Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

«ՉԵՄ ԿՐՈՒՄ ՊԱՏԱՍԽԱՆԱՏՎՈՒԹՅՈՒՆ` ԸՆՏՐՈՒԹՅՈՒՆՆԵՐԻ ԿԱԶՄԱԿԵՐՊՄԱՆ ԳՈՐԾԸՆԹԱՑԻ ՀԱՄԱՐ»

Արխիվ 12-16

«ՉԵՄ ԿՐՈՒՄ ՊԱՏԱՍԽԱՆԱՏՎՈՒԹՅՈՒՆ` ԸՆՏՐՈՒԹՅՈՒՆՆԵՐԻ ԿԱԶՄԱԿԵՐՊՄԱՆ ԳՈՐԾԸՆԹԱՑԻ ՀԱՄԱՐ»

 

Երեկ գործադիրի նիստից հետո Սահմանադրական բարեփոխումների հանձնաժողովի անդամ, ԱԺ աշխատակազմի ղեկավար ՀՐԱՅՐ ԹՈՎՄԱՍՅԱՆԸ մի փոքր երկմտելուց հետո անկեղծացավ լրագրողներիս հետ եւ նշեց, որ եթե ՀԱԿ-ին հաջողվի անհրաժեշտ քանակի ստորագրություններ հավաքել` Սահմանադրական դատարանում հանրաքվեի արդյունքները վիճարկելու համար, ապա ՍԴ նախագահ Գագիկ Հարությունյանը ինքնաբացարկ կհայտարարի ու չի մասնակցի դատական նիստերին: Համենայնդեպս, այդպես է նշել մասնավոր զրույցում Սահմանադրական բարեփոխումների հանձնաժողովի եւ ՍԴ նախագահ Գագիկ Հարությունյանը:

 

Անդրադառնալով հարցին, թե ինչպես է վերաբերում Հ. Թովմասյանը հանրաքվեի ընթացքում եղած կամ չեղած ընտրակեղծիքների մասին խոսակցություններին, հատկապես, որ անձամբ` ռեալիթի-շոուի շրջանակներում, «այո» է քարոզել քաղաքացիներին, նշեց հետեւյալը. «Որպես հեղինակ` քարոզել եմ այն, ինչ որ տեքստում է գրված: Կարող եմ չկիսել հնչող գնահատականները, բայց ես չեմ կրում պատասխանատվություն` ընտրությունների կազմակերպման գործընթացի համար: Ես դրա պատասխանատուն, եւ ձեր հարցի հասցեատերը չեմ: Որպես Սահմանադրական բարեփոխումների հանձնաժողովի անդամ` պատասխանատու եմ Սահմանադրության տեքստի որակի, բովանդակության համար, բայց ոչ ընտրական գործընթացի համար»: Ապա իր մասին խոսելով երրորդ դեմքով` հավելեց. «Հրայր Թովմասյանի վրա` ո՛չ որպես ուղղակի քաղաքացի, ո՛չ որպես Սահմանադրական բարեփոխումների հանձնաժողովի անդամ, ո՛չ որպես ՀՀԿ խորհրդի անդամ, ո՛չ որպես ԱԺ աշխատակազմի ղեկավար, որեւէ տեղ դրված չէ պարտավորություն` ապահովելու ընտրությունների պատշաճ որակը եւ այլն»:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ