Մեր հաղթանակները մեզանից չեն խլի. Պրոֆեոր Չարչյանը օրվա խորհրդի մասին Արթուր Չախոյանը մանրամասներ է ներկայացնում ծեծկռտուքից Մանվել Գրիգորյանն իմ մարտական ընկերն է եղել. Սասուն Միքայելյան Ներքին թշնամությունից, հասարակական բևեռացումից ու սեփական կաշվից այն կողմ ոչինչ չեն տեսնում. Տիգրան Աբրահամյան Թրամփը մայիսի 8-ը ԱՄՆ-ում պաշտոնապես հռչակել է Հաղթանակի օր ՀՀ տարածքում ավտոճանապարհներն անցանելի են Երևանում սպասվում է կարճատև անձրև: Գազամատակարարման պլանային ընդհատումներ Երևանում Էլեկտրաէներգիայի պլանային անջատումներ կլինեն։ Մայիսի 9-ին կլրանա Տիգրանի 2-րդ տարեդարձը

«ԱՄԵՆ ՄԵԿՆ ԻՐԵՆ ԻՐԱՎՈՒՆՔ Է ՎԵՐԱՊԱՀՈՒՄ ՀՈՒՄՈՐԻՍՏ ՀԱՄԱՐՎԵԼՈՒ, ՉԻ՛ ԿԱՐԵԼԻ»

Արխիվ 12-16

«ԱՄԵՆ ՄԵԿՆ ԻՐԵՆ ԻՐԱՎՈՒՆՔ Է ՎԵՐԱՊԱՀՈՒՄ ՀՈՒՄՈՐԻՍՏ ՀԱՄԱՐՎԵԼՈՒ, ՉԻ՛ ԿԱՐԵԼԻ»


«Իրավունք» թերթի այս տարվա առաջին «Ուղիղ կապի» հյուրն էր ՀՀ ժողովրդական արտիստ, Երեւանի ավագանու անդամ ՀՐԱՆՏ ԹՈԽԱՏՅԱՆԸ: Սիրված դերասանին ուղղված մեր ընթերցողների եւ ֆեյսբուքյան օգտատերերի հարցերը բազմազան էին` սկսած քաղաքականությունից մինչեւ թատերական, հեռուստատեսային ոլորտին առնչվող խնդիրներ:


«ԱՅՍՕՐ ՄԵՐ ԵՐԿՐՈՒՄ ԻՆՏԵԼԵԿՏԻ ՄԵԾ ՊԱԿԱՍ ԿԱ»


Պարոն Թոխատյան, ինչպե՞ս կգնահատեք մեր ամանորյա հեռուստաեթերը: Ինչո՞ւ են անկում ապրում հումորը եւ տոնական նախագծերը: (ՏԱԹԵՎ ՀԱՐՈՒԹՅՈՒՆՅԱՆ, ք. Արմավիր)

– Առիթ չեմ ունեցել ամբողջ եթերին հետեւելու, նայել եմ ընդամենը հատվածներ: Համեմատած մի քանի տարի առաջվա, հիմա ունենալով ավելի պարզ միտք, ավելի լավ տեխնիկա կամ ցանկություն` մի փոքր բարելավվել է վիճակը, բայց սա չի նշանակում, որ արդեն լավն է: Ավելի արագ քայլերով կուզենայի զարգանար մեր հեռուստաեթերը: Իհարկե, շատ լավ հասկանում եմ, որ հեռուստատեսությունը բացի ստեղծագործական մտքից,  կապված է նաեւ տեխնիկական հնարավորությունների ու մանավանդ` գումարի հետ, ինչը մեր երկրում այդքան չկա, որպեսզի կարողանանք ոտք գցել, գոնե թեկուզ ռուսական հեռուստաալիքների հետ, էլ չեմ ասում եվրոպականի կամ ամերիկյանի մասին: Չնայած, եթե դիտեք արտասահմանյան հեռուստաեթերը, կհասկանաք, որ ընդհանրապես անկում կա ամեն տեղ: Եվ, այո, անկում կա հումորի տեսակետից էլ, որովհետեւ փակ երկրներում հումորն ավելի է զարգանում, քան բացեիբաց թողնված երկրներում: Իսկ մենք այդպիսի երկիր ենք, դրա համար էլ այսօր ով ինչ մակարդակի «սրամտություն» անում է, իրեն տրամադրվում է ե՛ւ եթեր, ե՛ւ բեմ: Մինչդեռ հումորն առաջին հերթին ինտելեկտ է, իսկ այսօր մեր երկրում ինտելեկտի մեծ պակաս կա: Այնպես որ, ինչպիսի ինտելեկտ ունենք, այդպիսի էլ հումոր ունենք: Մեր օրերում տարօրինակ բառ են օգտագործում` «հումորիստ»: Չկա նման բան, ի՞նչ է նշանակում` ես հումոր եմ անում կամ հումորիստ եմ: Հումորիստը կոչում է, այսօր անգամ մեծն Ժվանեցկին չի ասում, որ հումորիստ է, այլ ասում է, որ ուղղակի տեքստեր է գրում: Բայց հիմա ամեն մեկն իրեն իրավունք է վերապահում հումորիստ համարվելու, չի՛ կարելի:

 

«ՀԵՌՈՒՍՏԱՏԵՍՈՒԹՅՈՒՆՆ ԻՐ ԱԿՏՈՒԱԼՈՒԹՅՈՒՆԸ ԿՈՐՑՐԵԼ Է»

Ինչո՞վ է պայմանավորված, որ վերջին շրջանում Ձեզ հեռուստանախագծերում չենք տեսնում: (ԿԱՐԻՆԵ ՀՈՎՀԱՆՆԻՍՅԱՆ, Արագածոտնի մարզ)

– Անկեղծ կլինեմ Ձեզ հետ, Կարինե: Ընդհանրապես հեռուստատեսությունը չեմ սիրում: Այլ բան է, որ իմ երիտասարդ տարիներին ուղղակի չկար այս ամենը, այսինքն` միակ կապը աշխարհի հետ այն ժամանակվա հեռուստաեթերն էր: Որքանով էր այն կապ տալիս, չգիտեմ, որովհետեւ առանձնապես աշխարհ էլ չէինք տեսնում, բայց գոնե ինչ-որ մի ինֆորմացիայի աղբյուր էր: Այսօր` համացանցի դարում, հեռուստատեսությունն իր ակտուալութունը կորցրել է: Գերադասում եմ թատրոնը, որն ունի կենդանի շունչ, ինչը շատ կարեւոր է, գոնե ինձ համար: Այնպես որ, ներկայացումներում անպայման կտեսնեք, իսկ հեռուստանախագիծ, դեռ չեմ կարծում, որ կլինի:

Ձեր սերնդի արվեստագետները, կարծես, դարձել են վերջին մոհիկաններ, ի՞նչ կասեք նոր սերնդի դերասանների մասին` նրանց կհաջողվի՞ ստեղծել մնայուն գործեր: (ՆԱՐԻՆԵ, ք. Երեւան)

– Հավատացեք` այո, որովհետեւ ունենք շատ լավ երիտասարդ դերասաններ, ինչը չեմ կարող ասել ռեժիսորների ու էլ ավելի վատ` սցենարիստների, դրամատուրգների մասին: Եթե մեր երիտասարդ դերասաններն ունենան հնարավորություն` էլ ավելի լավ մասնագիտական կրթություն ստանալու, դրսում մի քիչ ավելի շատ ներկայացումներ դիտելու, այդ դեպքում էլ ավելի լավը կդառնան: Հնարավորինս փորձում եմ ընդունելության քննություններին մասնակցել ու իսկապես կան շատ շնորհալի ուսանողներ, պետք է ուղղակի հղկվեն: Ու, տա Աստված, ունենանք հնարավորություն` դրսից էլ մասնագետներ հրավիրելու, որպեսզի վարպետության դասեր անցկացնեն մեր երիտասարդ դերասանների հետ: Իսկ ավելի ցավալի խնդիր է շարունակում մնալ դրամատուրգների ու ռեժիսորների հարցը...

«ԼՈՒՍԱՀՈԳԻ ՌՈԲԵՐՏ ՍԱՀԱԿՅԱՆՑԻ ԵՐԱԶԱՆՔՆ ԷՐ»


Հրանտ Թոխատյան արվեստագետին, հայ գրականության լավատեղյակ դերասանին դուր գալի՞ս է «Անահիտ» մուլտֆիլմը, ուր գերիշխում է իր ձայնը: Հետաքրքիր է Ձեր անձնական գնահատականը 10 բալային համակարգով: (ԼԱԼԱ ՍՈՂՈՄՈՆՅԱՆ, ք. Մոսկվա)

– Երկու պատասխան կա. առաջինը շատ ուրախ եմ, որ կա «Անահիտ» մուլտֆիլմը, որովհետեւ վաղուց դրա կարիքն ունեինք, եւ այն լուսահոգի Ռոբերտ Սահակյանցի երազանքն էր: Եվ խոսքը ոչ միայն «Անահիտի» մասին է, այլ ընդհանրապես լիամետրաժ մուլտֆիլմեր ստեղծելու, բայց, ցավոք, Ռ. Սահակյանցը չուներ իր կողքին կանգնած այն մարդիկ, որոնք ունեին հնարավորություն իրեն օգնելու` ֆինանսապես եւ այլն: Դավիթ Սահակյանցը կեցցե, որ կարողացավ անել դա` իր ուժերով, իր կարողություններով եւ տվյալ դեպքում նաեւ մեր ընկերությունը` «Շարմը», կանգնեց իր կողքին, որպեսզի ստեղծվի «Անահիտը»: Ու վստահ եմ, որ էլի շատուշատ անելիք ունի Դավիթը: Իսկ մյուս կողմից` գրական առումով, ինչ խոսք, կան բավական խախտումներ, կան մեր լեզվական կանոններից դուրս արտահայտություններ եւ այլն, բայց եթե դա էլ համարենք գեղարվեստական լուծում, ժամանակի ընթացքում դրանք էլ քիչ-քիչ կշտկվեն: Հետեւաբար, ամենադրական գնահատականն ունեմ «Անահիտի» մասին, ինքս մասնակցել եմ ու վաղը-մյուս օրը, տա Աստված, Դավիթը էլի մուլտֆիլմ պատրաստի, հրավիրի, մեծ հաճույքով կմասնակցեմ:

- Ո՞րն է Ձեր ամենասիրելի գիրքը եւ առհասարակ, ըստ Ձեզ՝ ո՞րն է ավելի գերադասելի՝ գրական իրականությո՞ւնը, թե՞ բուն իրականությունը: (ՀՈՎՀԱՆՆԵՍ ՎԱՐԴԱՆՅԱՆ, ք. Երեւան)

-Բնականաբար, բուն իրականությունը: Իսկ գրական իրականությունը, մանավանդ, եթե սյուժեն քեզ շատ է դուր գալիս, դու կարող ես մտածել արվեստի գործ ստեղծելու մասին: Չնայած հաճախ լինում են դեպքեր, երբ այդ արվեստի գործը կուզենաս լինի նաեւ իրականության մեջ: Իսկ իմ սիրած գիրքը Գարսիա Մարկեսի «Հարյուր տարվա մենությունն» է:

 

«ՊԱՏՐԱՍՏՎՈՒՄ Է «ՄԵԱ ԿՈՒԼՊԱՅԻ» ՇԱՐՈՒՆԱԿՈՒԹՅՈՒՆԸ»


Ի՞նչ ստեղծագործական նորություններ սպասենք այս տարի Ձեզնից: (ԿԱՐԵՆ, ք. Երեւան)

– Ծրագրերը բավականին մեծ են` մանավանդ բեմի հետ կապված: Այժմ պատրաստվում է «Մեա կուլպայի» երկրորդ մասը` ավելի ճիշտ, շարունակությունը: Ծրագրում կա նաեւ ներկայացում Հայաստանի սահմաններից դուրս` ՌԴ-ում` այնտեղի դերասանների հետ, որին մեծ հաճույքով կմասնակցեմ: Սյուժեն լավն է, ռեժիսորը լավն է, դերասանները լավն են, տեսնենք` ինչ կստացվի:

Ըստ Ձեզ, արդյո՞ք «Մեա կուլպայի» շարունակությունն էլ նույն կերպ կընդունվի հանրության կողմից: («ԻՐԱՎՈՒՆՔ»)

– Չգիտեմ, դրան ոչ ոք չի կարող պատասխանել: Բայց փորձում ենք, որպեսզի լինի լավը: Դրա համար էլ մեր ներկայացումները երկար են ծնվում: Տարօրինակ կհնչի, բայց «Խաթաբալադան» էլ, «Մեա կուլպան» էլ, «Ժանգոտ բանալին» էլ, ամենաքիչը 9 ամիս տեւել են` մինչեւ բարձրացել են բեմ: Բավականին մեծ ժամանակ` մոտ 5-6 ամիս, գնում է միայն սցենարի վրա աշխատելով:

Գրեթե մի երեխայի ծնունդի չափ գործընթաց է...

– Ու դրա համար երեխայի պես իրենց սիրում ու փայփայում ենք, որպեսզի չափից շուտ չհնանան, չհիասթափեցնեն, այլ իրենց հունով գնան: Եթե սա էլ ունենա, կոպիտ ասած, նախորդի բախտը, շատ դժգոհ կլինեմ, որովհետեւ կուզենայի, որ այն մի երկու-երեք տարի հետո հնանար, էլ չխաղայինք, փորձեինք ինչ-որ նոր բան անել, բայց «Մեա կուլպան» այսօր էլ հին չէ: Եվ մենք այն չենք խաղում միայն մի պատճառով, որ ներկայացման մեջ գործողությունները կատարվում են 2015 թվին: Այսինքն` եկավ 2015-ը եւ հանեցինք խաղացանկից: Բայց եթե այսօր էլ խաղայինք, էլի կլիներ ակտուալ, լեփ-լեցուն դահլիճներ, ու սա ցավալի է: Այն 13 տարի մնաց բեմում ու այդ առումով ունիկալ ներկայացում էր: Անտերպրիզային ներկայացումների մեջ այդպիսի բան գրեթե չի լինում, որովհետեւ ունենում են մեկ, մաքսիմում` երկու տարվա կյանք, հետո հեռանում են բեմից:

Արդեն պապիկ դարձած, կոչում ստացած ու սիրված Հրանտ Թոխատյանին ի՞նչ է պակասում` կատարյալ երջանկության համար: (ԱՐՄԻՆԵ, ք. Երեւան):

– Ամեն օր բեմ բարձրանալը` ուրիշ ոչինչ... Փառք Աստծո, կարողացել եմ իմ գրեթե 60 տարիների ընթացքում բոլոր խնդիրներս, նպատակներս ու երազանքներս հնարավորինս իրականացնել:

Նյութը` ՀՐԱՆՏ ՍԱՐԱՖՅԱՆԻ


Լուսանկարը` Սամվել Չոբանյանի


Հ.Գ.- «Ուղիղ կապի» շարունակությունը կարդացե՛ք «Իրավունք» թերթի այսօրվա համարում:







Մեր հաղթանակները մեզանից չեն խլի. Պրոֆեոր Չարչյանը օրվա խորհրդի մասինԱրթուր Չախոյանը մանրամասներ է ներկայացնում ծեծկռտուքիցՄանվել Գրիգորյանն իմ մարտական ընկերն է եղել. Սասուն ՄիքայելյանՆերքին թշնամությունից, հասարակական բևեռացումից ու սեփական կաշվից այն կողմ ոչինչ չեն տեսնում. Տիգրան ԱբրահամյանԹրամփը մայիսի 8-ը ԱՄՆ-ում պաշտոնապես հռչակել է Հաղթանակի օրՀՀ տարածքում ավտոճանապարհներն անցանելի ենԵրևանում սպասվում է կարճատև անձրև:Գազամատակարարման պլանային ընդհատումներ ԵրևանումԷլեկտրաէներգիայի պլանային անջատումներ կլինեն։Մայիսի 9-ին կլրանա Տիգրանի 2-րդ տարեդարձըՊուտինը այսօր կհանդիպի պետական ​​այցով Ռուսաստանում գտնվող Սի Ցզինպինի հետ«Հրապարակ». ՔՊ-ական կանայք թեժ մրցակցության մեջ են«Ժողովուրդ». Համբարձումյանը, Հովհաննիսյանն ու Կոնջորյանը ակտիվանում են կռվի ժամանակՈ՞ՒՄ Է ՊԵՏՔ ՆԻԿՈԼԻ ՄՈՍԿՈՎՅԱՆ ԱՅՑԸ ՉԵՂԱՐԿԵԼԸՋրանջատումներ Երևանի մի շարք հասցեներումԹՐԱՄՓԻ ՀԱՄԱՐ ՄՈՍԿՎԱՅԻ ՕԳՆՈՒԹՅՈՒՆՆ ԱՆՓՈԽԱՐԻՆԵԼԻ ԷՐ ՍՊԻՏԱԿ ՏՈՒՆ ՄՏՆԵԼՈՒ ՊԱՀԻՑԻնչու Ալիևը չմեկնեց Մոսկվա․ Բաքվից պարզաբանում են«Հրապարակ». Դատել են Հայկ Սարգսյանին ու Դիանա Գասպարյանին«Փաստ». Գիշերներն ինչո՞ւ են ջուրն անջատում«Ժողովուրդ». Փաշինյանը «քննություն» է նշանակել` «ափդեյթ» անելու թիմակիցներինԱստղագուշակ մայիսի 8-ի համարՀորդառատ անձրև ու կարկուտ է սպասվում․ եղանակն՝ առաջիկա օրերին«Հրապարակ». ՔՊ-ում իրար ոտքի տակ են փորումԼույս չի լինելու․ հասցեներ«Փաստ». Իշխանությունների հիստերիան մատնում է իրենց խախուտ վիճակը«Ժողովուրդ». Սամվել Շահրամանյանի թիմը չի պատրաստվում «զիջել դիրքերը». ընտրությունները կարող են կուլմինացիոն լինելԱլիևի՝ Մոսկվա չգնալը չի կարող հետևանք չունենալ Բաքվի համար․ իրանագետՊեդոֆիլի զոհը՝ Ֆրանսիայի նախագահ Մակրոնը, ելույթ ունեցավ Ֆրանսիայի Մեծ մասոնական օթյակի առջև. ՄալոֆեեւՌուսական ФАБ սավառնող ծանր ավիառումբերը ոչնչացրել են ուկրաինական ուժերի տեղակայման կետերը (Տեսանյութ)Պակիստանը բալիստիկ հրթիռներ է արձակել Հնդկաստանի Փանջաբի Ամրիտսար օդանավակայանի ուղղությամբ (Տեսանյութ)Դրոնային զորքերը չպետք է շփոթել անօդաչու սարքերի դրոնների հետ. Վան Համբարձումյան Արմատապես փոխում է ժամանակակից պատերազմի բնույթը. Վան ՀամբարձումյանԵրևանի բարձրահարկ շենքի բակում հայտնաբերված մահացածը 15-ամյա աղջիկ է․Հայտնի է, թե ով է Գյումրի բկ-ի ձերբակալված բժիշկը. Բացառիկ մանրամասներՉԼ. ՊՍԺ- «Արսենալ». Մեկնարկային կազմեր Բաքուն Երևանին կրակոցների վերաբերյալ տեղեկություններ է փոխանցել․ վարչապետի աշխատակազմ. Factor.am«Էստեղս եք հասցրել». ինչ շարժում է բորբոքված Փաշինյանը ցույց տալիս ընդդիմադիրներինԿոնստանտինովկայի ուղղությամբ ուկրաինական պաշտպանությունը փլուզվում էՆախկին նախագահների հետ պետք էր հանդիպել, խոսել, խորհրդակցել մինչեւ 44-օրյա պատերազմը. Արմեն ԱշոտյանԱլիևը չի մեկնի Մոսկվա. ՌԴ նախագահի օգնականԵրևանի մի շարք հասցեներում ջրամատակարարումը ժամանակավորապես կդադարեցվիՏոներից հետո Ուկրաինային սպասվում է աննախադեպ ծանր համակցված հարված. Ուկրաինական աղբյուրՎտանգ կա, որ մեր երկիրը դառնա աշխարհաքաղաքական բախումների թատերաբեմ. ՍաֆարյանՆեոնացիզմը փորձում է ջնջել հիշողությունը մեծ հաղթանակի մասին. Ռուբեն ՍաֆրաստյանՆովոպավլովկայի ուղղությամբ ռուսական «Օ» բանակախումբը ընդհուպ մոտեցել է Դնեպրոպետրովսկի մարզի սահմանագծին (Տեսանյութ)Ռուսական ավիացիան գերծանր ավիառումբերով «արդուկող» հարված է հասցրել Միրնոգրադին (Տեսանյութ)Իսկ 2018 թվականին Ալեքսանյանի մտքով չէ՞ր անցնում, որ ընտանիքը սրբություն է. ԶԱՐՄԱՆՔ«Ռուսական երկինքն արգելափակելու փորձերով, Կիեւը փորձում է սադրել Մոսկվային` մայիսի 9-ին ընդառաջ պատասխան ծանր քայլի դիմել»Կուտվի, բենզինով կուտվի. ԸՆԿԵՐ ՓԱՆՋՈՒՆԻՎուչիչի Մոսկվա թռչող ինքնաթիռը վայրէջք է կատարել Բաքվում
Հետևե՛ք -ին Youtube-ում`
Ամենադիտված
Ереван погода
Back to top