ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից

ԱՐՄԵՆ ՄԱՐՏԻՐՈՍՅԱՆԸ ՉԻ ԲԱՑԱՌՈՒՄ «ԺԱՌԱՆԳՈՒԹՅՈՒՆ»-ՕԵԿ ՀԱՄԱԳՈՐԾԱԿՑՈՒԹՅՈՒՆԸ

Արխիվ 12-16

ԱՐՄԵՆ ՄԱՐՏԻՐՈՍՅԱՆԸ  ՉԻ  ԲԱՑԱՌՈՒՄ

«ԺԱՌԱՆԳՈՒԹՅՈՒՆ»-ՕԵԿ ՀԱՄԱԳՈՐԾԱԿՑՈՒԹՅՈՒՆԸ


 

«Ժառանգություն» կուսակցության փոխնախագահը Արմեն Մարտիրոսյանից «Իրավունք»-ը հետաքրքրվեց` «Ժառանգություն»-ը որոշել է խորհրդարանական ընտրություններին դաշինքո՞վ, թե՞ միայնակ է մասնակցելու: «Չեմ կարող պատասխանել, քանի որ այդ հարցը չենք քննարկել: Մենք հիմա բոլորովին այլ գործընթացի մեջ ենք»,- ասաց փոխնախագահը:

Անկախ Հայաստանի քաղաքական  գործընթացները ցույց տվեցին, որ ընդդիմադիր ուժերի միջեւ դաշինքներն արհեստական  են, ոչ գաղափարական: Ավելին`այսօրվա ընդդիմադիր ուժերը չեն էլ վստահում միմյանց:  «Գաղափարական  պայքար Հայաստանում չկա, հետեւաբար դաշինքներն էլ գաղափարական չեն: Մեր երկրում մեկ խնդիր կա` ստեղծել կառավարման նորմալ համակարգ` առանց մոնոպոլիաների, առանց կեղծարարության:  Նորմալ համակարգի ստեղծումից հետ հնարավոր է   գաղափարական պայքար»,- ասաց Մարտիրոսյանը:

«Ժառանգություն»-ը հնարավո՞ր է «Հայկական վերածնունդ», ՕԵԿ կուսակցությունների հետ  դաշինք կազմի: «Այդ հարցն անգամ հպանցիկ չի քննարկվել, որ կարողանամ ասել»,- պատասխանեց նա:

«Նոր Հայաստան» շարժումն ինչքա՞ն պետք է մնա Ազատության հրապարակում, եթե հանրությունն  այդ շարժմանը շուրջ չի միավորվում, ավելին` այդ շարժումն անգամ  «շոու» է որակվում: ««Նոր Հայաստան»-ը կմնա  հրապարակում այնքան, ինչքան նպատակահարմար գտնի: Էական չէ, թե ինչ որակումներ են տալիս «Նոր Հայաստան»-ին, բայց «Նոր Հայաստան»-ը շատ կարեւոր գործ արեց սահմանադրական փոփոխությունների գործընթացում: Ակնհայտ դարձրեց սահմանադրության կեղծվելը իշխանության  կողմից: «Ժառանգության» անդամներն էլ հանձնաժողովներում դեկտեմբերի վեցին  ձայներ պահեցին: Հանրությունն էլ  ապատիկ վիճակում է, դրա համար  չի մասնակցում «Նոր Հայաստան»-ի  ծավալած գործընթացին»,- ասաց պրն Մարտիրոսյանը:

Արմեն Մարտիրոսյանին հիշեցրինք` «Ժառանգության» որոշ անդամներ իրենց տեղերը վաճառել են ՀՀԿ-ին: Արմեն Մարտիրոսյանը դա չհերքեց. «Ամեն ինչ էլ եղել է, բայց դա ոչ թե «Ժառանգության» անդամներն են վաճառել, այլ հանձնաժողովում «Ժառանգության» կողմից  նշանակված առանձին անձինք»:

Հ.Գ. Տեղեկացնենք, որ ամիսներ առաջ Արմեն Մարտիրոսյանն ու Զարուհի Փոստանջյանն  հերքում էին այդ լուրերը`ասելով, որ փորձում են վարկաբեկել կուսակցությանը, իսկ այսօր  լսում ենք հակառակը:

 


ՍՈՆԱ ԴԱՎԹՅԱՆ

 

Հավանեցի՞ր հոդվածը, կիսվիր ընկերներիդ հետ