Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

Հանրաքվեի ընթացքը «Ժառանգության» ներկայացուցիչը լավ է գնահատում, ՀԱԿ-ինը` գերազանց

Արխիվ 12-16

ՀԱՆՐԱՔՎԵԻ ԸՆԹԱՑՔԸ «ԺԱՌԱՆԳՈՒԹՅԱՆ» ՆԵՐԿԱՅԱՑՈՒՑԻՉԸ ԼԱՎ Է ԳՆԱՀԱՏՈՒՄ, ՀԱԿ-ԻՆԸ` ԳԵՐԱԶԱՆՑ

 

Շենքավիթի թիվ 11/26 ընտրատեղամասում ժամը 11:10-ի դրությամբ խաղաղ մթնոլորտ էր տիրում: «Իրավունքի» հետ զրույցում ընտրատեղամասի հանձնաժողովի նախագահ ԳԵՎՈՐԳ ԱՎԵՏԻՍՅԱՆԸ, ով «Բարգավաճ Հայաստան» կուսակցության ներկայացուցիչ էր նախ նշեց. «Նորմալ է, բնականոն հունով է գնում, ընտրողների մասնակցություն կա, ակտիվ են, մանավանդ  վերջին մեկ ժամվա ընթացքում ոչ մի խախտում չի գրանցվել, դժգոհություններ չկան, այս պահի դրությամբ ոչ մի տեսակի խնդիր չի առաջացել»: Ինչ վերաբերում է քաղաքացիների մասնակցությանը, Գ. Ավետիսյանը հավելեց. «Գրեթե նույնն է, ինչ նախորդ ընտրությունների ժամանակ: Ուղղակի, օրվա երկրորդ կեսից հետո կերեւա, սովորաբար, մինչեւ կեսօր ավելի ակտիվ են»: Ուշագրավ էր հատկապես այն, որ այն կուսակցությունների ներկայացուցիչները, ովքեր սահմանադրական հանրաքվեին «ոչ» են ասում, նույնպես բարձր գնահատեցին ընտրության ընթացքը: Մեզ հետ զրույցում վերոնշյալ տեղամասի ընտրական հանձնաժողովի «Ժառանգություն» կուսակցության ներկայացուցիչՄՈՒՇԵՂ ՀԱՅՐԱՊԵՏՅԱՆՆ ընդգծեց, որ լավ է գնահատում ընտրության ընթացքը. «Իհարկե, ակտիվությունը 10-ից հետո սկսվեց, որովհետեւ երեւի ցուրտ էր: Այնպես որ, ընտրություններն ընթանում են նորմալ, ինչպես միշտ է եղել»: Այն դիտարկմանը, թե կարելի՞ է ասել, որ այս ընտրատեղամասում արդար ու թափանցիկ ընտրություններ են ընթանում Մ. Հայրապետյանն ասաց. «Այս տեղամասում կարող եք այդպես արձանագրել: Այստեղ լարվածություն չկա, ամեն ինչ ընթանում է իր հունով: Օրենքի սահմաններում ամեն ինչ անում ենք»: Իսկ ընտրականհանձնաժողովի ՀԱԿ-ի ներկայացուցիչ ՌՈՒԶԱՆ ԿԱՐԱԽԱՆՅԱՆԸ անդրադառնալով հանրաքվեի ընթացքին` շեշտեց, որ մինչեւ այս պահը գերազանց է. «Նորմալ է ամեն ինչ, ոչ մի ընտրախախտում չի եղել եւ ընդահանրապես,  ոչ մի խնդիր չի եղել: Մարդիկ նույնականացման քարտով կամ անձնագրով գրանցվում են ու քվեարկում»:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ