ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից

ՄԵՐՈՒԺԱՆ ՏԵՐ-ԳՈՒԼԱՆՅԱՆ.«ՊԵՏՔ Է ՎԱՀԱՆ ՏԵՐՅԱՆԻ ՄԱՍԻՆ ՖԻԼՄ ՆԿԱՐԱՀԱՆԵԼ ԵՎ ՇՏԱՊ ՓՈԽԵԼ ՆՐԱ ԱՐՁԱՆԸ»

Արխիվ 12-16

ՄԵՐՈՒԺԱՆ ՏԵՐ-ԳՈՒԼԱՆՅԱՆ.«ՊԵՏՔ Է ՎԱՀԱՆ ՏԵՐՅԱՆԻ ՄԱՍԻՆ ՖԻԼՄ ՆԿԱՐԱՀԱՆԵԼ ԵՎ ՇՏԱՊ ՓՈԽԵԼ ՆՐԱ ԱՐՁԱՆԸ»


Փետրվարի 9-ին հայ ժողովուրդը նշում է մեծանուն բանաստեղծ ՎԱՀԱՆ ՏԵՐՅԱՆԻ ծննդյան 131-ամյակը:  Բանաստեղծը գրական ասպարեզ մտավ , երբ  22 տարեկան էր, կարճ ժամանակ անց նրա մուտքը գրականություն ողջունեցին ժամանակիհայ մեծությունները: Նա ապրեց  կարճ կյանք եւ մնաց որպես մեծություն եւ լեգենդ: Գրող, հրապարակախոս ՄԵՐՈՒԺԱՆ ՏԵՐ-ԳՈՒԼԱՆՅԱՆԻ խոսքով` Վ. Տերյանը կարիք չունի գովեստի խոսքերի, միայն պետք է ընթերցել նրա բանաստեղծությունները.«Տերյանի շառավիղն ու ազդեցությունը շատ հզոր էր: Նրան հանրությանն ավելի լավ ներկայացնելու համար  հեռուստատեսային 5-6 մասանոց մի ֆիլմ պետք է նկարահանել, քանի որ նա ոչ միայն մեծ պոետ էր, այլեւ գրական գործիչ: Շատ տխուր է, որ հայկական դրամի վրա չկա նրա նկարը, լավ է, որ Իսահակյանը, Չարենցը, Սարյանը, Թումանյանը կան, վատ է, որ Տերյանը չկա: Խնդիրն այն չէ, որ Տերյանը դրամով պետք է փրկվեր, բայց սա մի միջոց է, որի հետ ամեն օր ցանկացած մարդ  շփվում է»,-փաստեց Մ. Տեր-Գուլանյանը: Այս ամենից  զատ, հրապարակախոսը նկատեց մեկ խնդիր եւս`հանրակրթական դպրոցների դասագրքերում ընդգրկված չեն Վ. Տերյանի լավագույն բանաստեղծությունները, սա այն դեպքում, երբ Տերյանի հանճարեղ ստեղծագործություններին պետք է մատաղ սերունդը ծանոթանա հենց դպրոցական նստարանից: Մերուժան Տեր-Գուլանյանը նաեւ առաջարկում է Երեւանի Տերյան փողոցում տեղադրված Վահան Տերյանի արձանը հանել.«Սա Տերյանի արձանը չէ, այնտեղ վիզը ծուռ, խեղճ ու կրակ մի տղա է նստած, Տերյանը չէր կարող նման խեղճ տեսք ունենալ: Մարդ ով ժամանակին գրել է.«Մի խառնեք մեզ ձեր, վայրի արջի ցեղերին: Նրա անունը կրող դպրոցի դիմացի արձանը շատ ավելի լավ է, քան այս մեկը»,-եզրափակեց բանախոսը:

«Վահան Տերյան» մշակութային կենտրոնի տնօրեն ԱՌՈՒՇԱՆ ՀԱԿՈԲՅԱՆՆ անդրադառնալով Տեր-Գուլանյանի բարձրացրած խնդրին նշեց, որ հանրակրթական դպրոցներում հնարավոր չէ ամբողջությամբ ներկայացնել Վահան Տերյանի ստեղծագործությունները, քանի որ մեծանուն բանաստեղծի գրական գործունեությունն շատ խորն է.«Դպրոցներում հնարավոր չէ ամբողջությամբ ներկայացնել Տերյանին, սակայն անհրաժեշտ է: Իսկ արձանի համար կասեմ, որ եթե ցանկանում եք փոխել, փոխեք»:


ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ