ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից

ԱՐՄԵՆ ՄՈՒՐԱԴՅԱՆ. «ԲԺՇԿԻ ԳՈՐԾՈՒՆԵՈՒԹՅՈՒՆԸ ԴԱԴԱՐԵՑՆԵԼՆ ԻՐԱՎԱՊԱՀ ՄԱՐՄԻՆՆԵՐԻ ԳՈՐԾՆ Է»

Արխիվ 12-16

ԱՐՄԵՆ ՄՈՒՐԱԴՅԱՆ. «ԲԺՇԿԻ ԳՈՐԾՈՒՆԵՈՒԹՅՈՒՆԸ ԴԱԴԱՐԵՑՆԵԼՆ ԻՐԱՎԱՊԱՀ ՄԱՐՄԻՆՆԵՐԻ ԳՈՐԾՆ Է»

«Շենգավիթ» ԲԿ-ում հղի Մերի Մարգարյանի մահվանից   հետո  բժիշկների որակավորման խնդիրը նորից ակտուալ դարձավ: Ո՞վ է, ի վերջո,  պատասխանատու բժշկի մասնագիտական գործունեւության համար: Առողջապահության նախարարությունը այս հարցում պարզվում է  իրավասու չէ միջամտել:  «Բժիշկների գիտելիքների ու վերապատրաստումների հսկողությունը դրված է բժշկական այն կազմակերպությունների ու տնօրինությունների վրա, որտեղ աշխատում է տվյալ բժիշկը: Եթե բժշկական կազմակերպության բժիշկները հինգ տարին մեկ չեն վերապատրաստվել, դա հիմք կարող է լինել ԲԿ-ին զրկել բժշկական լիցենզիայից »,- «Իրավունք»-ին ասել  էր առողջապահության նախարարության  անձնակազմի կառավարության վարչության պետ Սամվել Սողոմոնյանը:

«Իրավունք»-ը  առողջապահության նախարար Արմեն Մուրադյանից պարզեց` հաշվի առնելով վերջին շրջանում  թե՛ նորածինների, թե՛ հղիների մահվան դեպքերը, արդյոք ժամանակը չէ՞, որ նախարարությունն  իր վրա պարտականություն վերցնի բժիշկների գիտելիքների ու վերապատրաստումների հսկողությունը: Երկրորդ, եթե բժիշկները հինգ տարին մեկ վերապատրաստում չեն անցել, քանի՞ բժշակական կազմակերպություն  է լիցենզիայից զրկվել: «Նախ ուզում ես ասել, որ վերջին շրջանում  մայրական  մահացությունների թիվը նվազել է: Ինչ վերաբերում է  բժշկի մասնագիտական շարունակական գործունեությանը,  դա մարդու իրավունքն է: Առանց  համապատասխան հիմքերի` նախարարությունն իրավունք չունի  բժշկի գործունեությունը դադարեցնել, քանի որ դա իրավապահ մարմինների գործն է:

Ինչ վերաբերում է  բժշկական կազմակերպություններին լիցենզավորումից զրկելուն ու լիցենզիայից զրկված բժշկական կազմակերպությունների թվին, նախարարի խոսքով   դա  արվում է համապատասխան բողոքի հիման  վրա` դատական կարգով:

Հ.Գ. Արմեն Մուրադյանն այդպես էլ  լիցենզիայից զրկված բժշկական կազմակերպությունների թիվ չլսեցինք: Ավելին` երեք ժամ շարունակ փորձեցինք զրուցել առողջապահության նախարարության աշխատակազմի լիցենզավորման գործակալության բաժնի պետ Կարեն Կոստանյանի հետ, սակայն մեզ  մի դեպքում ասացին` խորհրդակցության է, մյուս դեպքում էլ` խորհրդակցություն է հրավիրել:  Երեւի լիցենզավորման գործակալության պետը  մոռացել է, որ նրա պարտականություններից մեկը լրատվամիջոցներին պարզաբանումներ տալն է, առավելեւս, որ  լրագրողները գործակալությանը տարվա ընթացքում հազիվ  մեկ-երկու անգամ դիմեն:

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ