Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար

ՆԵՐԿԱՅՈՒՄՍ ՀԱՄԱՃԱՐԱԿԻ ՎՏԱՆԳ ՉԿԱ, ԲԱՅՑ…

Արխիվ 12-16

ՆԵՐԿԱՅՈՒՄՍ ՀԱՄԱՃԱՐԱԿԻ ՎՏԱՆԳ ՉԿԱ, ԲԱՅՑ…

 

ՀՀ առողջապահության նախարարության փոխանցմամբ` արագ արձագանքման խմբի  հերթական խորհրդակցության ժամանակ  կատարվել է համաճարակային իրավիճակի ամենօրյա վերլուծություն: Արդյունքում` հունվարի 9-ի դրությամբ հանրապետությունում գրանցվել է սուր շնչառական վարակներով հոսպիտալացման 662 դեպք, որից 219-ը` թոքաբորբ:  Այսօրվա տվյալներով հոսպիտալացված է 85 հղի, որից 20–ի մոտ` թոքաբորբ: Հանրապետության վերակենդանացման բաժանմունքներում այսօրվա տվյալներով  բուժում է  ստանում  83 հիվանդ,  որից 7-ը միացված է  արհեստական շնչառական սարքին: Նրանցից մեկը հղի է:  Ծանր հիվանդների թիվը մնացել է նույնը, ինչը վկայում է այն մասին, որ իրազեկման շնորհիվ հաջողվել է բարձրացնել բնակչության զգոնությունը եւ ապահովել հիվանդների դիմելիությունը  հնարավորինս վաղ փուլերում:

Նշենք, որ հունվարի 8-ի դրությամբ տոնական օրերի համեմատ Երեւանում նվազել է շտապօգնության կանչերի թիվը: 937 կանչից, միայն 180-ն է պայմանավորված եղել սուր շնչառական վարակներով:

ՀՀ առողջապահության նախարարությունը սուր շնչառական վարակներից եւ դրանց հնարավոր բարդություններից խուսափելու նպատակով խորհուրդ է տալիս գրիպանման երեւույթների արձանագրման դեպքում անհապաղ դիմել բժշկական օգնության, հատկապես՝ տարեց անձինք, ովքեր տառապում են քրոնիկ հիվանդություններով, հղիները եւ երեխաները, քանի որ բարդություններ կարող են առաջանալ գրիպի ցանկացած տեսակի եւ ենթատեսակի դեպքում:

Կրկին հորդորում ենք գրիպանման երեւույթների դեպքում անհապաղ դիմել բժշկական օգնության, չզբաղվել ինքնաբուժմամբ:

Հիշեցնենք, որ  ՀՀ առողջապահության նախարարության առաջարկով հանգստյան օրերին` հունվարի 9-ին եւ 10-ին կաշխատեն  Երեւանի եւ ՀՀ մարզերի ամբուլատոր պոլիկլինիկական կազմակերպությունները:

ՀՀ առողջապահության նախարար ԱՐՄԵՆ ՄՈՒՐԱԴՅԱՆՆ ամփոփելով խորհրդակցությունը`  հանձնարարել է հանրապետությունում կազմակերպել  առաջին հերթին ռիսկային հղիների համայցեր, ինչպես նաև ավելացնել երեխաների տնային այցերի հաճախականությունը: ՀՀ ԱՆ պետական առողջապահական տեսչությանը հանձնարարվեց ուժեղացնել բժշկական կազմակերպություններում սանիտարական նորմերի պահպանման նկատմամբ  վերահսկողությունը:

Իրավիճակը վերահսկելի է, ներկայումս համաճարակի վտանգ չկա, բայց խորհուրդ է տրվում պահպանել վերը նշված բոլոր կանխարգելիչ միջոցառումները:

Հավանեցի՞ր հոդվածը, կիսվիր ընկերներիդ հետ