Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԱՐՄԵՆ ՄԱՐՏԻՐՈՍՅԱՆ. «ԻՆՁ ՈՒ ՌՈՒԲԵՆ ՀԱԿՈԲՅԱՆԻՆ ՉԵՔ ԿԱՐՈՂ ԿՌՎԱՑՆ

Արխիվ 12-16

ԱՐՄԵՆ ՄԱՐՏԻՐՈՍՅԱՆ. «ԻՆՁ ՈՒ ՌՈՒԲԵՆ

ՀԱԿՈԲՅԱՆԻՆ ՉԵՔ ԿԱՐՈՂ ԿՌՎԱՑՆԵԼ»

 

 

Օրեր առաջ «Ժառանգություն» կուսակցության փոխնախագահ Արմեն Մարտիրոսյանն «Իրավունք»-ին  ասել էր, որ  իշխանությունն է մեղավոր «ժառանգություն» խմբակցության քանդման, ինչպես նաեւ Ռուբեն Հակոբյանի խմբակցության ղեկավարի պաշտոնը լքելու համար: Ռուբեն Հակոբյանը, սակայն այսօր մեզ հետ զրույցում ասաց, որ ով ով, բայց Արմեն Մարտիրոսյանը գիտի` ինչու է նա դուրս եկել «Ժառանգություն»-ից եւ չի կարծում`Արմեն Մարտիրոսյանը  նման անպատասխանատու  եւ հիմնազուրկ հայտարարություն աներ: «Իրավունք»-ը կրկին կապ հաստատեց Արմեն Մարտիրոսյանի հետ, հասկանալու, թե ինչպե՞ս նա կմեկնաբանի Ռուբեն Հակոբյանի այս հայտարարությունը: «Որեւէ հակադարձում չեմ անելու: Ես նաեւ ասել եմ, որ խոսել եմ  Ռուբեն Հակոբյանի հետ, սակայն անձնական զրույցները չեմ մեկնաբանում»,- ասաց նախկին օրենսդիրը:

-Այդ դեպքում մենք գուցե ընկալենք ձեր հայտարարությունը այսպես` Արմեն Մարտիրոսյանն արել է հիմնազուրկ եւ անպատասխանատու հայտարարությո՞ւն:

- Ինչպես ուզում եք ընկալեք:

- Օրեր առաջ մեզ նաեւ ասել էիք, որ քաղաքագետները ժամանակի ընթացքում կվերլուծեն այն, ինչ կատարվեց «Ժառանգություն» խմբակցության հետ, ինչպես նաեւ կանդրադառնան Ռուբեն Հակոբյանի` կուսակցությունից ու խմբակցությունից դուրս գալու որոշմանը: Ինչո՞ւ դուք չեք վերլուծում կատարվածը, չեք բացում փակագծերը:

- Ես քաղաքական գործիչ եմ, քաղաքական գործընթացների եմ ետեւում: Մնացածը փորձագետները թող ասեն, ինչպես է լինում, որ  իշխանությունը քայքայում է կուսակցություններին: Եվ սա առաջին դեպքը չէ:

- Բայց տեղի ունեցածը քաղաքական գործընթաց է եւ անմիջապես առնչվում է  «Ժառանգությանը»...

- Քանի որ Ռուբեն Հակոբյանի հետ եղել են եւ կան անձնական շփումներ, ուստի իմ խոսքը նույնն է` ժամանակի ընթացքում քաղաքագետները կվերլուծեն դա: Այսուհետ որքան ուզեք կռվացնենք Ռուբեն Հակոբյանի հետ, իրար հետ չենք կռվելու, որովհետեւ չեմ ավելացնելու ավելին, քան ասել եմ: Կարծում եմ` նույնը Ռուբեն Հակոբյանը, չի ավելացնելու ավելին, քան ասել է:

- Փաստորեն, Ռուբեն Հակոբյանը հեռացավ «Ժառանգություն»-ից, եւ մեղավոր է իշխանությո՞ւնը:

- Միանշանակ: Ոչ միայն Ռուբեն Հակոբյանի, այլեւ ընդդիմադիր կուսակցությունների հետ կապված:

ՀԳ. Ինչպես կասեր ժողովուրդը «արտը խախուտ մահանան կարկուտ»: Եթե կոնկրետ «Ժռանգության» լիդերը տեւական ժամանակ է չի մասնակցում եւ որեւէ լումա չունի, անտեսում է մեր երկրում տեղի ունեցող քաղաքական կարեւոր իրադարձությունները, ո՞վ է մեղավոր, էլի իշխանությո՞ւնը, թե՞ սեփական անկարողությունը արդարացնելու լավ տարբերակ եք մտածել` մեղավորներին այս ու այն կողմ փնտրելով:


ՍՈՆԱ ԴԱՎԹՅԱՆ


 

 

Հավանեցի՞ր հոդվածը, կիսվիր ընկերներիդ հետ