Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

ԸՍՏ «ԻՐԱՎՈՒՆՔ» ԹԵՐԹԻ, «ՓԱՐԻԶՅԱՆ ԴԱՏԱՎՃԻՌԸ»` ՏԱՐՎԱ ԼԱՎԱԳՈՒՅՆ ՆԵՐԿԱՅԱՑՈՒՄ (տեսանյութ)

Արխիվ 12-16

ԸՍՏ «ԻՐԱՎՈՒՆՔ» ԹԵՐԹԻ, «ՓԱՐԻԶՅԱՆ ԴԱՏԱՎՃԻՌԸ»` ՏԱՐՎԱ ԼԱՎԱԳՈՒՅՆ ՆԵՐԿԱՅԱՑՈՒՄ (տեսանյութ)


«Իրավունքն» արդեն տեղեկացրել էր, որ շարունակելով իր լավագույն ավանդույթները` այս տարի եւս, հաշվի առնելով նաեւ ընթերցողների կարծիքները, ամփոփելով նախորդ` 2015 թվականը, ընտրել է տարվա ընթացքում իրենց գործունեությամբ, մշակույթի տարբեր բնագավառներում աչքի ընկած լավագույն եւ վատագույն գործիչներին: Ըստ այդ ընտրության` տարվա ընթացքում Հայոց ցեղասպանության 100-րդ տարելիցին նվիրված բազմաթիվ բեմադրված ներկայացումների շարքում ԼԱՎԱԳՈՒՅՆ ՆԵՐԿԱՅԱՑՈՒՄ է համարվել Հ. Ղափլանյանի անվան դրամատիկական թատրոնի գեղարվեստական ղեկավար, բեմադրիչ, ՀՀ ժողովրդական արտիստ ԱՐՄԵՆ ԽԱՆԴԻԿՅԱՆԻ` դրամատուրգ Պերճ Զեյթունցյանի պիեսի հիման վրա բեմադրած` «Փարիզյան դատավճիռ» ներկայացումը:

Բեմադրությունը Հայաստանի ազատագրության հայ գաղտնի բանակի` (ԱՍԱԼԱ) չորս տղաների մասին է, ովքեր 1981 թվականին Փարիզում գրավեցին թուրքական հյուպատոսարանը եւ տասնհինգ ժամ գրավյալ պահելուց հետո հասան նրան, որ հարցը միանգամից տեղափոխվեց ֆրանսիական դատարան: Իսկ գործողությունը ծավալվում է հենց այդ դատի շուրջ: Ներկայացումը գրեթե մեկ տարի թատրոնի խաղացանկում է եւ դեռ երկար էլ այն իր ուրույն տեղը կունենա, քանի որ այն նախ ուսուցողական է երիտասարդ սերնդի համար, ապա նաեւ երկրի համար կարեւոր հարցեր է վերհանում:

Երեկ, կրկին լեցուն դահլիճով, ընթացավ ներկայացման հերթական ցուցադրությունը, որին, ի դեպ, ներկա էր ՍԻՄ կուսակցության նախագահ, ԱԺ պատգամավոր ՀԱՅԿ ԲԱԲՈՒԽԱՆՅԱՆԸ, ինչպես նաեւ «Իրավունք» թերթի խմբագրակազմը:

Ներկայացման ցուցադրության ավարտին թերթի կողմից սահմանված պատվոգիրը հանձնվեց թատրոնի գեղարվեստական ղեկավար, բեմադրիչ Արմեն Խանդիկյանին:

Առավել մանրամասն` տեսանյութում.

 


ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ