ԴԱՇՆԱԿՑԱԿԱՆԸ` ՐԱՖՖԻ ՀՈՎՀԱՆՆԻՍՅԱՆԻՆ. «ԹՈՂ ԻՐԵՆՔ ԻՐԵՆՑ ՄԱՍԻՆ ՄՏԱԾԵՆ»

ԴԱՇՆԱԿՑԱԿԱՆԸ` ՐԱՖՖԻ ՀՈՎՀԱՆՆԻՍՅԱՆԻՆ. «ԹՈՂ

ԻՐԵՆՔ ԻՐԵՆՑ ՄԱՍԻՆ ՄՏԱԾԵՆ»

Դաշնակցական Հրանտ Մարգարյանի հայտարարությունից հետո, թե ՀՅԴ-ն հանդիպել է ՀՀ նախագահ Սերժ Սարգսյանին ու ՀՀԿ-ի հետ կոալիցիա կազմելու համար բանակցություններ է վարում,  ըստ լուրերի` առաջացրել է Սփյուռքում գործունեություն ծավալող դաշնակցականների  ընդվզումը: ՀՅԴ պատգամավոր Միքայել Մանուկյանը, սակայն, «Իրավունք»-ի հետ զրույցում հերքեց այդ լուրերը. «Նման բան չկա: Դա զուտ Հայաստանյան կառույցի գործն է: Մենք ոչ մի տեղեկություն չենք ստացել Սփյուռքի կառույցների դժգոհության մասին»:

-Երբ պաշտոնապես հայտարարվեց ՀՀԿ-ի հետ բանակցությունների մասին, ՀՅԴ-ի շարքերը լքողներ եղան, որոնք եւս դեմ արտահայտվեցին իշխանության հետ կոալիցիա կազմելուն:

-Նրանք նախկին դաշնակցականներ են:

- Ե՞րբ  պարզ կլինի, թե ինչպիսի պորտֆելներ են տրվել ՀՅԴ-ին:

- Հիմա գործընթացը գնում է: Խորհրդակցություններ են տեղի ունենում ՀՀԿ-ի հետ: Երբ  հստակ կլինի ամեն ինչ, գերագույն մարմինը կանի հայտարարություն կամ ասուլիսով հնդես կգա:

- Պրն Մանուկյան, «Ժառանգություն» կուսակցության առաջնորդ Րաֆֆի Հովհաննիսյանը հայտարարել է, որ  ՀՅԴ-ը հեռացել է իր արժեքներից ու գաղափարախոսությանը: Ինչպես եք արձագանքում:

- Քննադատություններ շատ հնչեցին: ՀՅԴ-ից ընդդիմադիր թող ոչ ոք հանդես չգա: Իրենք թող իրենց, իրենց կուսակցությունների մասին մտածեն:

- ՀՅԴ-ի ինչի՞ն է պետք կոալիցիան:

- Երկիրը  վատ վիճակում է, այն պետք է դուրս հանել այս վիճակից:

- Ինչպե՞ս եք  վատ վիճակից դուրս հանելու, եթե նախապայմանները թելադրելու է  ՀՀԿ-ն:

- Խոսքը հիմա  խորհրդակցությունների, ոչ թե նախապայմանների մասին է:

-Ի դեպ, պրն Մանուկյան, Արամի 30 հասցեն քանդելուն դեմ եղողները հայտարարել են, որ քանդված շինությունը դաշնակցական գործիչ Արամ Մանուկյանի տունն է…

- Նման բան չկա: Այդ տեղեկությունն իրականությանը չի համապատասխանում:

ՍՈՆԱ ԴԱՎԹՅԱՆ