Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ԵՎ ԿՐԿԻՆ ԱՂՄԿՈՒՄ Է ԶԱՐՈՒՀԻ ՓՈՍՏԱՆՋՅԱՆԸ

Արխիվ 12-16

ԵՎ ԿՐԿԻՆ ԱՂՄԿՈՒՄ Է ԶԱՐՈՒՀԻ ՓՈՍՏԱՆՋՅԱՆԸ

 

Երեկ խորհրդարանում երկրորդ ընթերցմամբ ընդունվեց «Վարչական իրավախախտումների վերաբերյալ ՀՀ օրենսգրքում փոփոխություններ եւ լրացումներ կատարելու մասին» օրենքի նախագիծը` կից օրենսդրական փաթեթով: Սակայն, մինչ քվեարկության անցնելը տեղից աղմուկ բարձրացրեց ԱԺ «Ժառանգություն» խմբակցության ղեկավար ԶԱՐՈՒՀԻ ՓՈՍՏԱՆՋՅԱՆՆ ու առանց շունչ քաշելու միայն կրկնում էր. «Վարման կարգի վերաբերյալ, վարման կարգի վերաբերյալ...»: Ի վերջո, միացվեց Զ. Փոստանջյանի բարձրախոսը, եւ նիստը վարող ԱԺ նախագահ ԳԱԼՈՒՍՏ ՍԱՀԱԿՅԱՆԸ կատակեց. «Մի քիչ էլ դուք թուլացրեք»:

Ընդդիմադիր տիկինն իհարկե սկսեց իր հին երգը եւ էլի անհնազանդության կոչեր արեց, ինչը առաջացրեց ողջ դահլիճի ծիծաղը: ԱԺ նախագահն էլ հավելեց. «Խնդրում եմ, 20 վայրկյան ունեք, շարունակեք»: Ոչ մի պատասխան չստանալով աղմկոտ պատգամավորուհուց` ասաց. «Ուրեմն` շնորհավոր Նոր տարի, քվեարկություն»:
Ի դեպ, ուշագրավ էր, որ հարցի վերաբերյալ մտքերի փոխանակման ժամանակ, թեպետ գրանցվել էր Զ. Փոստանջյանը, սակայն չէր հասցրել մտնել դահլիճ ու զրկվել էր իր մտքի «գոհարներն» ամբիոնից արտահայտելու հնարավորությունից: Եվ խորհրդարանական միջանցքներում այս մասին կատակում էին, թե. «Ամանորյա նվեր է արել Զարուհին բոլոր պատգամավորներին ու այս անգամ չի ճղճղացել ամբիոնից»: Բայց, արի ու տես, որ բարի Ձյունանուշի կերպարից սարեր ու ձորերով հեռու է Փոստանջյանը:
ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ