Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

ԷԼԻՆԱՐ ՎԱՐԴԱՆՅԱՆ. «ՊԱՇՏՊԱՆՆԵՐԻ ՁԱԽՈՂՄԱՆ ՊԱՏՃԱՌԸ ԵՎՐՈԿՈՆՎԵՆՑԻԱՆ ՉԷ»

Արխիվ 12-16

ԷԼԻՆԱՐ ՎԱՐԴԱՆՅԱՆ. «ՊԱՇՏՊԱՆՆԵՐԻ ՁԱԽՈՂՄԱՆ

ՊԱՏՃԱՌԸ ԵՎՐՈԿՈՆՎԵՆՑԻԱՆ ՉԷ»

 

Արդեն երկու օր է, որ  ԱԺ-ը քննարկում է  մարդու իրավունքների պաշտպան Կարեն Անդրեասյանի հրաժարականն ու ՄԻՊ-ի ընտրման նոր կարգը:  Շրջանառվող անունների ցանկում են իրավապաշտպան Ավետիք Իշխանյանի, Վարդան Հարությունյանի անունները, որոնք հնչում են: Մինչդեռ  ընդդիմադիր որոշ գործիչներ   կարծես այդքան էլ հավանություն չեն տալիս այդ անուններին:  Արդյոք  քաղաքական գործընթացներին չմասնակցող եւ իրավապաշտպան գործունեություն ծավալողը ընդունելի է պատգամավորների համար: Մարդու իրավունքների պաշտպանության եւ հանրային հարցերի մշտական  հանձնաժողովի նախագահ Էլինար Վարդանյանն «Իրավունք»-ի հետ զրույցում հիշեցրեց` Կարեն Անդրեասյանը եւս իրավապաշտպան էր եւ իրավաբան, հետեւաբար տարանջատումներ  դնելը`իրավաբան է, իրավապաշտպան է, ճիշտ չէ. «Կարեւորն այն է, որ  մարդու իրավունքների պաշտպանը  անկողմնակալ ու անաչառ գործունեություն ծավալի»:

Ըստ ՄԻՊ-ի  ընտրման նոր կարգի` պետա-իրավական հանձնաժողովի անդամները կարող են ներկայացնել թեկնածու: Եվ քանի որ էլինար Վարդանյանը չի կարող թեկնածու առաջ քաշել, իր կարծիքով երկրորդական է դառնում խոսել այն մասին, թե ով կլիներ իր նախընտրած թեկնածուն:

Մեր մյուս հարցին` արդյոք եվրոկոնվենցիայի` հանրության համար մի փոքր խորթ լինելը չէ, որ մարդու իրավունքների երեք պաշտպանները ըստ էության չեն ընդունվում ո՛չ իշխանության, ո՛չ էլ հանրության կողմից, հանձնաժողովի նախագահն ասաց. «Եվրոկոնվենցիան այն հիմնարար փաստաթուղթն է, որով պետք է առաջնորդվի  ժողովրդավար դառնալու ցանկություն ունեցող պետություն: Այդ կոնվենցիայով ամրագրված են այն հիմնարար իրավունքները, որոնք պետք է պաշտպանված լինեն: Հետեւաբար ասել, թե դա խորթ է դառնում հանրությանը, պաշտպանները դրա համար են հրաժարական տալիս,  իրականությանը չի համապատասխանում»:

«Իրավունք»-ի դիտարկմանը` կարծիք կա, որ հիմնարար իրավունքների  միջուկը սեռական փոքրամասնությունների իրավունքներն են, Էլինար Վարդանյանը չհամաձայնեց:

ՀԱԿ խմբակցության պատգամավորներ Արամ Մանուկյանի ու Ստեփան Դեմիրճյանի հետ էլ փորձեցինք զրուցել, սակայն նրանք հրաժարվեցին: Դեմիրճյանն ասաց, որ ՀԱԿ-ում պետք է քննարկեն  թեկնածու առաջադրելու հարցը:

 


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ