Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ՄԻՋԱԶԳԱՅԻՆ ԱՎՏՈՈՒՂԵՎՈՐԱՓՈԽԱԴՐՈՒՄՆԵՐԻ ՀԱՐՑՈՎ ԴԵՌ ԲԱՆ ՉԻ ՓՈԽՎԵԼ

Արխիվ 12-16

ՄԻՋԱԶԳԱՅԻՆ ԱՎՏՈՈՒՂԵՎՈՐԱՓՈԽԱԴՐՈՒՄՆԵՐԻ ՀԱՐՑՈՎ ԴԵՌ ԲԱՆ ՉԻ ՓՈԽՎԵԼ

 

Մոսկվա-Երեւան ավտոբուսի կողաշրջման, դրա հետեւանքով 8 մարդու զոհվելու եւ 48-ի վիրավորվելու պատմությունը ժամանակին ոչ միայն մեծ աղմուկ բարձրացրեց, այլ նաեւ բազում հարցեր առաջ քաշեց: Մասնավորապես՝ ո՞վ է պարտավոր վերահսկել, որ նման երթուղիներում գործեն սարքին տրանսպորտային միջոցներ, ստուգված վարորդներով: Սակայն ՀՀ տրանսպորտի եւ կապի նախարարի առաջին տեղակալ ԱՐԹՈՒՐ ԱՌԱՔԵԼՅԱՆԻՆ մեր զրույցի ընթացքում նախ խնդրեցինք պարզաբանել, թե վթարված ավտոբուսի ուղեւորներին պատճառված վնասի փոխհատուցման գործընթացն ի՞նչ փուլում է:

-Ինչպես գիտեք, Կառավարության որոշմամբ` սահմանվեցին համապատասխան փոխհատուցման չափեր, այդ գործընթացը բնականոն ընթանում է: Բոլոր շահառունները ներկայացնում են պահանջվող փաստաթղթերը: Եթե ժառանգության կամ փաստարկման խնդիր կա, լրացուցիչ ընթացակարգեր ենք սահմանում: Բայց հիմնականում շահառուները ժամերի տարբերությամբ ստացել են իրենց փոխհատուցումները, բոլորը շատ գոհ ու շնորհակալ են:
- Իսկ որպեսզի հետագայում նման վթարների առաջ չկանգնենք, եւ մարդիկ էլ «գոհ ու շնորհակալ» չլինեն, ի՞նչ քայլեր է ձեռնարկել նախարարությունը:
- Մենք մշակել ենք «Ավտոմոբիլային տրանսպորտի մասին» նոր օրենքի նախագիծ, որը հավանության է արժանացել Կառավարության կողմից: Ասեմ, որ այդ նախագիծը շրջանառվում էր մոտավորապես ութ ամիս, եւ այդ դեպքից հետո չնչին լրամշակումներ են արվել, եւ շուտով այն արդեն կներակայացվի Ազգային ժողով: Նաեւ նախատեսվում է որոշակի խստացում վերահսկողության տեսանկյունից: Բայց հիմնական քայլերը միտված են լինելու մեր քաղաքացիների եւ ուղեւորափոխադրումների անվտանգությանը:
- Իսկ արդեն հստակեցվե՞լ է, թե որքան ընկերություններ են առանց լիցենզիա, ուղեւորափոխադրումներ իրականացնում: Վթարից հետո ասացիք, որ կճշտվեն բոլոր նմանատիպ ընկերությունների տվյալները:
- Լիցենզիա հասկացողություն այս պահին, այս օրենսդրությամբ չկա: Կա կանոնավոր եւ ոչ կանոնավոր փոխադրումներ իրականացնող կազմակերպություններ գաղափարը: Եվ քանի որ այդ ոչ կանոնավոր կազմակերպությունների նկատմամբ որեւէ վերահսկողական մեխանիզմներ չկան գործող օրենսդրության մեջ, ապա դրա վերաբերյալ հստակ գնահատականներով հանդես գալը շատ դժվար է: Դա  անվերահսկելի մի իրավիճակ է:
- Այսինքն՝ նոր օրենսդրությամբ այդ վերահսկողությունը կիրականացվի՞:
- Ես նշեցի, որ նախարարության կողմից մշակվել է համապատասխան օրենսդրական փաթեթ, ցանկացած պետական գերատեսչություն իրավասու է գործել բացառապես այն լիազորությունների շրջանակներում, որը տալիս է իրեն օրենքը:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ