Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՀԱՅԱՍՏԱՆԸ ԵՎ ԼԱՏՎԻԱՆ ԸՆԴԼԱՅՆՈՒՄ ԵՆ ՀԱՄԱԳՈՐԾԱԿՑՈՒԹՅՈՒՆԸ ՄՇԱԿՈՒԹԱՅԻՆ ՈԼՈՐՏՈՒՄ

Արխիվ 12-16

ՀԱՅԱՍՏԱՆԸ ԵՎ ԼԱՏՎԻԱՆ ԸՆԴԼԱՅՆՈՒՄ ԵՆ ՀԱՄԱԳՈՐԾԱԿՑՈՒԹՅՈՒՆԸ ՄՇԱԿՈՒԹԱՅԻՆ ՈԼՈՐՏՈՒՄ


Այսօր «ՀՀ մշակույթի նախարարության եւ Լատվիայի Հանրապետության մշակույթի նախարարության միջեւ ստորագրվեց 2015-2018 թթ. համագործակցության մասին» ծրագիր: Որը ստորագրեցին ՀՀ մշակույթի նախարար ՀԱՍՄԻԿ ՊՈՂՈՍՅԱՆԸ եւ ՀՀ-ում Լատվիայի Հանրապետության արտակարգ եւ լիազոր դեսպան ԷԼԻՏԱ ԳԱՎԵԼԵՆ:

ՀՀ մշակույթի նախարար Հասմիկ Պողոսյանի խոսքով`ստորագրված փաստաթուղթը հնարավորություն կտա հայկական մշակույթով հանդես գալ Լատվիայում եւ հակառակը.«Պայմանագրով նախատեսված է համագործակցություն մշակութային մի շարք ոլորտներում, խոսքը նաեւ կինոյի, թատրոնի եւ գրահարատարակչության մասին է: Հատուկ ուշադրություն է դարձված պատմամշակութային ժառանգության պահպանության խնդիրներին: Վերջին տարիներին մենք Լատվիայի հետ ակտիվ համագործակցում ենք գրականության եւ թատերական ոլորտներում»,-նշեց մշակույթի նախարարը:

Լատվիայի Հանրապետության արտակարգ եւ լիազոր դեսպան Էլիտան Գավելեն կարեւորելով փաստաթղթի ստորագրումը ընդգծեց.«Հատկանշական է, որ այս փաստաթուղթը ստորագրվեց մեր ազգային տոնի օրը: Այն մեզ հնարավորություն կտա մշակութային ավելի սերտ համագործակցության: Մշակույթն այն կաեւոր եւ արժեքավոր տարրն է, որը պետք է պահպանվի»:

Ստորագրված ծրագրի համաձայն Հայաստանը եւ Լատվիան կաջակցեն միմյանց պետություններում մշակութային օրերի կազմակերպմանը, երկու երկրներում կազմակերպվող միջազգային փառատոններին, մրցույթներին, ցուցահանդեսներին իրենց երկրների ներկայացուցիչների մասնակցությանը:

Կողմերը կնպաստեն նաեւ գրական, թարգմանական եւ գրահրատարակչական գործունեության բնագավառում ուղիղ կապերի հաստատմանը, կխրախուսեն փոխադարձ մասնակցությունը գրականությանը եւ գրահրատարակչությանը նվիրված միջազգային միջոցառումներին, այդ թվում`գրքի տոնավաճառներին:

Գրադարաննների եւ թանգարանների ոլորտում կաջակցեն մասնագետների, ուսանողների եւ փորձագետների փոխայցելություններին, սեմինարների, կոնֆերանսների կազմակերպմանը, ինչպես նաեւ գրքերի եւ պարբերականների փախանակմանը:


ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ