Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ՀՀԿ ՊԱՏԳԱՄԱՎՈՐԸ`ԸՆԴԴԻՄՈՒԹՅԱՆԸ. «ԵԿԵՔ ՄԵՐ ԳՐՊԱՆԻ ԼՈԲԻՆԵՐԸ ՀԱՇՎԵՆՔ»

Արխիվ 12-16

ՀՀԿ ՊԱՏԳԱՄԱՎՈՐԸ`ԸՆԴԴԻՄՈՒԹՅԱՆԸ. «ԵԿԵՔ ՄԵՐ

ԳՐՊԱՆԻ ԼՈԲԻՆԵՐԸ ՀԱՇՎԵՆՔ»

 

Սահմանադրական հանրաքվեից հետո եւ ընդդիմության պարտությունից հետո (ընդդիմությունը, սակայն, չի ընդունում  հանրաքվեի արդյունքները եւ դրանք համարում է կեղծված) 2017 թ-ի խորհրդարանական ընտրություններին ընդառաջ նշմարվում են նոր ընդդիմադիր ուժեր եւ դաշինքներ: Մասնավորապես, ըստ լուրերի`   «Ալյանս»,  «Քաղաքացիական պայմանագիր», «Լուսավոր Հայաստան» քաղաքական ուժերը  դաշինք կկազմեն, կպայքարեն ընդդիմադիր ընտրազանգվածի ձայների համար եւ սահուն քայլերով կզբաղեցնեն արդեն 25 տարի հանրությանը փողոց դուրս բերող եւ տուն ճանապարհող արմատական ընդդիմադիրներին` ՀԱԿ-ին, «Ժառանգությանը» եւ այլն:   Նորաստեղծ քաղաքական ուժերի հավանական կոնսոլիդացիային ուշի ուշով հետեւում է նաեւ իշխանությունը: Սակայն ՀՀԿ պատգամավոր, Թալինի նախկին քաղաքապետ Մնացական Մնացականյանը «Իրավունք»-ի հետ զրույցում ասաց, որ ՀՀԿ-ն մտահոգվելու խնդիր չունի, քանի որ ընդդիմությունը խոստումներ տալուց հետո պետք է կյանքի կոչի դրանք:

ՀՀԿ-ականը չի բացառում` կլինեն խորհրդարանական դաշինքներ, որն ինքը ողջունում է, քանի որ դաշինքների շնորհիվ հանրության բեւեռացվածությունը կմեղմվի:

Նախկին քաղաքապետի  կարծիքով սերնդափոխության կարիք կա՝ ընդդիմության դաշտում: «Հաճախ ենք տեսնում, որ ամբիացներն են պատճառը, թե մի ուրիշ գործոն, ընդդիմության միավորվելու փորձերը մնում են կես ճանապարհին»,- ասաց ՀՀԿ պատգամավորը:

Իշխող կուսակցության ներկայացուցիչը համոզմամբ ընդդիմությունը պետք է խնդիրներն առաջ քաշելուց բացի` լուծումներ առաջարկի եւ ազնիվ խաղա թե՛ հանրության, թե՛ իշխանության հետ: «Ընդդիմությունը ուժեղ է նաեւ նրանով, որ փորձում է համագործակցել իշխանության հետ, պատասխանատվություն կրի ոչ միայն լավի, այլեւ վատի համար: Հակառակ դեպքում ընդդիմությունը դատապարտված է ձախողման: Ընդդիմությունը քննադատում է  իշխանությանը երկրում տիրող սոցիալ-տնտեսական իրավիճակի  համար: Բայց չեմ կարծում, թե  որեւէ հայ իշխանավոր չի ցանկանում, որ մեր երկրի քաղաքացի լավ ապրի: Սակայն  պետք է մեր գրպանի լոբիները հաշվենք եւ հասկանանք` ինչ ունեք` պետբյուջեի միջոցները բավարար են այդ ցանկությունները իրականացնելու համար»,- եզրափակեց պրն Մնացականյանը:

 


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ