Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

«ՑԱՆԿԱՑԱԾ ՄԱՐԴ ԷԼ ՀՈԳՈՒ ԽՈՐՔՈՒՄ ՀԱՎԱՏՈՒՄ Է ՁՄԵՌ ՊԱՊԻՆ»

Արխիվ 12-16

«ՑԱՆԿԱՑԱԾ ՄԱՐԴ ԷԼ ՀՈԳՈՒ ԽՈՐՔՈՒՄ ՀԱՎԱՏՈՒՄ Է

ՁՄԵՌ ՊԱՊԻՆ»

 

Երեւանյան տոնական զարդարանքներն արդեն հուշում են, որ Ամանորը սարերի հետեւում չէ: Այնպես որ, ճիշտ ժամանակն է հայտարարել, որ ամանորյա եռուզեռը սկսված է: Իսկ կա՞ Ձմեռ պապ, թե` ոչ, ի՞նչ կբերի Նոր տարին եւ կլինե՞ն արդյոք հրաշքներ Ամանորի գիշերը, «Իրավունքը» մինչ տարեմուտ կպարզի արվեստի ներկայացուցիչներից: Մեր զրուցակիցն է երգիչ ՊԱՇ ՍԱՐԴԱՆ, ումից կորզեցինք բավականին անկեղծ պատասխաններ:

- Տարին ամփոփելով` Ձեր ամենակարեւոր ձեռքբերումը ո՞րն եք համարում:

- Եթե խոսեմ զուտ անձնապես, ինձ համար այս տարին բավականին բուռն էր` թե՛ երգարվեստի, թե՛ իմ աշխատանքի առումով, որտեղ բավականին վերելքներ եմ ունեցել: Միշտ ձգտել եմ, իսկ ձգտող մարդիկ հասնում են իրենց նպատակներին: Ինչ վերաբերում է ձեռքբերումներից ամենակարեւորին, ինձ համար այն է, որ ծնողներս կողքիս են` ընտանեկան ջերմության մեջ եմ: Իմ կարծիքով` դրանից լավագույն ձեռքբերում չի կարող լինել կյանքում:

- Մինչեւ ե՞րբ եք հավատացել, որ Ձմեռ պապ, այնուամենայնիվ, կա:

- Երբ տեսա, որ մայրս իմ բարձի տակ ինչ-որ բան է դնում, այդ օրվանից փշրվեց երազանքը: Բայց ցանկացած մարդ էլ հոգու խորքում հավատում է Ձմեռ պապին: Թեկուզ նա միստիկ կերպար է, բայց այդ մանկական երեւակայությունը բոլորիս մեջ շարունակում է ապրել:

- Դեկտեմբերի 31-ի գիշերը հրաշքների սպասո՞ւմ եք:

- Ես ամեն օր եմ հրաշքների սպասում, որովհետեւ ամեն օրն ինձ համար հրաշք է, եթե իմ կյանքում ինչ-որ հետաքրքիր բան է տեղի ունենում: Այն, որ քնում եւ արթնանում ենք, արդեն հրաշք է:

- Ի՞նչ կցանկանայիք, որ բերի Ձմեռ պապը 2016-ին:

- Ամենակարեւորը` թող մարդկանց ոչ միայն շոշափելի հաջողություններ բերի, այլեւ` հոգեւոր: Նյութականն այսօր կա, վաղը կարող է չլինել, իսկ մնայուն արժեքը հոգեւորն է:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ