Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԳԱՐԵԳԻՆ ՆՈՒՇԻԿՅԱՆ. «ԱԶԳԱՅԻՆ ԺՈՂՈՎՈՒՄ ԿԼԻՆԵՄ, ՉԵՄ ԼԻՆԻ, ԴԱ ԿԱՐԵՎՈՐ ՉԷ»

Արխիվ 12-16

ԳԱՐԵԳԻՆ ՆՈՒՇԻԿՅԱՆ. «ԱԶԳԱՅԻՆ ԺՈՂՈՎՈՒՄ ԿԼԻՆԵՄ,

ՉԵՄ ԼԻՆԻ, ԴԱ ԿԱՐԵՎՈՐ ՉԷ»

 

ՀՀԿ պատգամավոր Գարեգին Նուշիկյանն «Իրավունք»-ի հետ զրույցում դժվարացավ ասել` մոտավորապես քանի հանդիպում է ունեցել իր ընտրատարածքի ընտրողների հետ` նոր սահմանադրության քարոզելու համար. « Աշխատանքներ տարվում են, հանդիպումներն ընտրողների հետ լինում են, որոնք, սակայն պայմանավորված չեն միայն  նոր սահմանադրության քարոզարշավով»:

Ընտրողների տրամադրվածությունը Նուշիկյանի ընտրատարածքում տարբեր են`«այո» եւ «ոչ» ասողներ էլ կան: ««Այո»-ն գերակշռում է, սակայն ընտրությունների օրը կերեւա, քանի որ հանդիպումների ընթացքում չգիտեմ` քաղաքացիները որքանով են անկեղծ»,- ասաց ՀՀԿ գործիչը:

Ինչո՞ւ պետք է քաղաքացին «այո» ասի նոր սահմանադրությանը: «Իսկ ինչո՞ւ «ոչ» ասի»,- հարցին հարցով պատասխանեց գործարար պատգամավորը:

«Ըստ «Ոչ»-ի ճակատի ներկայացուցիչների` ժողովրդի սոցիալական վիճակը ծանր է, եւ նոր սահմանադրության ընդունումից հետո չի բարելավվելու նոր սահմանադրությամբ»,- ասացինք մեր զրուցակցին:

Գարեգին Նուշիկյանի կարծիքվ Սահմանադրւթյան ընդունումը հանրության սոցիալական վիճակ հետ անմիջականորեն կապ չունի, դա ավելի հեռու գնացող տարիների ծրագիր է:  «Հանրությունը պիտի հետաքրքրվի սահմանադրական բարեփոխումներով, քանի որ փոխվում է կառավարման համակարգը: Իսկ հանրության կենսամակարդակը  երկրի ճիշտ կառավարումից է կախված»,- ասաց իշխող կուսակցության ներկայացուցիչը:

Ի՞նչ երաշխիք է տալիս օրենսդիր մարմնի ներկայացուցիչն իր ընտրողներին, որ նոր սահմանադրությունը թղթի վրա չի մնա, ինչպես գործողը: Մեր զրուցակիցը ոչ մի երաշխիք չտվեց, ապա ասաց. «Ինչի՞ պետք  է թղթի վրա մնա»:

- Շատերը գտնում են, որ գործող սահմանադրությունը եւս թղթի վրա է մնացել:

- Բայց ով է ասել, որ սա թղթի վրա է մնացել: Բա մենք  ինչով ենք ապրում:

- Ընդդիմախոսները պնդում են` պատերազմող երկրին պետք է կիսանախագահական, ոչ թե կառավարման խորհրդարանական մոդել:

- Ժամանակը ցույց կտա, բայց առավելություն կա նոր սահմանադրությամբ պատասխանատվությունը մեկ մարդուց  անցնում է մի քանի մարդու: Իսկ ավելի շատ մարդկանց ճնշելն ավելի դժվար է, քան մեկին:

- Նոր սահմանադրությամբ պատգամավորների թիվը նախատեսված է առնվազն 101, Մտավախություն չունե՞ք, որ  հաջորդ խորհրդարանում չեք  լինի:

- Բացարձակ: ԱԺ-ն իմ անձով չի սկսվել եւ իմ անձով չի վերջանում: Կլինեմ, թե չեմ լինի, կարեւոր չէ: Երկրի ընդհանուր վիճակն է կարեւոր: Իսկ ես ակնկալում եմ, որ կլինեն դրական տեղաշարժեր:


ՍՈՆԱ ԴԱՎԹՅԱՆ



Հավանեցի՞ր հոդվածը, կիսվիր ընկերներիդ հետ