Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ԼՂՀ ԱԺ նախագահ. «Անցնող տարին իրադարձություններով հարուստ, զարգացումներով՝ բարդ ու անկանխատեսելի էր»

Արխիվ 12-16

ԼՂՀ ԱԺ նախագահ. «ԱՆՑՆՈՂ ՏԱՐԻՆ ԻՐԱԴԱՐՁՈՒԹՅՈՒՆՆԵՐՈՎ ՀԱՐՈՒՍՏ, ԶԱՐԳԱՑՈՒՄՆԵՐՈՎ՝ ԲԱՐԴ ՈՒ ԱՆԿԱՆԽԱՏԵՍԵԼԻ ԷՐ»

 

ԼՂՀ Ազգային ժողովի նախագահ ԱՇՈՏ ՂՈՒԼՅԱՆԸ  Ամանորի եւ Սուրբ  ծննդյան տոների առթիվ իր շնորհավորանքն է հղել ժողովրդին, որում մասնավորապես ասված է.
«Ջերմորեն շնորհավորում եմ Ամանորի եւ Սուրբ Ծննդյան տոների առթիվ:
Անցնող տարին իրադարձություններով հարուստ, զարգացումներով՝ բարդ ու անկանխատեսելի էր. մենք շարունակեցինք արարել, հիմքեր ստեղծել կայուն զարգացման եւ բարեկեցիկ ապագայի համար:
2015 թվականը հիշարժան տարի էր, եւ այն մեզ համար նշանավորվեց մի շարք ձեռքբերումներով: Մայիսին կայացան հերթական խորհրդարանական, սեպտեմբերին` ՏԻՄ ընտրությունները, որոնց մասնակցած միջազգային դիտորդների կարծիքները, տարբեր երկրների խորհրդարանականների եւ քաղաքական գործիչների հետ մեր համագործակցության ծրագրերը լուրջ նախադրյալներ են` Արցախի միջազգային ճանաչման  գործընթացում: 
Ամբողջ տարվա ընթացքում պահպանվեց նաեւ լարվածությունը մեր երկրի սահմաններին: Հակառակորդի կողմից դիվերսիոն ներթափանցման փորձերն ու ծանր հրետանու կիրառումը բոլորովին այլ իրավիճակ ստեղծեցին 1994 թվականի զինադադարից ի վեր: Ցավոք, ունեցանք անդառնալի մարդկային կորուստներ, եւ այդ վիշտը բոլորինս է: Միաժամանակ մենք հպարտություն ենք ապրում Հայոց բանակի վստահ կեցվածքով եւ նրա մարտունակությամբ:
Թանկագի՛ն հայրենակիցներ,
Մենք թեւակոխում  ենք 2016 թվական: Տարին խորհրդանշական է, քանի որ լրանում է Արցախի Հանրապետության հռչակման 25-ամյակը: Անկախությունը հռչակել ենք միասին եւ անցած քառորդ դարի ընթացքում հավատարիմ ենք մնացել մեր ընտրած ուղուն, թեկուզ բազում անելիքներ ունենք առջեւում: Ուստի, բոլորիս մաղթում եմ ամուր առողջություն, նոր եռանդ եւ միասին աշխատելու պատրաստակամություն:
Խաղաղություն՝ մեր երկրին ու մեր օջախներին:
Շնորհավո´ր Նոր տարի եւ Սուրբ Ծնունդ»:

Հավանեցի՞ր հոդվածը, կիսվիր ընկերներիդ հետ