Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ԳԱԼԱ ՀԱՄԵՐԳՈՎ ԿԱՄՓՈՓՎԻ ՎԱՀԱՆ ԱՐԾՐՈՒՆՈՒ ԲԵՄԱԿԱՆ ԳՈՐԾՈՒՆԵՈՒԹՅԱՆ 30 ԵՎ ԾՆՆԴՅԱՆ 50-ԱՄՅԱԿՆԵՐԻՆ ՆՎԻՐՎԱԾ

Արխիվ 12-16

ԳԱԼԱ ՀԱՄԵՐԳՈՎ ԿԱՄՓՈՓՎԻ  ՎԱՀԱՆ ԱՐԾՐՈՒՆՈՒ  ԲԵՄԱԿԱՆ ԳՈՐԾՈՒՆԵՈՒԹՅԱՆ 30 ԵՎ ԾՆՆԴՅԱՆ 50-ԱՄՅԱԿՆԵՐԻՆ ՆՎԻՐՎԱԾ ՀԱՄԵՐԳԱՇԱՐԸ

 

ՀՀ առաջաին տիկին Ռիտա Սարգսյանի բարձր հովանու ներքո հոկտեմբերի 11-ին մեկնարկեց երգիչ, երգահան ՎԱՀԱՆ ԱՐԾՐՈՒՆՈՒ բեմական գործունեության 30 եւ ծննդյան 50-ամյա հոբելյաններին նվիրված համերգաշարը: Կայացած չորս տարբեր ժանրերի համերգաշարը կեզրափակվի դեկտեմբերի 25-ին կայանալիք գալա համերգով`սիմֆո-ռոք ժանրում: Վահան Արծրունու հետ նույն բեմում կլինեն Հայաստանի Ազգային ֆիլհարմոնիկ նվագախումբը`դիրիժոր Էդուարդ Թոփչյանի գլխավորությամբ, Մայր Աթոռի Նոր Նորքի հայորդաց տան «Շողակաթ» մանկական երգչախումբը, մենակատարներ Մերուժան Տեր-Մինասյանը, Հասմիկ Բաղդասարյանը, Լեւոն Հախվերդյանը եւ Էմմանուել Հովհաննիսյանը.«Այս համերգն ամփոփում է նախորդ չորս համերգները, նաեւ ներկայացվելու է  սիմֆո-ռոք ուրույն ժանրը: Ֆիլհարմոնիկ նվագախմբի հետ առաջին անգամ համագործակցել եմ դեռեւս 2000 թվականին, բայց ամբողջական ծրագրով հանդես ենք գալիս առաջին անգամ: Շատ ոգեւորված ենք եւ այս համերգից մեծ սպասելիքներ ունենք»,-նշեց Վահան Արծրունին ընդգծելով, որ համերգաշարն իր համար եղել է փարձառության բացառիկ շրջան, քանի որ ծրագրին մասնակցել են Հայաստանի պետական կամերային նվագախումբը, մանկական երգչախումբը եւ բազմաթիվ մենակատարներ:

Համերգի առաջին բաժնում կհնչեն ստեղծագործություններ Կոմիտասի բանաստեղծությունների հիման վրա եւ Մաշտոցյան շարականների մեկնություններ, իսկ երկրորդ բաժնում`գործիքային ստեղծագործություններ, երգեր`Վահան Արծրունու եւ Ռազմիկ Դավոյանի խոսքերով: Համերգի ընթացքում կլինի նաեւ երեք պրեմիերա.«Համերգի բոլոր չակերտները մինչեւ վերջ չենք բացելու, որպեսզի համերգին հանդիսատեսը ստանա լիարժեք հաճույք»,-ավելացրեց երգիչը:

Հայաստանի Ազգային ֆիլհարմոնիկ նվագախմբի տնօրեն ՌՈՒԶԱՆ ՍԻՐՈՒՆՅԱՆԸ փաստեց, որ ամբողջ տարին ֆիլհարմոնիկ նվագախումը համերգային շրջագայություններ է ունեցել արտերկում` նվիրված Հայոց ցեղասպանության 100-րդ տարելիցին.«Ցանկացանք, որ տարին եզրափակենք նման գեղեցիկ ծրագրով: Կարծում եմ այս համերգը կլինի երկու ստեղծագործողների`Է. Թոփչյանի եւ Վ Արծրունու համագործակցությունը, մտածում եմ, որ այն պետք է շարունական լինի»,-շեշտեց Ռ. Սիրունյանը:

Վահան Արծրունին 30 տարիների ամենամեծ ձեռքբերումը համարում է այն հարթությունը, որի վրա այժմ գտնվում է`համագործակցությունների եւ հարաբերությունների լայն շրջանակ.«Յուրաքանչյուր կոմպոզիտոր, բեմի մարդ միայն կերազեր նման իրադարձությունների շարքում հայտնվելը,  այս առումով անգնահատելի է այն ընթացքը, որի շրջանակներում հնարավորություն ունեցա  հինգ համերգների շնորհիվ ներկայացնել իմ ամբողջ երաժշտությունը, որով զբաղվել եմ 30 տարիների ընթացքում»,-եզրափակեց  Վահան Արծրունին:


ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ