Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

ՔԱՂԱՔԱԳԵՏ. «ՍԱՐՍԱՆԳԻ ՋՐԱՄԲԱՐԻ ՎԵՐԱՆՈՐՈԳՈՒՄԸ ԿԱՐԵԼԻ Է ԴԱՐՁՆԵԼ ԵՄ-ՈՒՄ ՀԱՄԱՏԵՂ ԾՐԱԳԻՐ»

Արխիվ 12-16

ՔԱՂԱՔԱԳԵՏ. «ՍԱՐՍԱՆԳԻ ՋՐԱՄԲԱՐԻ ՎԵՐԱՆՈՐՈԳՈՒՄԸ ԿԱՐԵԼԻ Է ԴԱՐՁՆԵԼ ԵՄ-ՈՒՄ ՀԱՄԱՏԵՂ ԾՐԱԳԻՐ»

 

Օրեր առաջ Ստրասբուրգում ավարտվել է ԵՄ-Հայաստան խորհրդարանական համագործակցության հանձնաժողովի (ԽՀՀ) հերթական 16-րդ նիստը, որի ավարտից հետո ընդունվել է ԵՄ-Հայաստան խորհրդարանական համագործակցության եզրափակիչ հայտարարություն: Քաղաքագետ Ստեփան Գրիգորյանն այսօր լրագրողների հետ զրույցում  անդրադառնալով  հայտարարությանը, այն   համարեց  համեմատաբար օբյեկտիվ, որը չես ասի ԵԽԽՎ-ում ընդգրկված  երկու վերջին հակահայկական բանաձեւերի մասին:   Դրանք, ըստ վերլուծաբանի, ոչ մի կապ չունեն ԵԱՀԿ Մինսկի խմբի մոտեցման  հետ:

ԵԽԽՎ-ում ընդգրկված  հակահայկական բանաձեւերից մեկը վերաբերում է Սարսանգի ջրամբարին:  Քաղաքագետն առաջարկում է  այն դարձնել ԵՄ-ում քննարկման առարկա: Մասնավորապես  ջրամբարի վերանորոգման հարցը ԵՄ-ում  դարձնել համատեղ խաղաղության ծրագիր: «Կարծում եմ` ԵՄ-ն կֆինանսավորի: Անգամ կիսակաշառված պատգամավորների համար սա  ընդունելի կլինի»,-  առաջարկում է վերլուծաբանը:

ԵՄ-Հայաստան համատեղ հայտարարության մեջ  ամրագրված կարեւոր դրույթներ են հայ-թուրքական փակ սահմանը: «Առաջին անգամ հայտարարության մեջ խոսվում է սահմանի միակողմանի փակ լինելու մասին: Իսկ սա կարեւոր է,  քանի որ երբ խոսվում է հայ-թուրքական փակ սահմանի մասին, եվրոպացիները չեն հասկանում` որ կողմն է փակել սահմանը»,- ասաց վերլուծաբանը:

ԵՄ-ն այս տարի Թուրքիային ֆինանսապես աջակցեց Սիրիայից փախստականներ ընդունելու համար: Ըստ բանախոսի`Հայաստանը եւս այն երկրներից է, որն ընդունեց Սիրիայից փախստականներ. «ԵՄ-ն կոչ է անում   ԵՄ անդամ երկրներին  դրական արձագանքել և աջակցել հայաստանյան իշխանությունների բոլոր այն դիմումներին, որոնք ուղղված կլինեն Հայաստանում սիրիացի փախստականների հետագա սոցիալական ինտեգրմանը»: Սա, ըստ քաղաքագետի, ճիշտ օգտագործելու դեպքում հնարավորություն կտա անգամ ֆինանսական աջակցություն ստանալ ԵՄ-ից:

Հարցին` ինչպե՞ս է, որ ԵՄ-ում հայկական պատվիրակությանը հաջողվել է   հայկական շահերին համահունչ փաստաթուղթ ստանալ, իսկ ԵԽԽՎ-ում` ոչ, եթե ԵՄ անդամ երկրները նաեւ ԵԽԽՎ-ի  անդամներ են:  Վերլուծաբանի խոսքով`  իշխանություններին ու միջազգային ատյաններում աշխատողները չպետք է անընդհատ ԵԽԽՎ-ին անվանեն կաշառված. «Դրանով  դու նրան դարձնում ես հայ ժողովրդի թշնամի: Մյուս առաջարկս այն է, որ մեր պատվիրակությունը պետք է աշխատի   պրոհայկական  պատգամավորներին  համոզել` մասնակցելու  ԵԽԽՎ-ի նիստին: Պարտադիր չէ, որ նրանք  ելույթ ունենան, բայց կարող են քվեարկել` ընդդեմ հակահայկական բանաձեւի»:

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ