Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

«Ի ԶԱՐՄԱՆՍ ՄԵԶ, ԱՐԴՅՈՒՆՔՆ ԱՆՍՊԱՍԵԼԻ ԷՐ». «Լավագույններից լավագույն»-ները կիսաեզրափակչում են

Արխիվ 12-16

«Ի ԶԱՐՄԱՆՍ ՄԵԶ, ԻՍԿԱՊԵՍ, ԱՐԴՅՈՒՆՔՆ ԱՆՍՊԱՍԵԼԻ ԷՐ». «Լավագույններից լավագույն»-ները կիսաեզրափակչում են

 

Ժամեր անց հայտնի կդառնա, թե ովքեր են լինելու ArmBody Project-ի «Լավագույններից Լավագույնը» երաժշտական նախագծի 2-րդ շրջանի այն երջանիկ մասնակիցները, որոնք ժյուրիի որոշմամբ կհայտնվեն եզրափակիչ փուլում: Իսկ մինչ «Arly music karaoke» ակումբում կկայանա մրցույթի կիսաեզրափակիչ փուլը, «Իրավունքը» արդեն իսկ եղած արդյունքների մասին զրուցեց նախագծի ժյուրիի անդամ, օպերայի մեներգչուհի, վոկալի մասնագետ ՄԱՐԱՆ ԿԱՐԱՊԵՏՅԱՆԻ հետ:

-Դուք նախորդ փուլում մասնակիցներին զգուշացրել էիք, որ ժյուրին ավելի խիստ է լինելու, քանի որ այդ անգամ մասնակիցները պետք է կատարեին հայկական երգեր: Հետաքրքիր է, թե որքանո՞վ արդարացվեցին ժյուրիի սպասումները:

-Ի զարմանս մեզ, իսկապես, արդյունքն անսպասելի էր, որովհետեւ շատերը լավ երգեցին: Իհարկե, կային մասնակիցներ, որոնցից ավելին էինք սպասում, բայց նրանց կողքին շատերն էլ աճ գրանցեցին: Դրա համար էլ ժյուրին շատ զիջումների գնաց ու որոշվեց խրախուսել մասնակիցներին` 24-ին էլ թողնելով, որպեսզի մասնակցեն կիսաեզրափակիչ փուլին:

- Մասնակիցներին ուղղված շատ խորհուրդներ, նկատողություններ, խնդրանքներ հնչեցին ժյուրիի կողմից հենց առաջին փուլում: Ականջալուր եղա՞ն մասնակիցները դրանց:

- Մասամբ:

- Անդրադառնանք նաեւ մրցույթի ձեւաչափին. Ձեր կարծիքով այն կարո՞ղ է ճանապարհ հարթել ապագա երգիչ-երգչուհիների համար:

- Քանի որ նախորդ տարի Հայաստանում չեղավ հեռուստատեսային որեւէ երաժշտական մրցույթ, ուստի` պետք է շնորհակալություն հայտնենք նախագծի կազմակերպիչ եւ գլխավոր պրոդյուսեր Արման Կիրակոսյանին, որ ստեղծեց այս հնարավորությունը` սկսնակ երգիչ-երգչուհիների համար: Այսպիսի մրցույթները  սկսնակների համար շատ կարեւոր է եւ ոչ միայն սկսնակների` այսօր ունենք նաեւ մասնակիցների թվում պատրաստի երգիչներ: Մի խոսքով` այս մրցույթը դարձել է ամենամյա ու հեռանկարային է հենց մասնակիցների համար, տեսնենք մինչեւ ուր կհասնի:

- Ձեր դիտարկամամբ եզրափակչում ի հայտ կգա՞ն նոր աստղեր:

- Մրցույթը հնարավորություն է տալիս հաղթողին մասնակցել միջազգային երաժշտական տարբեր մրցույթներում: Ավելին` փորձը ցույց է տվել, որ այս մրցույթում եղել են մասնակիցներ, որոնք մասնակցել են դրսում մրցույթների ու վերադարձել մրցանակով:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ