Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ՈՍՏԻԿԱՆՈՒԹՅՈՒՆՆ ՈՒ ԴԱՏԱԽԱԶՈՒԹՅՈՒՆԸ ՃՆՇՈ՞ՒՄ ԵՆ ԼՐԱՏՎԱՄԻՋՈՑԻՆ, ԹԵ՞ ՆՈՐ ԱՇԽԱՏԱՈՃ ԵՆ ՈՐԴԵԳՐԵԼ

Արխիվ 12-16

ՈՍՏԻԿԱՆՈՒԹՅՈՒՆՆ ՈՒ ԴԱՏԱԽԱԶՈՒԹՅՈՒՆԸ ՃՆՇՈ՞ՒՄ

ԵՆ ԼՐԱՏՎԱՄԻՋՈՑԻՆ, ԹԵ՞ ՆՈՐ ԱՇԽԱՏԱՈՃ ԵՆ

ՈՐԴԵԳՐԵԼ

 

«Իրավունք»-ի օրեր առաջ  հրապարակված «ԱԱԾ-ում դուստր ու փեսա ունեցող  դասղեկը դրահամավաքությա՞մբ է զբաղվում» հոդվածը լայն արձագանք է գտել: Վերոնշյալ հրապարակման հիման վրա, իսկ ավելի կոնկրետ դատախազության կողմից, ոստիկանություն ուղարկված նյութերի հիման վրա գործ է նախապատրաստվում:

Այսօր «Իրավունք» թերթի խմբագրություն էր զանգահարել Էրեբունու ոստիկանության հետաքննության բաժնի քննիչ Սուրեն Բաղդասարյանը, ով մեզ տեղեկացրեց, որ գրավոր ծանուցում է ուղարկել խմբագրություն եւ ցանկանում տեղեկանալ` մենք  այն ստացել ենք, թե՞ ոչ: Բացասական պատասխան լսելուց հետո քննիչը հարցրեց`կարո՞ղ ենք նրան տրամադրել դրամահավաքության մասին տեղեկատվություն տվողի անուն-ազգանունը, այսինքն այն աղբյուրը, որից օգտվել ենք հոդվածը նախապատրաստելիս: Բնականաբար պատասխանըկրկին անգամ եղավ բացասական` հղում անելով ԶԼՄ-ի մասին օրենքի այն հոդվածին, ըստ որի` լրատվամիջոցը պարտավոր չէ իր տեղեկատվության աղբյուրը բացահայտել:

Փաստորեն, ոստիկանությունն ու դատախազությունը փոխանակ պարզեն` ինչ է կատարվում մեր կրթօջախներում, հանրությանը հուզող այս խնդրի` դրամահավաքության դեմ, հոգեբանական ճնշում են գործադրում լրատվամիջոցի վրա, որպեսզի բացահայտեն ԶԼՄ-ի տեղեկատվության աղբյուրը: Ավելին` վերոնշյալ իրավական կառույցները այսկերպ  հասկացնում են լրատվամիջոցին, որ նա զերծ մնա վերոնշյալ թեմային անդրադառնալուց:  Եթե իրավական այս կառույցներն այլ տարբերակ չունեն  դրմահավաքության համատարած երեւույթը բացահայտելու, խորապես ցավակցում ենք նրանց, միաժամանակ հորդորում` աղբյուրների բացահայտման համար այլեւս մեզ չդիմել, քանզի ԶԼՄ-ն կարող է իր աղբյուրը բացահայտել` օրենքով սահմանված կարգով` դատարանի պահանջով:

Զարմանալին այն է, որ բազում  օրինախախտումների մասին մեր ահազանգերը երբեք չէին օպերատիվ արձագանք, որքան  այս մեկը: Եթե սա ճնշման փորձ չէ, այլ  նոր աշխատաոճ, ըստ որի`  ցանկացած հրապարակում  կստանա այսպիսի օպերատիվ արձագանք, մենք միայն ուրախ  կլինենք:

Ի դեպ, տեղեկացնենք, որ այսօր վերոնշյալ հոդվածի առնչությամբ «Իրավունք»-ին պարզաբանում է  ուղարկել ԿԳ նախարարությունը, որտեղ ասվում է`  119 դպրոցի տնօրեն Հովհաննես Կարապետյանի նախաձեռնությամբ ժողով է գումարվել: Ժողովի ընթացքում ծնողները հայտնել են, որ գումար են հավաքել դասագրքերի վարձավճարների, աշխատանքային տետրերի, էքսկուրսիաների ու թատերական ներկայացումների համար: Վերոնշյալ միջոցառումները կազմակերպվել են ծնողների նախաձեռնությամբ: Միաժամանակ ԿԳ նախարարությունը հանձնարարել է 119 դպրոցի տնօրեն Հովհաննես Կարապետյանին`զգուշացնել 11-րդ դասարանի դասղեկ Գոհար Մելիք-Ստեփանյանին զերծ մնալ դրամահավաքությանն առնչվող որեւէ գործընթացից:

Այսպիսով` ԿԳՆ-ը, այնուամենայնիվ, չի հերքում, որ դպրոցում առկա է  դրամահավաքության երեւույթը:



ՍՈՆԱ ԴԱՎԹՅԱՆ

 

 

Հավանեցի՞ր հոդվածը, կիսվիր ընկերներիդ հետ