Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

«ԼԵՎՈՆ ՏԵՐ-ՊԵՏՐՈՍՅԱՆՆ ԻՐ ԽԱՉԱԿԻՐՆԵՐՈՎ` ԱՆՄԱՀ Է»

Արխիվ 12-16

«ԼԵՎՈՆ ՏԵՐ-ՊԵՏՐՈՍՅԱՆՆ ԻՐ ԽԱՉԱԿԻՐՆԵՐՈՎ` ԱՆՄԱՀ Է»


Այլեւս գաղտնիք չէ, որ ՀԱԿԿ առաջնորդ, ՀՀ նախկին նախագահ Լեւոն Տեր-Պետրոսյանը քաղաքականությամբ զբաղվելու փոխարեն, ստիպված է հոգալ սեփական առողջության մասին, ինչի համար էլ այս պահին գտնվում է ԱՄՆ-ում: Իսկ թե ի՞նչ է սպասվում «Հայ Ազգային կոնգրես» կուսակցությանը` առանց Լեւոն Տեր-Պետրոսյանի, «Իրավունքը» հետաքրքրվեց քաղաքական գիտությունների դոկտոր, պրոֆեսոր ԼԵՎՈՆ ՇԻՐԻՆՅԱՆԻՑ.
–Նախ ասեմ, որ Լեւոն Տեր-Պետրոսյանը քաղաքական, գաղափարական հոսանք է, որը հայ ժողովրդի մեջ կա, երեւի, հարյուրավոր տարիներով: Դա հայ աշխարհաքաղաքացին է` կոսմոպոլիտը, որն ունի համակիրների կայուն բանակ: Այդ իմաստով նա քաղաքականությամբ կզբաղվի, նույնիսկ եթե, Աստված չանի, ինքն այլեւս չլինի:

Եվ սա Ձեզ ասում է մի մարդ, որը երբեք այդ դիրքորոշման կողմնակիցը չի եղել ու հայ կոսմոպոլիտին ատել է` ֆիզիկական, գաղափարական եւ բարոյական իմաստով, բայց սա իմ անձնական վերաբերմունքն է: Եվ երկրորդ` կարծում եմ, որ ՀԱԿԿ-ում այդ լիդերը այս տարիներին ծնվել է, եւ եթե դրանցից մեկը չէ, ապա երկուսը` հաստատ: Նկատի ունեմ Լեւոն Զուրաբյանին եւ Արամ Մանուկյանին, որոնք խոստումնալից, գաղափարական քաղաքական գործիչներ են, որովհետեւ այս տարիներին չեն տատանվել: Ճիշտ են, թե` սխալ, գնահատելու հարց է: Իսկ եթե նրանց մեջ երրորդ լիդերն էլ գտնվի, ուրեմն` հաստատ Աստված եռամիասնություն ստեղծել է, եւ նրանք կարող են այդ գործը շարունակել, մանավանդ, եթե չմեծամտանան ու իրենց Բիսմարկի տեղը չդնեն: Ընդ որում, եթե իրենց Բիսմարկի տեղը չդնեն, իրենք կդառնան Բիսմարկ, բայց եթե` ոչ, կլինի սովորական բան` եկան, անցան: Ի դեպ, նրանց անձնապես չեմ ճանաչում ու որեւէ մտերմություն չունեմ, սխալ չհասկացվեմ, բայց նրանք այս տարիներին ցույց տվեցին, որ իրենք աճել են մեր աչքի առաջ: Մեր երկրին օդ ու ջրի նման պետք է օպոզիցիա, իսկ նրանք իսկական օպոզիցիա են ու իշխանական «պռոեկտ» չեն, ուստի` իրենց հաջողություն եմ մաղթում: Հետեւաբար, եթե ՀԱԿԿ-ն խելք ունենա, Լեւոն Զուրաբյանին կպահի որպես առաջնորդ, նրան կօգնի, բայց նաեւ կվերահսկի, ինչը Հայաստանում ինչ-որ չի ստացվում: Մի խոսքով` Լեւոն Տեր-Պետրոսյանն իր խաչակիրներով` անմահ է:

 

ՀՐԱՆՏ ՍԱՐԱՖՅԱՆ
Հավանեցի՞ր հոդվածը, կիսվիր ընկերներիդ հետ