ եւ եզդի հոգեւորականները եկել են փոխըմբռնման. «ՉԿԱ ԱՍՏԾՈՒՑ ԱՎԵԼԻ ԲԱՐՁՐ ԶՈՐՈՒԹՅՈՒՆ»

Արխիվ 12-16

Հայ եւ եզդի հոգեւորականները եկել են փոխըմբռնման.

«ՉԿԱ ԱՍՏԾՈՒՑ ԱՎԵԼԻ ԲԱՐՁՐ ԶՈՐՈՒԹՅՈՒՆ»

 

Վերջին օրերին համացանցում ու էլեկտրոնային լրատվամիջոցներում մեծ աղմուկ էր բարձրացել եզդի ազգի կրոնի եւ պաշտամունքի վերաբերյալ, պատճառը մի հարցի պատասխան էր, որտեղ ասված էր, թե եզդիներն արեւապաշտ են ու սատանայի պատկերներ են պահում իրենց սրբավայերում: Իսկ խնդիրը եղել է ընդամենը թյուրըմբռնումը: Այնուամենայնիվ, բուռն քննարկման թեմային եւ փոխադարձ վիրավորանքներին վերջակետ են դրել հայ եւ եզդի հոգեւորականները: Այս մասին «Իրավունքի» հետ զրույցում մոսկվայաբնակ եզդի ազգի հոգեւորական` ՇԵԽ ՄԱՔՍԻՄ ԲԱՔՈՅԱՆՆ ասաց, որ առանձնազրույց է ունեցել Տ. Եսայի քահանա Արթենյանի հետ, եւ նրանք եկել են փոխըմբռման. «Շատ հաճախ խոսակցություններ են շրջանառվում, թե եզդիները արեւապաշտ ժողովուրդ են եւ իրենց Աստվածը հենց արեւն է: Ըստ Շարֆադին կրոնի, եզդին դավանում է միաստվածությունը: Աստված մեկն է բոլորիս համար` օժտված գերբնական ուժով եւ մեր Աստվածը չի կարող համարվել արեւը, իսկ մենք չենք կարող համարվել արեւապաշտ ժողովուրդ: Արեւը մեր կրոնում ուղղակի մի սիմվոլ է, ինչպես քրեստոնեության մեջ խաչը: Այդ սիմվոլը խորհրդանշում է մեր Շամս հրեշտակին: Տաուսե Մալակը մեր կրոնում առանձնահատուկ տեղ է զբաղեցնում եւ համարվում է մեր հրեշտակապետը, որին արարել է Աստված», - ընդգծեց Շեխ Մ. Բաքոյանն ու հավելեց. «Ինչպես շատ կրոններում, Շարֆադին կրոնում նույնպես չկան չարը մարմնավորող հրեշտակներ, բարին ու չարը գալիս է միայն մարդուց: Ըստ Շարֆադին կրոնի, Աստծուց հզոր հզորություն չի կարող լինել»:

Ի դեպ, qahana.am-ում մենք նկատեցինք, որ վերոնշյալ հարցի վերաբերյալ պարզաբանում է ներկայացրել Սբ. Երրորդություն եկեղեցու հոգեւոր հովիվ Տ. ԵՍԱՅԻ քահանա ԱՐԹԵՆՅԱՆԸ, որն իր բովանդակությամբ հաստատում է եզդի ազգի հոգեւորականի մեկնաբանությունը. «Եզդի ազգի կրոնը միաստվածական դավանական համակարգ է: Իրենց կրոնը կոչվում է Շարֆադին: Իրենց կրոնի մեջ, Աստծուց հետո առկա է Տաուսե Մալաքի կերպարը, որը Շարֆադին կրոնում հանդես է գալիս որպես հրեշտակապետ: Արեւն իրենց կրոնական համակարգի սիմվոլներից մեկն է, որը խորհրդանշում է Շամս հրեշտակին: Շարֆադին կրոնում չկա չար հրեշտակ, բարին ու չարը գալիս են մարդուց եւ չկա Աստծուց ավելի բարձր զորություն»:

Եզրափակելով թեման` «Իրավունքը» դիմեց նաեւ եզդիների շրջանում ակտիվ գործունեություն ծավալող ՄԱԵ խմբի հայաստանյան ներկայացուցիչներից մեկին` ՌՈՄԱՆ ԱՎԴՈՅԱՆԻՆ, ով ի պատասխան մեզ ասաց, որ եզդի եւ հայ հոգեւորականների խոսքից ու փոխըմբռնումից հետո իրենց համար այս թեման համարում են փակված:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ