Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

«ՎԵՃՆ ԷԼ, ԴԱՆԱԿԱՀԱՐՈՒԹՅՈՒՆՆ ԷԼ ԵՂԵԼ Է ԱՂՋԿԱ ՊԱՏՃԱՌՈՎ»

Արխիվ 12-16

«ՎԵՃՆ ԷԼ, ԴԱՆԱԿԱՀԱՐՈՒԹՅՈՒՆՆ ԷԼ ԵՂԵԼ Է ԱՂՋԿԱ ՊԱՏՃԱՌՈՎ»

 

Օրերս Շիրակի մարզի Ղարիբջանյան  գյուղում դպրոցականների վիճաբանությունն ավարտվել է դանակահարությամբ: Տուժողը որովայնի շրջանում վնասվածքով տեղափոխվել է հիվանդանոց: Սկզբում նա փորձել է թաքցնել, որ վնասվածքը ստացել է դպրոցում տեղի ունեցած վեճի ժամանակ, սակայն հետաքննության ընթացքում պարզվել է իրականությունը:

Թե ինչն էր վիճաբանության պատճառը, եւ ինչպես է դեպքը տեղի ունեցել, փորձեցինք պարզել Ղարիբջանյան գյուղի համայնքապետ Մանվել Պողոսյանից, ով մեզ հետ զրույցում նկատեց.
- Դեպքը տեղի է ունեցել  դասերից հետո, դանակահարողը եւս 12-րդ դասարանի աշակերտ է եղել:
- Իսկ ո՞րն էր վիճաբանության պատճառը:
- Չէի ուզում պատճառների մասին խոսել, բայց տեսնում եմ` առանց իմանալու, մտքներով ինչ անցնում է, գրում են: Նախ ասեմ, որ էդ վիճող տղաները հարազատ հորեղբոր տղաներ են: Իսկ վեճի, եթե կարելի է դա այդպես անվանել, պատճառը աղջիկ է եղել: Տաքարյուն էրեխեք են, ասում են` եղբայրներից մեկը սիրել է մի աղջկա, մյուսն էլ չի հավանել, թե ինքն էլ է սիրել` չգիտեմ հաստատ: Բայց որ վեճն էլ, դանակահարությունն էլ եղել է աղջկա պատճառով, դա` հաստատ:
- Իսկ բողոք ներկայացրե՞լ են միմյանց դեմ:
- Չէ, ի՞նչ բողոք, այ ցավտ տանեմ, ըսկի չեն էլ կռվել, որ մի հատ էլ բողոք ներկայացնեն: Համ էլ, հասուն էրեխեք են, մի ախպերը մյուսի կյանքը խորտակի՞ աղջկա համար. չկա նման բան: Երկու ախպոր ընտանիքներն էլ հաշտ են, դանակահարված տղան էլ` արդեն լավ է:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ