Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

ԱԴՐԲԵՋԱՆԸ ՄՈՒԼՏԻԿՈՒԼՏՈՒՐԻԶՄԻ ԵՐԿԻՐ ԼԻՆԵԼՈՒՑ ԴԵՌ ՇԱՏ ՀԵՌՈՒ Է

Արխիվ 12-16

 

ԱԴՐԲԵՋԱՆԸ ՄՈՒԼՏԻԿՈՒԼՏՈՒՐԻԶՄԻ ԵՐԿԻՐ ԼԻՆԵԼՈՒՑ ԴԵՌ ՇԱՏ ՀԵՌՈՒ Է

Ադրբեջանի նախագահ Իլհամ Ալիեւը որոշել է իր երկրում տիրող տնտեսական խորը ճգնաժամից ժողովրդի ուշադրությունը շեղել «յուրօրինակ» մեթոդով: Վերջինս հրամանագիր է ստորագրել, որով 2016 թվականը Ադրբեջանի համար հայտարարել է մուլտիկուլտուրիզմի տարի:
Ալիեւը տարիներ շարունակ բոլոր հնարավորություններն օգտագործել է, որպեսզի միջազգային հանրությանը ցույց տա, թե իբրեւ Ադրբեջանն է հենց այն երկիրը, որը կարող է մուլտիկուլտուրիզմի ոլորտում ունեցած փորձով կիսվել աշխարհի հետ: Չնայած` այստեղ կա որոշակի ճշմարտություն, Ադրբեջանից բացի կա՞ որեւէ  երկիր (չհաշված Թուրքիան), որտեղ այդքան ջանասիրաբար կարող են ոչնչացնել այլ ազգերի` հատկապես հայերի մշակույթը:

 

 

Ի. Ալիեւը գուցե մոռացել է, թե մշակութային ինչպիսի ջարդ իրականացրեց Հին Ջուղայի հայկական խաչքարերի նկատմամբ: Չունենալով սեփական մշակույթ` այդ երկիրը սեփականաշնորհում է այլ ազգերի մշակույթը եւ բնականաբար այն պահելու համար դիմում է զանազան սադրանքների, որոնք քողարկելու նպատակով էլ ամեն տարի երկրում հռչակում է մուլտիկուլտուրիզմի տարի: Եթե Ադրբեջանը շարունակի հայկական քոչարիի, լավաշի եւ դուդուկի նման հայկական մշակութային մյուս արժեքներն էլ ադրբեջանական համարել, ապա կարելի է սպասել, որ 2016թ.-ին հաջորդող բոլոր տարիներին եւս Ալիեւն իր երկիրը կհռչակի մուլտիկուլտուրիզմի կենտրոն: Հետաքրքիր է, թե «մուլտիկուլտուրիզմի տարում» Ադրբեջանի «հանդուրժողականությունը» այլ մշակույթների հանդեպ ինչպես կարտահայտվի, չնայած` այդ երկրի օրինակը միշտ էլ ցույց է տվել, որ կարմիր կովն իր կաշին երբեք չի փոխի:
Այնպես որ, բոլորովին էլ զարմանալի չի լինի, եթե վաղն Ալիեւն Ադրբեջանը հայտարարի աշխարհում ամենաժողովրդավարական եւ հանդուրժող երկիր:
Աշխարհին Ադրբեջանը կարող է միայն սովորեցնել, թե ինչպես կարող է մշակութային ցեղասպանություն իրականացնել այլ մշակույթների հանդեպ, բայց կիսվել մուլտիկուլտուրիզմի ոլորտում ունեցած փորձով եւ իրեն հռչակել մուլտիկուլտուրիզմի երկիր` պարզապես զառանցանք է եւ նման զավեշտի:
Կույտը մշակեց
ԶՎԱՐԹ ԽԱՉԱՏՐՅԱՆԸ
Հավանեցի՞ր հոդվածը, կիսվիր ընկերներիդ հետ