Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ՖՈՒՏԲՈԼԱՅԻՆ ՏԱՐԻՆ ՁԱԽՈՂՎԱԾ ԷՐ

Արխիվ 12-16

ՖՈՒՏԲՈԼԱՅԻՆ ՏԱՐԻՆ ՁԱԽՈՂՎԱԾ ԷՐ

 

Ֆուտբոլի Հայաստանի հավաքականի մասին տարվա կտրվածքով առանձնապես նշելու բան չկա: Ամեն ինչ սկսվեց եւ ավարտվեց Եվրո-2016-ի ընտրական փուլով եւ դրա խայտառակ ձախողմամբ: Դե իսկ Հայաստանի ազգային հավաքականի ֆուտբոլիստներն իրենց ակումբներում հասել են որոշակի հաջողությունների կամ գրանցել անհաջողություններ:

Յուրա Մովսիսյանի համար տարին խիստ անհաջող դասավորվեց. մի քանի վնասվածք, երկարատեւ բացակայություն ակումբային խաղերից, ապա՝ միանգամայն անհաջող խաղ, ինչը ստիպեց «Սպարտակին»՝ տրանսֆերի հանել ֆուտբոլիստին:
Մովսիսյանի թիմակից Արաս Օզբիլիսի մասին եւս ասելիքը շատ չէ. նա եւս տեւական վնասվածքից հետո խաղաժամանակ գրեթե չստացավ՝ իր հերթին հայտնվելով մոսկովյան թիմը լքելու թեկնածուների մեջ:
Քիչ ավելի հաջող էր Գեւորգ Ղազարյանի վիճակը. 27-ամյա ֆուտբոլիստը վնասվածքով է ավարտել տարին: Սակայն Պորտուգալիայի առաջնության 11 հանդիպումներում Ղազարյանը խփել է 2 գնդակ, ինչը մի քիչ վիճակը շտկում է:
Իրանական ֆուտբոլում իր փոքրիկ հաջողություններն է գրանցում Հայաստանի հավաքականի պաշտպան Հրայր Մկոյանը, ով ընդգրկվել է Իրանի առաջնության առաջին շրջանի խորհրդանշական հավաքականում: «Varzesh3.com»-ի վարկածով՝ Մկոյանն ընդգրկվել է նաեւ Իրանի առաջնության լավագույն օտարերկրացի խաղացողների ցուցակում:
Մարկոս Պիզելին թեեւ վատ տարի չանցկացրեց ղազախական «Ակտոբեի» կազմում եւ թիմի ամենաբարձր վարձատրվող ֆուտբոլիստներից մեկն էր, բայց ակումբը հայտնվել է ծանր ֆինանսական կացության մեջ, ինչի արդյունքում որոշել է վաճառել հիմնական կազմի ֆուտբոլիստներից 9-ին, որոնց թվում է նաեւ Պիզելին:
Իսկ Գաել Անդոնյանը, ով հանդես է գալիս Ֆրանսիայի երկրորդ դիվիզիոնի «Դիժոնի» կազմում, վերջին խաղերում եւս խաղաժամանակ չէր ստանում: Անդոնյանը միակն է այս առումով, որ ակումբում առանձնապես հաջողություններ չգրանցելով` տպավորիչ խաղ էր ցուցադրում ազգային ընտրանու հանդիպումներում:
Դորտմունդի «Բորուսիայում» հադես եկող Հենրիխ Մխիթարյանը, հերթական անգամ ֆիքսենք, հրաշալի խաղաշրջան անցկացրեց ակումբի կազմում: Բայց ասել, թե Մխիթարյանը նույն կերպ փայլեց նաեւ հավաքականում, սխալ կլիներ:
Այսպիսով՝ ընդհանուր առամամբ, տեսնելով հայ առաջատար ֆուտբոլիստների գրանցած արդյունքներն իրենց ակումբների կազմում, հասկանում ենք, որ հավաքականում նրանց ոչ այնքան հաջող ելույթները ունեն բացատրություն, բայց իհարկե՝ ոչ արդարացում:
ՔՐԻՍՏԻՆԵ ՊԵՏՐՈՍՅԱՆ

Հավանեցի՞ր հոդվածը, կիսվիր ընկերներիդ հետ