Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ԳՅՈՒՄՐԻԻ ԹԱՏՐՈՆՈՒՄ ԲԱՑՎԵՑ ՄՀԵՐ ՄԿՐՏՉՅԱՆԻ ԱՆՎԱՆ ՓՈՔՐ ԴԱՀԼԻՃ

Արխիվ 12-16

ԳՅՈՒՄՐԻԻ ԹԱՏՐՈՆՈՒՄ ԲԱՑՎԵՑ ՄՀԵՐ ՄԿՐՏՉՅԱՆԻ ԱՆՎԱՆ ՓՈՔՐ ԴԱՀԼԻՃ

 

Գյումրիի Վ. Աճեմյանի անվան պետական դրամատիկական թատրոնն օրերս մեծ շուքով նշեց թատրոնի 150-ամյակը, այդ կապակցությամբ` աճեմյանական բեմում անցկացվեց թատրոնի գեղարվեստական ղեկավար Լյուդվիգ Հարությունյանի բեմադրությամբ` հոբելյանական «Դատավարություն», որտեղ վկաների դերում` հայ բեմի մեծանուն արտիստներն էին, ովքեր իրենց մասնագիտական կենսագրությամբ ու ստեղծագործական աշխատանքով կապված են եղել Գյումրիի դրամատիկական թատրոնին:  
Միջոցառմանը ներկա էին ՀՀ վարչապետ Հովիկ Աբրահամյանը եւմշակույթի նախարար Հասմիկ Պողոսյանը:
Հոբելյանական միջոցառումները մեկնարկեցին վերանորոգված Մհեր Մկրտչյանի անվան փոքր բեմի բացման արարողությամբ: Գյումրու թատրոնն արդեն ունի 70 հանդիսականի համար նախատեսված դահլիճ, որի բացումն ազդարարվեց մեծ դերասանի մասին պատմող տեսանյութով:
Ի դեպ, փոքր բեմ ունենալու գաղափարը տարիների պատմություն ունի, եւ թղթից գործի է վերածվել` 150-ամյակի հոբելյանական միջոցառումների շրջանակում: Դահլիճի բացմանը հաջորդեց «Թատրոնը` ժամանակի ափի մեջ» խորագրով թատրոնի ճեմասրահում բացված լուսանկարների եւ ներկայացումների մանրակերտերի ցուցահանդեսը, որն ըստ էության պատմեց 150-ամյա թատրոնի դիտարժան ներկայացումների մասին:
Թատրոնի անցած ուղու մասին պատմեց նաեւ «Դար ու կես եւ 60 րոպե» փաստավավերագրական ֆիլմը` արխիվային նյութերից, մասնագիտական գրականությունից, ժամանակի մամուլից, թատրոնի մարդկանց հուշերից ու անցած տարիների բեմական կյանքի պատառիկներից:

ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ