Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

«ՇԵՆԳԱՎԻԹ» ԲԿ-Ը ԳՈՒՑԵ ՖԵՅՍԲՈՒՔՅԱՆ ՍՏԱՏՈՒՍՆԵՐՈՎ ՀԻՎԱՆԴՆԵ՞Ր ԷԼ ԲՈՒԺԻ

Արխիվ 12-16

«ՇԵՆԳԱՎԻԹ» ԲԿ-Ը ԳՈՒՑԵ ՖԵՅՍԲՈՒՔՅԱՆ

ՍՏԱՏՈՒՍՆԵՐՈՎ  ՀԻՎԱՆԴՆԵ՞Ր ԷԼ ԲՈՒԺԻ


 

«Շենգավիթ» բժշկական կենտրոնի բժիշկ, ծննդկան Մերի Մարգարյանի մահվան գործով Շուշանիկ Բախշյանին, ինչպես հայտնի է, առաջադրվել է մեղադրանք ՀՀ քրեական օրենսգրքի 130-րդ հոդվածի 2-րդ մասով: Այն է՝ բժշկական օգնություն և սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է բուժվող հիվանդի մահ կամ մարդու իմունային անբավարարության վարակի հարուցիչով վարակում: Այս հոդվածը նախատեսում է ազատազրկում՝ երկուսից վեց տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով կամ առանց դրա:

Մի քանի լրատվամիջոց գրել էր, որ Շուշանիկ Բախշյանից նախկինում էլ են եղել բողոքներ, սակայն «Շենգավիթ» բժշկական կենտրոնը անտեսել է այդ բողոքները:

«Իրավունք»-ն այսօր «Շենգավիթ» բժշկական կենտրոնից փորձեց պարզել, թե ինչ չափորոշիչներով է բժշկական կենտրոնն աշխատանքի ընդունում բժիշկներին, արդյոք նրանք վերապատրաստվում են, մինչ աշխատանքի ընդունելն եւ արդյոք չեն ուսումնասիրում բժշկի անցած ճանապարհը: Բժշկական կենտրոնի  հասարակայնության հետ կապերի պատասխանատու Անուշ Բադալյանը  Իրավունք»-ին տեղեկացրեց, որ  բժշկական կենտրոնն այս պահին որեւէ մեկնաբանություն չի  կարող տալ: «Դուք պարզապես հետեւեք մեր պաշտոնական էջին: Թե՛ «Ֆեյսբուք»-ում, թե՛ կայքում մենք հայտարարություններ անում ենք: Եթե մենք ասելիք ունենաք, մենք անպայման տեղյակ կպահենք»,- ասաց բկ-ի ներկայացուցիչը:

Հետաքրքիր է` վերոնշյալ բժշկական կենտրոնը  եթե այդքան կարեւորում է «Ֆեյսբուք»-ը, չի՞ ցանկանում իր հիվանդներին բուժումներ նշանակել սոցիալական ցանցի միջոցով` ստատուսներ գրելով: Դե գիտությունը զարգանում է, տեխնոլոգիաները` եւս:

Ինչ վեչաբերում է Շուշանիկ Բախշյանին, Անուշ Բադալյանը միայն ասաց, որ նա 24 տարի աշխատում է  Շենգավիթ բկ-ում, լավագույն մասնագետներից է, երբեւէ որեւէ բոողոք դժգոհություն չի եղել նրանից:

Վերոնշյալ հարեցրն ուղեցինք նաեւ առողջապահության նախարարության  անձնակազմի կառավարության վարչության պետ Սամվել Սողոմոնյանին, թե` նախարարությունը ունի՞ որեւէ լծակ` ստուգելու բժիշկների մասնագիտական որակները: Վերջինս մեզ տեղեկացրեց, որ Հայաստանում բժիշկների լիցենզավորում չի իրականանում: Լիցենզավորվում են բժշկական կենտրոնները: Երկրորդ` բժիշկների որակավորումը հաստատող փաստաթուղթ է բուհի ավարտական դիպլոմը:

Ինչ վերաբերում է բժիշկների  մասնագիտական  շարունակական գործունեւությանը, ապա օրենքի համաձայն` հինգ տարվա մեջ  պետք է համապաստախան  զարգացման միջոցառումների հաճախի, իր  գիտելիքները պահի արդիական մակարդակի վրա:  «Բժիշկների գիտելիքների ու վերապատրաստումների հսկողությունը դրված է բժշկական այն կազմակերպությունների ու տնօրինությունների վրա, որտեղ աշխատում է տվյալ բժիշկը»,-  մանրամասնեց Սողոմոնյանը:

Եթե բժշկական կազմակերպության բժիշկները հինգ տարին մեկ չեն վերապատրաստվել, ապա, Սողոմոնյանի խոսքով, դա հիմք կարող է լինել նրան զրկել բժշկական լիցենզիայից: «Առողջապահության նախարարությունը  միջամտում է այն դեպքում, երբ  հարուցված են վարչական վարույթ, այս կամ այն բողոքի հիման վրա սկսվում են ստուգումներ»,- եզրափակեց  առողջապահության նախարարության  անձնակազմի կառավարության վարչության պետը:

Հ.Գ. Աշխատանքային օրվա ավարտի պատճառով չկարողացանք զրուցել ԱՆ լիցենզավորման գործակալության պետ Կարեն Կոստանյանի հետ` տեղեկանալու, թե քանի բժշկական կազմակերպություն է զրկվել լիցենզիայից իր մասնագետների վերապատրաստումները չապահովելու համար: Սակայն հաշվի առնելով թեմայի արդիականությունը` «Իրավունք»-ը սրան առաջիկայում նորից կանդրադառնա:

 


ՍՈՆԱ ԴԱՎԹՅԱՆ



Հավանեցի՞ր հոդվածը, կիսվիր ընկերներիդ հետ