Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ՄՈՎՍԻՍՅԱՆՆ ԱՌԱՋՎԱՆԸ ՉԷ...

Արխիվ 12-16

ՄՈՎՍԻՍՅԱՆՆ ԱՌԱՋՎԱՆԸ ՉԷ...

 

Հայաստանի ազգային հավաքականի ֆուտբոլիստ Յուրա Մովսիսյանի կարիերայում կաեւոր փուլի մեկնարկ կտրվի ձմեռային այս տրանսֆերային պատուհանի ընթացքում: Հայ ֆուտբոլիստը թեեւ ստացած հերթական վնասվածքից ապաքինվել եւ վերադարձել է խաղադաշտ, սակայն ցուցադրած խաղը քիչ հավանական է դարձնում նրա մրցունակությունը տրանսֆերային գոտում:

Ռուսաստանի առաջնության 18-րդ տուրի «Կռիլյա Սովետովի» դեմ հանդիպմանը Մովսիսյանը խաղադաշտ դուրս եկավ 60-րդ րոպեին՝ փոխարինելով Զե Լուիշին: Ըստ «Սպարտակի» նախկին գլխավոր տնօրեն Սերգեյ Շավլոյի՝ Մովսիսյանն այդ խաղում սարսափելի տպավորություն թողեց. «Կորցրել է բոլոր որակները. չկա արագություն, հարված, փոխանցում: Յուրան ահավոր տպավորություն թողեց: Այդ հանդիպմանը նստած էի երկրպագուներից ոչ հեռու եւ լսում էի նրանց դժգոհ հարցը Ալենիչեւին, թե ինչու է խաղադաշտ դուրս բերում Յուրային: Ցավալի է, որ Պրոմեսից երկու անգամ ավելի շատ աշխատավարձ ստացող ֆուտբոլիստը այդպիսի ֆուտբոլ է ցուցադրում»,- Շավլոյի խոսքը մեջբերում է bobsoccer-ը:
Այսպիսով՝ մոսկովյան թիմի երկրպագուները Մովսիսյանին մտովի արդեն ճանապարհել են այլ թիմ: Համենայնդեպս, չի կարելի չհամաձայնել Շավլոյի խոսքերի հետ, որ Մովսիսյանի խաղը, մեղմ ասած, չի տպավորում: Այլ հարց է, թե իր ներկայիս խաղով «Սպարտակից» հեռանալով՝ Մովսիսյանն ի՞նչ կարող է ակնկալել: Դեռ շրջանառվում են տեղեկություններ, որ ամերիկյան ՄԼՍ-ի «Ռեալ Սոլթ Լեյք» ակումբը շարունակում է հետաքրքրություն ցուցաբերել նրա նկատմամբ: Համենայնդեպս՝ այդ ակումբի գլխավոր մենեջեր Քրեյգ Բեյբլը հայտարարել է. «Յուրայի տեղափոխության հարցով ունեցել ենք որոշակի բանակցություններ: Հույս ունենք, որ կհասնենք համաձայնության: Սակայն վերջնական հետեւությունների համար դեռ վաղ է, պետք է շատ ուշադիր լինենք»: Եթե հաշվի առնենք, որ Մովսիսյանն այս ակումբի կազմում արդեն հանդես եկել է, տարբերակն այդքան էլ վատը չէ: Թեեւ 2007-2009 թվականներին Մովսիսյանն ուրիշ որակներ կրող ֆուտբոլիստ էր եւ հիմա գուցե այդքան էլ չինտեգրվի թիմի խաղի մեջ: Հատկապես, որ վնասվածքներից պրծում չունեցող հայ ֆուտբոլիստը հեռու է իր անգամ միջին մարզավիճակից, դե, գերազանցի մասին խոսք անգամ չկա: Ուստի ուշադիր լինելով հանդերձ՝ գուցե ակումբը իր ճանաչած Մովսիսյանին խաղադաշտում չտեսնի:

ՔՐԻՍՏԻՆԵ ՊԵՏՐՈՍՅԱՆ

Հավանեցի՞ր հոդվածը, կիսվիր ընկերներիդ հետ