Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

ԱՐԱՄ ՍԱՐԳՍՅԱՆ. « ԵԹԵ ԳԱՂԱՓԱՐԱԿԱՆ ՀԵՆՔ ԼԻՆԻ, ԿԱՐՈՂ ԵՆՔ ԱՐԱ ԱԲՐԱՀԱՄՅԱՆԻ ՀԵՏ ՄԻԱՍՆԱԿԱՆ ՀԱՆԴԵՍ ԳԱԼ»

Արխիվ 12-16

ԱՐԱՄ ՍԱՐԳՍՅԱՆ. « ԵԹԵ ԳԱՂԱՓԱՐԱԿԱՆ ՀԵՆՔ ԼԻՆԻ,

ԿԱՐՈՂ ԵՆՔ ԱՐԱ ԱԲՐԱՀԱՄՅԱՆԻ ՀԵՏ ՄԻԱՍՆԱԿԱՆ

ՀԱՆԴԵՍ ԳԱԼ»

 

Հայաստանի դեմոկրատական  կուսակցության ղեկավար Արամ Սարգսյանից «Իրավունք»-ը հետաքրքրվեց` արդյոք ՀՅԴ-ն   ՀՀԿ-ի հետ կոալիցիա կազմելով   կարող է երկրում իրավիճակ  փոխել, եթե հաշվի առնենք, որ ընդդիմությունն առճակատմամբ  իշխանափոխություն չի  կարողացել իրականացնել: Եվ հիմա որոշել է իշխանության հետ համագործակցելով լուծել ինչ-որ բան փոխել դեպի լավը: «ՀՅԴ-ն տասը տարվա կոալիցիայի փորձ ունի, փորձել է իր գաղափարները կյանքի կոչել, սակայն իշխող  ուժի քաղաքականության մեջ ոչինչ չի փոխվել: Հիմա ինչ երաշխիքներ ունեն, որ կարող են ազդել ստեղծված իրավիճակի վրա: Ինչ վերաբերում է իշխանափոխությանը, ապա դա  ես չեմ ընկալում: Իշխանության եկողը պետք է հաղթի արդար ընտրություններում»:

Անդրադառնալով նոր սահմանադրությամբ ամրագրված համամասնական ընտրակարգով ամրագրված վարկանիշայի քվեարկությանը, կուսակցության ղեկավարը վստահ է` դա արվում է «մեծահարուստ տղերքի համար, որոնց ուզում են ավելի լավ օգտագործել.

«Հիմա նրանք տաք են,  չեն հասկանում:  Նրանց ասելու են` գնացեք իրար դեմ կռվեք, շատ փող ծախսեք, ձայներ բերեք»:

Ինչ վերաբերում է ընդդիմադիրների  հավանական միավորմանը, ապա  դա, ըստ Արամ Սարգսյանի, պետք  է լինի գաղափարական հենքի վրա: «Ընդդիմության միավորման նախադրյալներ միշտ կան, պարզապես պետք է  ճիշտ օգտագործել: Եթե հաջողվի, դա կհամարեմ մեր ձեռքբերումը»,- ասաց Ա. Սարգսյանը:

- Ընդդիմության գաղափարական միավորման մեջ տեսնում ենք նորաստեղծ «Ալյանս», «Քաղաքացիական պայմանագիր», «Լուսավոր Հայաստան» կուսակցություններին:

- Ես չգիտեմ նրանց գաղափարախոսությունը, անգամ նրանք դեռ կայացած էլ  չեն: Մի երկուսի անուններն էլ վերջերս եմ լսել:

- «Նոր Հայաստան» նախաձեռնությունն ինչպիսի՞ դերակատարում  կունենա քաղաքական գործընթացներում:

- Դե քաղաքացիական շարժումները միշտ անհրաժեշտ են, մեզ համար լավ է, որ կան նման շարժումներ: Բայց պետք է բացառել «գնանք ջարդենք, փշրենք» մոտեցումը, քանի որ այն որեւէ արդյունքի չի բերել եւ չի կարող  համարվել քաղաքական գործունեություն:

- Ձեր կուսակցությունը միայնա՞կ, թե՞ Արա Աբրահամյանի հետ կմասնակցի  քաղաքական գործընթացներին:

- Եթե մեր ծրագրերը համահունչ լինեն, գաղափարական հենք լինի, կարող ենք միասնական հանդես գալ:  Արա Աբրահամյանի կողմից դեռ վերջնական որոշում չկա: Մարտ-ապրիլին, ինչպես ինքն է  հայտարարել, իր վերջնական որոշում կկայացնի:

- Այսինքն` ՀԴԿ-ն սպասում էԱրա Աբրահամյանի որոշմա՞նը:

- Ոչ, ոչ: Մենք` որպես  ինքնուրույն կուսակցություն մեր գործն ենք անում, չենք սպասում ոչ մեկին, հրատապ հարցերին արձագանքում ենք:

 


ՍՈՆԱ ԴԱՎԹՅԱՆ


 

Հավանեցի՞ր հոդվածը, կիսվիր ընկերներիդ հետ